اريد نصيحة من كل مرأة عاملة او زوج لمرأة عاملة وبكل صراحة

[khawlita.dz]

المشاركة الأصلية كتبت بواسطة aroua

سلام عليكم

اخواني في الله اردت ان اتعرف على كيفية تسيير اجرة المرأة العاملة بعد الزواج
هل تتصرف كما كانت من قبل الزواج
ام تعطيها لزوجها
ام تستشيره في التصرف فيها
من فضلكم اريد نصائح وبكل شفافية وصراحة
وما رأيكم في الرجل الذي يريد المناقشة في اجرة المرأة قبل الخطبة يعني اقولها الشهرية نتاعك لازم تكون بيناتنت كيما يقولوا لازم جييب واحد ؟؟؟؟؟؟
هل هدا الشرط مقبول
ولا حرج فيه ؟؟ ام دلالة على ......
اجابتكم تهمني وفي اقرب وقت ممكن

برايي اجرة المراة هى حق خالص لها ولا يحق للزوج لا مناقشتها و لا الاستفادة منها و لا حتى السؤوال عليها
هو مرتبها فان طابت نفسها لتساعده فى امور البيت او الاولاد فلها دالك وهدا ما يحدث عادة

والا فهو حقها و تصرف اينما شاءت تصدقه تصرفه على نفسها على والديها على بيتها على اولادها تخبئه للزمن هى وحدها من لها الحق بالتصرف به
اما اعطاءه للزوج فلا اظنها بالفكرة السديدة ولا يحق له ابدا المطالبة به
اما الطلب الصريح بها فلا اوافقه و اعتقده طمع بالمرتب
راييى
بالتوفيق

[حمدا لله كثير]

المشاركة الأصلية كتبت بواسطة salamamal

السلام عليكم، أجرة المرأة العاملة هي من حقها وحدها ولا يحق لزوجها أن يناقشها تماما في هذا الأمر، لأنه بذلك سيكشف بأنه لم يتزوجها إلا طمعا في هذه الأجرة، وإن كان مجرد خطيب فقط فهذا أدهى وأمر ، و بحسب ظني ستلاقي المرأة من هذا النوع من الرجال بعد الزواج الأمرين، لأن علاقة الزواج المقدسة ستنحرف عن هدفها الحقيقي والتاريخي من علاقة مودة وتعاون إلى علاقة شراكة، وإن أردت أن تعرفي كيف يتحاسب ويتناقش ويتلاوم الشركاء، فاسأليني واسألي أهل الخبرة ليجيبوكي .. سلام.

هاد هو رايي انا تاني عندك اختي حلي عينيك مليح الزمان صعيب زو الناس ماترحمش

[DJAMEL2004]

الاتفاق على صرف مرتب المراة واجب قبل الزواج ولها الخيار واذا لم يتم الاتفاق سيحدث الخلاف بعد الزواج و يؤدي للطلاق
ومعظم الذكور الطماعين لا يتكلمون عن مرتب الزوجة الا بعد العقد فتظطر للدفع او المشاكل

[ravanaflora]

أنا نشوف باللي المرأة العاملة راتبها من حقها التصرف فيه ومالازمش يسيف عليها انو يتصرف فيه هو وإلا راح يكون طماع
ومن جهة أخرى لازم تعرف المراة باللي راتبها ماشي ليها وحدها لازم تعاون راجلها وتصرف على دارها وعلى ولادها وإلا لا داعي للعمل والتعب من الأساس ..هو طامع في دراهمها وهي أنانية تصرف غير على روحها ..الخ
الزواج راهو أسمى من هاذ الأمور

[أمة الله 12]

صراخة لا احبذ عمل المرأة المتزوجة خارج بيتها’

اللي رضتها لروحها , الله يسهل عليها

بخصوص راتب الزوجة, لا تحتاج الى مناقشة, و ان فعل الرجل فذلك ينقص من قيمته

و المرأة بدورها لا أظن بأنها سترى زوجها او اولادها محتاجين لاعانتها و لا تتصرف

شيء بديهي جدا بأنها لن تبخل اذا كان بامكانها المساعدة

[4shabab]

