افكار ووصفات من قناة سميرة

[شوشو 11]

السلام عليكم
كامل نتفرجو قناة سميرة ...وفيها افكار رااااائعة ووصفات اروع ولكن بدون مقادير مضبوطة
...وجاتني فكرة اننا نضع هنا ما استفدناه
يعني كل وحدة التقطت فكرة او وصفة .او ديكور لحلوى ..او...او......تضعها هنا حتى نستفيد جمييييعا
ما رايكم اخواتي
شكرا جزيلا

[soha1987]

والله فكرة مليحة ان شاءا لله نستفادو
ربي يعيشك ابداي نتي ورام نلحقو حنا
مشكووووووووورة

[imane mosta]

و الله فكرة روعة
انا عن نفسي كنت نتفرج فيها وحدة دارت التشاراك ثقباتو من فوق قالت باه الهوا يخرج منو و مينتفخش كي يطيب
هذه المعلومة حبيت نفيدكم بيها شكرااااااااااااااااا

[oumserine]

و أنا الفائدة اخذتها :
أي عقدة لوز لازم تخدميها جيدا جيدا بيديك باش يذوب السكر و ما يتقزقزش بعد الطياب

[JIMI17]

و أنا الفايدة لي كسبتها أنو حتي الصابلي لازم يرتاح علي الاقل 10 دقائق قبل إدخالو الفرن حتي يبقي محافظ على شكله لاني دايمن ندخلوا الفور مباشرة و صح يفقدلي شكلو قليللا

[امازيغية وفتخر]

افكار روعة وفكرة الموضوع اروع
يعطيك الصحة

[شوشو 11]

شكرا لمروركم ....وشكر اكبر للفايدة اللي وضعتوها
الفكرة
في عجينة لاتارتولات ما تفتحيش العجينة بالحلال اخر العجينة تيبس
الاحسن تكوري عجينة وتخدميها بالاصابع داخل المول الصغير وتسويه مليح وتعدلي الحواشي بالموس
ان شاء الله الفكرة واضحة

[oum malek]

fekra hayla

[ام شرفو]

تعلّمتْ طريقة تلميع القلاصاج بعد ما ينشف ناخذ إسفنجة eponge ونمسح بملمِع غذائي ناكغي nacré يعني لرطب

[فاتن 89]

يعطيك الصحة

[Heaven Cherry]

فكرة رائعة
تعلمت في الحشوات تاع المكسرات نضيفو بياض البيض بالشوية و حسب الحاجة الى ان تتلم الحشوة لتفادي سيولتها ( يعني تجي مشمخة بزاف و ما تصلحش للخدمة )
و في الشكلاطة البيضاء اذا طلب اضافة الحليب بعد ما تذوب الشكلاطة نزيحوها على النار و نضيفوا الحليب و نحركوا جيدا لانها راح تطلق الماء و لازم نخلطوها مليح باش تتجانس و ما تتعجنش ( كيما في وصفة "كريات الثلج" لدليلة تونسي )

[نادية1990]

انا عندي كتابات نتاع لقناة وفيهم اغلبية الوصفات ولي تحوس علي اي وصفة تقلي

[الحنان المفقود]

أنا ثاني سمعت بيها
بصح ما عندناش هاذ القناة

[سميحة 01]

السلام عليكم

الفكرة هايلة و شكرا حبيباتي على الافكار و عندي بعض الصور صورتهم من القناة

في الكمبيوتر ما عرفتش نحطهم هنا

اعطوني الطريقة من فضلكم

[dousfer]

انا لاحظت انها لا تستعمل السكين في تقطيع العجينة او الحشو بل تستعمل الة بلاستيكية
كما تعلمت انها تضيف الملون الابيض للطلية البيضاء لتزداد بياضا