خايفة ساعدوني

خولة.د · 2013-09-10, 17:18

انا 2 علوم تجريبية الاستاذ اللي يدخل يخوفنا قالولنا بلي كاين تلاميذ كانوا يدوا ب 16 و 17 اصبحوا 12 و قالولنا هذا العام هو اصعب عام في الثانوية و انا معدلي 14 او 13 و راني خايفة بزااف و الله عاونوني الاستاذ اللي يدخل يحطملنا الامال تاعنا

*بسمة* · 2013-09-10, 17:24

و كآين لي مازالهم محافظين على مستواهم ،،ـ

لي يجيبو 16 في الباك خير منا ؟؟ توكلي على الله و لتكن ثقتك بنفسك عآلية ~

و فقط .

kmilya · 2013-09-10, 17:25

الاستاذة هاذو بدل مايطلعو المورال يهبطوه متقلقيش روحك يخلعو فيك برك
لي يقرا يدي هادي ديريها في بالك صح سنة صعيبة مي تقراي دجيبي ان شاء الله مايكون غير الخير

orama · 2013-09-10, 17:28

وش نقلك هادي خدمة الاساتد يطيحو المورال هههههههه ماديري في بالك والو القرايا برك اكيد راح تنجحي

أميرة الاخلاق نور · 2013-09-10, 18:34

السلام عليكم
يا اختي متخافيش كامل من الاساذته.. لي قرا جاب ولي مقراش هبط هادي هي .. مهيش صعبة السنة الثانية علوم تجريبية فقط انها تحتاج لتركيز لأنها سنة مهمة واذا اهملتها فقط خسرتي .. لان بعض الامور في الدراسة تهمك في السنة القادمة .. واوصيكي هدرة الاساتذة راهي تشجع فيكم ماشي تهبطلكم المورال .. هدرتهم تعني .. اقراي مليح باش متهبطيش من معدلك الاصلي ... وهكذا يخافوو التلاميذ ويقراو ويولووو يشوفو معدلاتهم .. باسكوو قالوهالي من قبل هادي هي ونقووووولهالك
ايا انا اختك نووووووووور واذا احتجتي اي شيئ انا هنا

سلام

salie · 2013-09-10, 18:40

mazalti tamnihom
kima darona mel bem lel lycee
walafna,,mat3andihomsh khorti fi khorti

rofaidamath · 2013-09-10, 19:06

الارادة تصنع المستحيل لذا فان كنت اخترتي هذه الشعبة بارادتك فباذن الله ستوفقي فلا تخافي

Younes Ben titi · 2013-09-10, 19:56

راهم يخوفونا باش التلاميذ يهتموا و يجتاهدوا برك

محمد الطيب الاحمادي · 2013-09-10, 20:15

متقلقيش روحك أختي ....

وحنا بالعكس يقولونا راهي ساهلة

ولازم تنتبه برك باش تخدم في الباك باسكو الثانية هي طريق للباك ...

وكانوا يخوفوفينا العام الي فات بصح كاين الي بقى في مستواه وكاين الي زاد

لذلك توكلي على الله كل شيئ ساهل ان شاء الله

محمد الطيب الاحمادي · 2013-09-10, 20:16

متقلقيش روحك أختي ....

وحنا بالعكس يقولونا راهي ساهلة

ولازم تنتبه برك باش تخدم في الباك باسكو الثانية هي طريق للباك ...

وكانوا يخوفوفينا العام الي فات بصح كاين الي بقى في مستواه وكاين الي زاد

لذلك توكلي على الله كل شيئ ساهل ان شاء الله

كغومة · 2013-09-10, 20:21

كُل شئ يَسْهـل بالاجْتِهَاد ..

وفقَنا الله واياكم ..~

♥إكْــــــرَامْ♥ · 2013-09-10, 20:53

الاساتذة يريدونكم أن تجتهدوا لكن ذا الطريقة الخآآئطة لتوجيهكم

أنآ سمعت بأن هذا العآم أسهل من السنة الأولى

لآ تلتفتي لمثل هذه السخآفآت .. لآ شيء صعب إن عزمت عليه و توكلت على الله

..

بالتوفيق

mari23 · 2013-09-10, 23:04

الاساتدة يقولولنا هكا غير باه نخافو على روحنا و معدلاتنا و نديرولو سكات في الحصة تاعو و نقراولو برك
مناه كامل نخافو نعودو مانديوش مليح و هذه الطريقة الوحيدة عند بعض الاساتذة باه نتبعوهم
بالتوفيق للجميع

lema amel · 2013-09-10, 23:36

السلام عليكم
أخيتي أنا أحيي هذا الاستاذ و أحب أمثاله لانه يزرع في التلميذ رغبة اثبات النفس و المستوى فبعد هذا الكلام ستسعين لتبرهني نفسك أمامه لا تخافي و توكلي على الله و حسبك ربك لا اله الا الله و السلام عليكم