|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الورشة الرابعة .فستان سهره ... سطايفية
|
أدوات الموضوع | انواع عرض الموضوع |
2013-07-15, 21:08 | رقم المشاركة : 1 | ||||
|
الورشة الرابعة .فستان سهره ... سطايفية
السلاااام عليكم
وااااش راكم اليوم صح فطووووركم حباباتي هياو وجدولنا تاويل السهرة الورشة هادي في خاطر لانسبيكتور كررونو حبيبتي ام ميمي اكتيفيلنا في تاي بالكوكاو ام وليدوووو قطعيلنا طراف قلب اللوز باش نحلييو بيهم ههههه الشينوية و باقي لبنات وينراكم غلبكم رمضااان هههههه كنوووز بيباا وينراكي سارة ضلي تقولي ديرولنا حاجة سواري هاذي المرة تخيطيها و عينيك مشرعين هههه مااالاا اليووم قلت نحطلكم الروبة لي درتها في المسابقة با ش تهزو شوي افكااار ركزو معايا راه جايكم غييير لحمر هذا الباترون نتاعها هاذا واش تحتاجو في الروبة 2 متر و 80 سم كتان ساتان قومي و1 و50 دونتال نفس الون و شوي درادق نبدااو بعد ما تحكمو القيييس نتاعكم ولا نتاع مولات الروبة هاي الطريقة لي متعرفش انا لفصالة ديما نطراسي الباترون فوق الكتان سيرتو لحوايج لي نخيطهم انا على قدي برك ماشي كلاسييك ولا حاجة توب و راني غير نسيي نقربلكم الفهم على قدما نقدر و نسهللكم الحاالة ااالوغ حطي القياسات كيما راني موضحة في الصورة و منبعد يجي وقت حبيبنا لمقص ايااااكم ثم ايااااكم تهابو منو او عاقل مسكييين مايعضش ههههههه الطرف نتاع الظهر تقطعيه وحدو من بعد نقولكم واش نديرولو قبل لخياطة تحطي لحديد يسخن و ديري لاتوال كولونت في لحواشي نتاوع الروبة من فوق با ش جي خياطة متينة و باهية و واقفة خيرت لاتوال خيرمن الفيزلين بارسكو طرية ميش يابسة و تساعدني و مطيرش كي تتغسل عكس الفيزلين و ضك نبداو لخياطة اول حاجة نجملو الروبة منين حلينا لي بانس و نخليو الامام وحدو و الخلف وحدو ماتروحووش بعيييد رانا راااجعييين ههههههههه هداك هوا نشوف تفاعلكم راكم مبرونشيين معايا ولا نون هههههه هيا ااتوت وجدولي الديسير و لفلون و التيراميسو و ركزولي على السلاد دو فروي و سون زوبليي القهوة هههههه سيييي يووووو لاايتر
|
||||
2013-07-15, 21:09 | رقم المشاركة : 2 | |||
|
صح سهريتكم و من بعد ما عمرت لكريشة هههههههه جيتكم صحيتي بنت بلادي على الطابلة كانت فووور راني نسنا في المسفوف ههههههه
نكملو قبل ما تبداي تجملي الطلراف من الاحسن ديري سورفيلااج سمعتي يا ساره ميش سوفيلاج هههههه و مانوصيكمش لحديييييد باش جي خياطتك شاااابة ههه هنا رانا قصينا الظهر و عدلنا ه و نحينا الطرف الزايد من فوق خاطر مجيش داير كيما من قدام اني بينتلكم في الصوره نفصلو طراف ندوبليو بيهم لخياطة خراين يقولولها روفير و خراين يقولولهل سجاف .....الخ المهم فهمتوني ّ!!! باش جيني حاشية لخياطةمن فوق مليحة قلنا نديرو لاتوال و انا نحب نزيد نخيط بالبيي يثبت لخياطة نركبو الفيرميتور من الجيهة ليسرة في هاذي المرحلة نسحقو حبيبتنا زوليخة شوفوها هههههه نبلاسي فيها الروبة باش نخدمو الدرابي من الامام و لا تخيين من خلف نفصلو الطرف لي يجي درابي عرضو 40سم و طولو نقيسو من لخياطة تحت الابط الايمن للايسر و نزيدو شوي و نركبوه في الصدر نوجدو لبيي نتاعنا باش نستعملوه في الظهر تقطعيه طراف 6سم للطرف باس نخدمو بلاصة لي يفوتو فيها السيوور توجدي الوردات و تقري تشريهم ولا تبدليهم باي اكسسوار تحكمي بلي زيبانقل باش ما دوخيش ههههه هذا الطرف نتاع الظهر ضك نبدلوه بالدونتال يجي الظهر عريان و خيري التشرشيف يجي من فوق يجي باهي تلصقي الدونتال و جي لخياطة دخلاني و تركبي لا تخين في الباترون درتها شغل اونفورم بصح في لخياطة تبعت الديسان نتاع الدونتال باش يجيني التشرشيف من تحت وحطيتها كيما راهي نقشت برك عند اسفل الظهر هادي شركة درت منها 2 و خدمتها كي لبروتال هي يعني ديكور برك خاطر السيور لي من خلف هوما لي شابحين الروبة و الطراف لي بقاولي من الشركة رشيت بيهم من تحت كي ركبتها ركبت السيوور و الوردات و زدت خدمت وردات بالدونتيل وخلصنا يعطيكم الصحه و صح صحوركم و ماتنساوش التقييييم ماذابيكم سانك ايتواال ههههههههههه بنت بلادي حطيلي المسفوف نسحر هيا دمتم باللف خير و رانا اون كونتاكت امضاء حبيبتكم لي تموتو عليها السطايفية آخر تعديل stayfiya 2015-07-25 في 19:48.
