السلام عليكم اولا
كيف حالكم حبايبي ان شاء الله بخير
انا منكذبش عليكم من لي خلصت سنة 1 ثانوي وانا خايفة من الباك وتوجهت شعبة علوم حسب رغبتي لاني نحبها ورغم علمي بصعوبة المهمة فيها لكن هذه رغبتي وانا متاكدة كل من يتعب فيها راح تكونلو حظوظ اوفر ان شاء الله
بالنسبة للدخول حقيقة انا في هاذ العطلة تضغطت شويا في اولها كيما جوزو الباك 2013 وقالو صعيب وبعدها عادي حاولت ننساه وعقبتها مليحة خاصة مع الشهر الفضيل والعيد وبعدها ولما بقات 15 يوم بديت نحس بالضغط قاعد يزيد عليا نهار بعد نهار ودرك كي بقات 7 ايام قاعدة تزيد القلقة وانا صراحة مهما واش تكون المهمة لي رانا فيها انا منتمناش يزيدولنا في العطلة هههه لاني علابالي راح يزيد عليا الضغط وانا متاكدة من نصائح لي سبقوني انو هاذا ضغط عادي المهم الانسان ميخافش ويكون عندو ارادة ومحدد هدفو و بمجرد مندخلو نقراو وتبدا الخدمة نتاع الصح مراحش يكون عندنا وقت باش نخمو في هاذ الضغط لانه الفراغ ليامات هاذو هوا لي يولد عندنا لضغط وانا قاعدة نحاول نشغل نفسي لكن مقدرتش لهذا انا حابة القراية توصل وراني متشوقة لهاذ العام لاني متاكدة ان شاء الله راح يكون استثنائي مهما راح يكون فيه تعب راح نكونو ان شاء الله قد المسؤولية ونفرحو والدينا ونجيبو الباك بمعدلات لي ترضينا ان شاء الله قولو آمين ورراح نتعاونو راح نتصل بيكم في الجمعة او السبت منين نلقا فراغ واكيد راح نتصل لانو في باقي الايام مراحش ندخل وراح نقص من النت لانها سنه مصيرية وفي الاخير اعتذر على الاطالة لكن انا متاكدة اننا راح نشتاقو لسنوات الليسي لانها اجمل ايام وبدليل 2 عوام فاتو بسرعة وهاذ العام تاني .
( تقرير عن مشاركة سيئة )، و الموجودة أسفل كل مشاركة .
2013-08-30, 20:46
العرض المتطور
