وصفات من حراير مطبخ وش طيبتي اليوم

[lyzzabel]

مبسس الطاجين lyzzabel

ميمتي ام رياض سقسيتيني على مبسس الطاجين هو يشبه شوية للحرشة بصح يجي مبسس عليها
انا درت سميد متوسط و شوية ملح طبعا و درت المارغرين طرية ما ذوبتهاش و حكيت مليييح بين يديا و من بعد رشيت بشوية ماء بلا ما نعجن و شكلت خبزة و قطعت مقروظات بالسكين و طيبتهم في مقلاة تيفال طبعا بدوووون زيت و خلاص ،، راه يجي ممممم يذووووب فالفم على قول الجلفاويات هههههه

[حسيبة2010]

يعطيكم الصحة

كيكة اقتصادية من مطبخ سلمى

إضغط هنا لرؤية الصورة بحجمها الطبيعي.

1حبة بيض
250مل ماء دافئ
3 ملاعق أكل كاكاو
5 ملاعق أكل زبدة ذائبة
170غ سكر
200غ فرينة
2 كيس خميرة كيميائية
ملعقة صغيرة فانيليا
الطريقة
خلطي البيضة والكاكاو والماء حتى تتحصلي على خليط كريمي
أضيفي السكر ثم الزبدة مع الاستمرار في الخلط
خلطي الخميرة مع الفرينة وأضيفيها لخليط مع التحريك بالملعقة
فرغي الخليط في مول مدهون بالزبدة ومرشوش بالفرينة والى الفرن
كي طابت ذوبت الشكولاطة وضفت عليها 1 دانيت شكولاطة وقلاصيتها

[ادرارية]

وصفة الروايال نتاع الاخت yasmalak








روايال اسهل منها ماكاااش تسحقي سوبر كريم والا معجون و الا ديكوجال و جينوزا قطعيها مورسوات صغار و شاربااات و فاكية مشكلة مقطعة مورسوات صغار و كريم موسلين و كويم شونتي انا اليوم ما درتش كريم موسلين درت كريمة الزبدة اللي دارتها ام اماني في قاطو الاوريو بارسكو بزااااااااااااف بنينة اللي هي 250 مارغرين ضربيها مليييييييييح مع 300 غ سكر قلاصي و زيديلهم نص كاس ماء و نص كاس زيت و فاني انا زدتلها الاكستخي تاع البرالين يعطيها بنة هاااااااااااااااايلة و بيانسير درت كونتيتييي صغيييييير 50 غ زبدة برك و طلعت تان شوية شونتي و خلطتهم مع بعض جات بزاااااااف بنينة و خفييييييييييفة

حطي مع الاول السوبر كريم الدوق اللي تحبيه و فوقو الجينواز و سقيها ملييح بالشربات و فوقها الكريمة اومباعد حطي الفاكية و زيد الجينواز و مع اللخر الكريمة و زينيها فالفاكية و خليها تبرد ملييييييييييييييح

[Sasau]

444444444444444444444444444444444444444444

[lyzzabel]

معجون المشمش بطريقة شاوية حرة

انا نخدم كيلة بكيلة هكذا يجيك المعجون 44444444444444444 ومهما طول ما يخسرش شوفي احكمي المشماش تاعك نقيه وغسليه وطبعا نحيلو النواة وحطيه في طنجرة وحطيه على نا هاااااااااااااااااااادئة قيس ما يذوب المشماش اوكي من بعد نحيه وارحيه وضيفي عليه السكر طبعا اذا درتي كيلو مشماش ديري كيلو سكر وخليه يطيب على نااااااااااار هادئة وانت تتحكمي في اللون كيما تحبي اذا حبتيه غامق راكي تخليه يطول في الطياب يجيك احمر او يميل للاسود هذاك حتى اذا خلتيه لبرا ما يفسدش مي لي يكون لون تاعو فاتح لازم تتحتفضي بيه في الثلاجة لان ما يطولش في الطياب صدقني يجي خير ملي يتباع باالف مرة وعن تجربة راني من بلاد المشماش هههههههههههههههههههههه راني ما نعرفش نكتب اذا ما فهمتيش نعاودلك واسمحلي البارح راحت النت نسيت نقوللك لازم تنحيلو الرغوة لي تجي من فوق

[lahna moka]

بركوكس حار يرقص
للرااائعة ليزابيل
البركوكس اولا نحتاج للقديد و لحم الخروف انا اليوم ماكانش عندي درته بالجاج ،، ندير في لا كوكوت زوج بصلات مقطعين و راس ثوم ،لازم نكثر ، و نحط شوية زيت و اللحم و القديد و نقلي نزيد زوج حبات كبار طماطم مقطعين و نقلي و ندير الملح مانكثرش على جال القديد راه مالح حتى من بعد نذوق، فلفل اسود نص م ص ، فلفل احمر م ص ، م ص معمرة قرفة مطحونة ولا عود قرفة يكون كبير ، و الأهم راس الحانوت زوج مغارف ولا ثلاثة حسب ما يكون جديد ولا شوية تعرفيه من ريحته مممممم و نحرك و نسقي بشوية ماء سخون و نزيد زوج مغارف أكل مشي معمرين بزاف طماطم معلبة و نخلي المرق يغلي على نار متوسطة و نزيد عليها ربع حبات زرودية و حبة بطاطا مقطعين ، تقدري تستغني على البطاطا، و ربطة معدنوس كبيرة و نزيد نمرق بالماء سخون و نزيد الحمص نديره في كيس صغير و نقي طبعا و نغلقه مليح و نثقبه بالفرشيطة من كل النواحي بلا ما نمزق الكيس باش يدخله الطياب و نغلق لا كوكوت و نخلي اللحم و المرق يطيبو
في هذاك الوقت غربلي البركوكس باش يطيح منه السميد الزائد و شلليه مليح بالماء دافي و خليه ينشف شوية و فوريه تفويرة وحدة و فرغيه في قصعة و حليه بالملعقة الخشبية تقدري ترشيه بشوية ماء انا ما نرشهش
مين يطيب المرق نصفي الخضار و الحمص و اللحم في كسكاس و نمرس هاذيك الخضار لي بقات فالكسكاس بالملعقة باش نستخلص قاع البنة و نرجع المرق فوق النار ونزيد الحمص ننحيه ملكيس و يطيبو نزيد نمرق حسب الحاجة و نضيف زوج م ص راس الحانوت و نذوق الملح و الحموضة تاع الطماطم المعلبة و نضيف اذا استلزم الامر ، مين يغلي المرق نحي شوية منه في كاسرول نحتاجها من بعد و نرمي البركوكس يطيب على نار متوسطة مع التحريك مرة على مرة باش ما يلصقش و يتعجن حتى يبقاله غير شوية على الطياب و نطفي و نخليه يزيد يشرب المرق
و نروح للحم نفتته و نقطع القديد و عند التقديم نشبح بيهم مالفوق و نزيد المرق ملي نحيته بلالوش فوق اللحم و بالهنا و الشفا ممممممم

[idron0]

وصفة سلطة الفواكه: lahna mouka
3 موز
2 تفاحة متوسطة
2 برتقال
كمية فراولة
2 كوب ياغورت حسب ذوقك
2 ملعقة بودرة كريم شانتي
نصف كوب حليب
سكر حسب الرغبة
ليمون حسب الرغبة
اضربي الحليب و بودرة الكريم شانتيي مع قليل من السكر ثم أضيفي الياغورت و تحصلين على كريمة
قطعي الفاكهة إلى قطع صغيرة وغطيها بكمية كافية من السكر وعصير الليمون وأتركيها فى الثلاجة حتى نحصل على الصوص الخاص بالسلطة.
أضيفي الكريمة على الفواكه و اخلطيها جيداً وتقدم باردة أو ديري كيما نحب نديرها طبقات الفواكه و الكريمة.
تقدري تستعملي أي فواكه متوفرة عندك و للأمانة الصورة من النت باش تشوفي الطبقات

[Sidra Seba]

ميلك شيك بطريقةawladi

سيدرا هذاك ميلك شيك محرف ههههههههههه
زوج علب ياغورت طبيعي+فاكهة الي تحبي قطعيها انا جرت الدلاع و الخوخ و حبة تفاح+شوية سكر حسب الذوق+الحليب انتي تتحمي فيه و ارحيهم في تاع العصير يكون مرحي مليح
راني نسحر به وهذاكحليب تاع السحور