|
|||
2013-07-15, 21:23 | رقم المشاركة : 3 | |||
|
صح فطورك يا لاله أن شاء الله تكون اليوم لاباس ومغلبكش سيدنا رمضان السنيوه راهي واجدة. واش نقلك. الفلون. سله بيسير مشكله التفاح الانجاص الخوخ عين البقرة الفراز حب الملوك والبنان والكرطوس يهبل. قلب اللوز وزلابية البنان واللاتاي. والكاكاو والنواد كأجورً. والقهوة. بصح الله غالب نتفرجو فيهم برك والله واحد ما قادر يأكل أنا كل يوم نحطها ونهزهم. المهم راني متبع آتك. أنا هذا المودال مغلني منهار شفت. في المسابقة هو والثاني الي معجبوش الأخ. عمار أنا عجبوني في زوج. هيا كملي راني مبرونشيه معاك بالفور. ولا مافهمتش. راني تهبل بالاساله. صحيتي يا لفحله. |
|||
2013-07-15, 21:23 | رقم المشاركة : 4 | |||
|
صح فطورك يعطيك الصحة |
|||
2013-07-15, 21:35 | رقم المشاركة : 5 | |||
|
.و الله ما خسارة فيك واش تحبي تلقاي نشالله ربي يعطيك على قد قلبك و يرويك ربي من جناتو امين علابالي العطش داير فينا حالةو راني معاك نتبع فيك و قلبي يملؤه الدعاء لكي و الله من قلبي ربي ينولكط واش في بالك هدا المودال نحوس عليه و ما لقيتش خياطة هاهي وين تطيق هولي |
|||
2013-07-15, 21:44 | رقم المشاركة : 6 | |||
|
صح فطورك اختي غير وجدي روحك راني جاية عندك تعلميني الخياطة على اسس صحيحة |
|||
2013-07-15, 21:47 | رقم المشاركة : 7 | |||
|
مالقري راني جديدة في دومان الخياطة بصح راني نسنى على احر من الجمر و راني بديت نطبق سيرتو راهو جاي عرس اختي اميرة بعد العيد و ماراني موجدة والو زعما اخت العرروس عيشك سطايفية كاش مودالات جدد |
|||
2013-07-15, 21:56 | رقم المشاركة : 8 | |||
|
صح فطورك وصح رمضانك |
|||
2013-07-15, 22:25 | رقم المشاركة : 9 | |||
|
سطايفية واش نقولك |
|||
2013-07-15, 22:26 | رقم المشاركة : 10 | |||
|
كي نثبت مليح راني نولي مع الاسئلة الي مالها نهاية هههه |
|||
2013-07-15, 23:06 | رقم المشاركة : 11 | |||
|
هيا نينا وين راكي. ولا رقدتي. ولا ميشي رايحه تكملي اليوم قليلي خليني أنود علارحي عندي خدمة. رايحة نفور شوي مسفوف تاع السحور |
|||
2013-07-15, 23:44 | رقم المشاركة : 12 | |||
|
صحا فطورك السطايفية وكامل لبنات انا غلبني رمضان هههههههه راني ندخل دقيقة ونخرج
يعطيك الصحة سطايفية شرح واضح في انتظار بقية الشرح |
|||
2013-07-16, 00:00 | رقم المشاركة : 13 | |||
|
صحة فطوركم يعطيك الصحة اختي سطايفية في ميزان حسانتك ان شاء الله |
|||
2013-07-16, 01:25 | رقم المشاركة : 14 | ||||||||
|
اقتباس:
اقتباس:
اقتباس:
اقتباس:
يسسللللمككك اقتباس:
ههههه قلتي نينا ههههه هكدا يقولولي هههههه هيا اني معاك حطي برك المسفوف راني خلصت الموضووووع |
||||||||
2013-07-16, 01:29 | رقم المشاركة : 15 | ||||
|
اقتباس:
شوفي وين تلقاي الفيزلين تلقاي لاطوال |
||||
الكلمات الدلالية (Tags) |
...., الراااااابعة, الورشة, سطايفية |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc