لكل المقبلات على الاقامة الجامعية اولاد فايت 3عن تجربة تفضلي هنا

[نهر الوفاء]

اولا السلام على الجميع
كتبت هذا الموضوع وانا على ثقة تامة فيما اقوله
يا بنات يا اخواتي قضيت في الاقامة الجامعية اولا فايت 4 سنوات
4 سنوات من حياتي لي ماشفتوش في حياتي شفت في اولاد فايت او بالاحرى بنات فايت
تعرفو يا بنات والله و الله و الله كي نروح نشري ولا نقضي يقولولي انتي تريزيدي نقلهم ايه يقولولي ماتقوليلناش اولاد فايت من كثرت لي معرووووووفة باعمالها المشييييينة
نصيحة لكل بنت رايحة لهاد الاقامة ايااااكن
الشي لي تربيتو عليه خلوه في بالكم وراني نقول هاكا باسكو عرفت بنات دخلو محتشمات خرجو والعياذ بالله عاااارياااااااااات
الشراب و الدخان حاشاكم في كل مكان و على الملأ
ماعلابالهم بحتى واحد راكم عارفين علاه لانو اعوان الامن والادارة معاونينهن في كلش
اياكن من المنظمات راهي تدي للهاوية
انصحكن بتغير الجناح اذا سكنتو في جنا ح f. g i

iهاد الجناحات معروفة ببناتها يعني ادا كنت عاقلة و طحتي معاهم ياااكلوك
لاني انا كنت معاهم ولكن الحمد لله كنت عند روحي معاهم ولي تغلط نحطها عند حدها
يا بنات يا متحجبات راهم يغروكم ثم كاين بنات يحبو بينو ارواحهم يلبسو الحجاب برى و في الاقامة ينحوه ردو بالكم
ولاد فايت 3 من عون الامن للي يخدمو في الريسطو ولا في الادارة كلهم تع مصلحة كلهم وراكم فاهمين واش نقصد بالمصلحة
بنت الفاميلا ثم مايخلوهاش تعيش راني مريت ببزاف امورات و لكن الحمد لله ربي عطانا شاهد
العقل و ثبتنا وكيما دخلنا خرجنا
نصيحة اخرى لي تقرى في بوزريعة راهي كااااااااااارثة التطباع راها شحال من وحدة فات عليها الكوس لي تعوقت لي راحتلها يد لي رجلها راح انصحكن نروح واقفة ومانطبعش
ثاني راهم كاين المظاهرات بزاااااااااااااف نصيحة كي تتخلط الحالة في الاقامة نحكم شمبرتي و نسكر بابي والله يسهل عليهم
مانيش نخوف فيكم بصح راني ننصح فيكم الشي لي مريت بيه وتعلمتو نوريهولكم واي حاجة تسحقوها راني هنا نعاونكم
وحاجة اخيرة الاقامة راهي جاية في الخلا ردو بالكم كي تحبو تشرو روحو جماعة باسكو شحال من وحدة تتخطف ثم ووشحال من وحدة يسرقوها
نتمنى من كل قلبي اي بنت تروح ثم تبقى كيما هيا وتبقى ثابتة ومايغرها والو