المشاركة الأصلية كتبت بواسطة rafik__87

وعليكم السلام
فكري اختي بواقعية الرجل الذي يترك زوجته تعمل وتكون خارج البيت يرجع للبيت مايلقى ماكلة شابة وسخونة مايلقى مرا تتهلى فيه يلقى الدار فارغة ومن بعد كي يجو لولاد يولي مشتتين بين الجدة والدار والحاضنة وحتى من الناحية العاطفية متتهلاش فيه ديما تقول اني تعبانة من الخدمة وزيد شغل الدار يعني الراجل وش داه لهدي المحتيمة ؟ شغل مزال عايش عازب ولكن مكانش الام الي تقوم بيه وزيد مشكل الشهرية تاعها يعني سوق كبير وهبال حرق اعصاب صح هي الدراهم دراهمها في الشرع لايستطيع ان يا خذ نقودها غصبا عنها ولكن يقدر يبطلها من الخدمة وهدي تاني مستحيل في وقتنا لانو المراة تطلق الراجل ومتسمحش في خدمتها لانوا الخدمة في نظر النسا اولوية واحد والراجل اولوية 2 وزيد من تلحق دراهمي ودراهمك هدا مولاش زواج سموه وش حبيتوا غير زواج لالا . وادا عاد فيه بنود واتفاقيات هدا مش زواج هدا شراكة تجارية والي تقول تخبي تشري سيارة والا منزل هو يدي دراهمها بلاك رايح يسكر بيهم ؟ والا رايح يصيف في تونس وخليها في الدار وحدها ؟

بالنسبة لاجرة الزوجة انا شفت 3 حالات
الحالة لولى : تقلك دراهمي ليا انا الي نتعب وبابا صرف عليا لازم نعطيه كاينة الي تشري سيارة وتكتبها باسم باباها وكاينة الي تشري ذهب وتخبيه عند اهلها وكاينة الي تمد كارت مانتيك لباباها هو الي يصرف في دراهمها وكاينة الي كل شهرية تشري لبسة توب
الحالة الثانية تمد لكارت منتيك لراجلها وتقلوا دبر راسك فيهم يصح الحاجة الي تطلبها تكون عندها

الحالة الثالثة يتفاهموا مايمسوش كامل راتب الزوجة يعيشوا غير من راتب الزوج ويخبوا راتبها يديروا بيه دار والا كاش حاجة


من راي للرجل فكــــــــــــــــــــــــــــــــك من زواج المــــــــــــــــراة العاملة راه مهرجان كبير ومشاكل وتمرميد ادي ماكثة في البيت الدراهم ناقصين بصح تلقى راحتك ودير في بالك النسا كامل يقولوها وكان ما انا مادار هديك الحاجة وكان ما انا ميوصلش وغير انا وانا ولكان مقلتهاش قدامك تقولها وراك ورانا شايفين وعارفين .

بــــارك الله فـــــيــــك

[samar89]

ماعندوش حق يناقشها في الشهرية تاعهاااااااا...وهي لكان حبت تعاون نورمال مكانش مشكل




الواجب أن يعلم الزوجان أن الله تعالى قد أوجب عليهما أن يعاشر كل منهما صاحبه بالمعروف، وأن يتقي الله فيه ما استطاع
ثم إن الواجب على الزوج أن ينفق على زوجته وعياله؛ لقوله تعالى: {لينفق ذو سعة من سعته ومن قدر عليه رزقه فلينفق مما آتاه الله}، وقوله تعالى: {وعلى المولود له رزقهن وكسوتهن بالمعروف}.

ولما سأل معاوية القشيري رضي الله عنه النبي صلى الله عليه وسلم ما حق امرأة أحدنا عليه؟ قال: "تطعمها إذا طعمت وتكسوها إذا اكتسيت، ولا تهجر إلا في البيت، ولا تضرب الوجه ولا تقبِّح"، وراتب الزوجة حق خالص لها؛ تنفقه فيما شاءت من أوجه الحلال، وليس للزوج أن يطالبها بشيء منه؛ لكن له الحق في منعها من العمل وإلزامها بالقرار في البيت؛ وإذا كان عملها خارج البيت يؤثر على قيامها بحقوقه الواجبة عليها، فله أن يطالبها من راتبها بما يكافئ تلك الحقوق؛ لأن خروجها للعمل صار خصماً على ما يجب عليها نحوه، والغرم بالغنم.

وأما ما تقومين به من النفقة فأنت مأجورة عليه مثابة، وقد قال النبي صلى الله عليه وسلم: "وإنك لن تنفق نفقة تبتغي بها وجه الله إلا أجرت عليها"، أسأل الله أن يؤلف بين القلوب، والله تعالى أعلم.





منقووووووووووووووووووووووووووووووووول

[samar89]

المشاركة الأصلية كتبت بواسطة aymen01

و الله تحير من الردود

النسا العاملات طامعين اكثر من الرجال قالك الاجرة هي حرة فيها و تصرف على روحها

علاه وين جات هذي ؟

اذا حابين الراجل يصرف على الدار و مرتو تقعد هي في الدار اما هو يصرف و هي تبذر في دراهمها هذي جامي صرات

جات في الشرع

[samar89]

المشاركة الأصلية كتبت بواسطة aymen01

درك وليتو تعرفو الشرع

الشرع ماكانش يقصد المراة لي تخدم مع الرجال

هاذيك حكاية اخرى......هنايا قادر تمنعها عن العمل

[samar89]

المشاركة الأصلية كتبت بواسطة aymen01

ياو فاقو و الله ما يطيحلكم دورو

تصرف على روحها و تبذر يمين و شمال و انا نقعد حاصل

انا ثاني قريت و خدمت باه نعيش حياتي سينو اقعدو بايرات كخخخخخخ

[الفولاذ الحي]

مال المرأة من حقها و الزواج ماعندوش الحق يدخل فيه ، لكن عندو الحق يمنعها من العمل و يلزمها بالمكوث في البيت،
و اذا عملها اثر على القيام بواجباتها نحوه من حقو يطالب من راتبها بما يكافئ تلك الحقوق !


هذا رأيي والله اعلم

[سر التقى]

شوفي يا أختي من حقك تتصرفي مالك كيما تحبي قبل الزواج ولا بعد و مش ممكن أنه واحد يهدر مع خطيبتو قبل الزواج على الشهرية أنا نضنها غريبة لأنه مازال ما وليتيش مرتوا و الراجل هو اللي من واجبوا يصرف على الدار و العايلة نتاعوا و الاولاد كما قال الرسول صلى الله عليه وسلم كلكم راع و كلكم مسؤول عن رعيته فادا مسؤولية العايلة هي للرجل لكن هدا لا يعني المرأة لا تشارك في شراء لوازم و كمليات لبيتها و أولادها ومستلزماتها الخاصة بيها و ادا كان زوجها في ضائقة مالية ممكن تساعدوا هي أحسن أنه يمد يده للغريب و ممكن تعاونو في شراء سيارة أو سكن و هدا كل بارادتها وليس واجب عليها أو رغما عنها .

[محمد جديدي التبسي]

المفروض ان من قبل بمرأة عاملة أن تتوقعي منه كل شيء بما في ذلك ان يأخذ راتبك عنوة بعد الزواج
او تعيشين معه فيما يشبه العلاقة بين شريكين في مؤسسة هو يصرف من جيبو وانت تصرفي على حاجياتك وحاجيات ابنائك مستقبلا
اذا صارحك الرجل عن موضوع راتبك أثناء الخطبة فاغسلي يدك منه أحسن
ونصيحة خارج الموضوع اخطيك من الخدمة بعد الزواج واجعلي ذلك شرطا لكل من يتقدم لك ربي يوفقك

[السي محمد]

المشاركة الأصلية كتبت بواسطة amina alg

استسمحك اخي

ليس كل رجل ترك امرأته تعمل فهو ليس برجل !!
كاين نساء محترمات محافظات جديرات بالثقة و كاين رجال واثقين من اخلاق زوجاتهم ،
و ليس لانه تركها تعمل فهو لا يملك غيرة او ماشابه و لكن له اسباب ..

احتراماتي

نعم لديه اسباب

تعاونو في المصروف...الوقت راه صعيب

[السي محمد]

المشاركة الأصلية كتبت بواسطة samar89

جات في الشرع

الشرع حسب هواكم و رغباتكم