[بشرى2008]

Mina_nina16

صباح الخير ام كاميليا تبعيني وتشوفي بلي زوجك يولي يمشي و يهترف بالتشارك العريان التاعك نبداوا بسم الله
المقادير 1كيلة سمن ذايب و بارد 1كيلة غير ربع زيت 1كيلة حليب وهنا نعطيك السر التاعي في كيلة الحليب نفرغ قرعة تاع عطر ماء الزهر تاع 100 دج ومن الاحسن اشري تاع بليدة فرغيها كامل وما تخافيش ( ما شي ماء الزهر العادي كينا الزاينة لا قرعة يجي طولها قد صباع تاع اليد الشاهد )
المهم خلطي كل المكونات مع بعض وبداي لمي بالفرينة حتى تتحصلي على عجينة سهلة الاستعمال غطيها وخليها تريح على الاقل ساعة صراحة انا نوجدها ونوجد العقدة ونخليهم يباتو وفي الصباح نبدا نشكل التشاراك وندهنوا ونزينوا برقائق اللوز او لوز مرحي خشين
العقدة انا نستعمل في كل حلوياتي العقدة الطايبة
في كسرونة ندير 1كيلة سكر+1/2 كيلة ماء+1 م ك زبدة طرية ونحطهم فوق النار كي تذوب الزبدة ويكون الاء راح يغلي نفرغ 3 كيلات لوز مرحي ونبدا نخلط وكي يشرب اللوز الماء نزيدلو 1 م ك عطر ماء الزهر ونبقى نخلط باش ما يلصقش اللوز حتى يتلم ويبدا يتنحى على الاطراف كيما بات ا شو نحيها من الكسرونة ونفرخها في طبسي تبرد ثم نحطها في فيلم اليمنتار وندخلها للثلاجة حتى للغد لاااااااااااااااااااااازم تريح ليلة كاملة باش تقدري تشكلي حرابش ما يخسروش
اما بالنسبة للطياب دخليهم يطيبوا حتى يحاروا من التحت ويطلع لون اصفر ذهبي من فوق خرجيهم
اتمنى نكون افدتك ولو قليلا جربيه وااااااااااااااااااااكيد راح تدعيلي اما بالنسبة للمقروط ما فهمتش اي مقروط تحوسي
سلام

[lilouchaf]

التشاراك العريان ليلوشاف

[]علاه يهبطلك المورال اختي ما تزعفيش ما تتقلقي لاخاطرش كي تتقلقي الي ما تصلحش الحاجة المقروط تع المقلة ولا تع الكوشة

التشاراك العريان انا ندير 03 كيلات فرينة بكيلة سمن ونزيدلها يعني نفيضها بالزيت ونبسسها مليح

ونزيد كاس وشوية سكر قلاص لا فانيل حبة بيض ونلم بالماء الزهر ونطريها ما نلمهاش يابسة ونقسمها كويرات وندخلها في اكياس ونخليها تلارتاح

كي نجي نخدم نخدم الحشو تاعي 03 كيسان لوز +كاس ونص سكر عادي قرفة لافاني ولا زاست الليمون مورسو زبدة ونلم بماء الزهر ونوجد الحرابش تاعي ونغطيهم بالكيس باه ما ينشفوش

ادا عندك الطابع استعمليه وادا ماعندكش اخدمي واحد بالكرتون متلت واخدمي بالجرارة حلي العجينة تاعك وقطعي متلتات وحطي الحشو تاعك واغلقي كي الكرواصون

وجدي صفار بيض مع شوية حليب وادهنيهم من فوق ودردري اللوز مرحي خشين ولا افيلي وطيبيهوم في فور مسخن مسبقا ونقصيلو كي تدخليهم وعسيهم كي يتحمرو من تحت زيدي شعلي من فوق باه يولو دوري وخلي الحبات فوق البلاطو حتى يبردو باه تنحيهم وخبيهم في حاجة مغلوقة باه ما ييبسو لكش[

[*عاشقة الجنة*]

أم محمد تاج

الباطوووووووووط يامي يامي
قلي مرقة حمرا وكثري البصل والطماطم والثوم لازم لازم واطراف اللحم هو من الاحسن تاع الخرووف يجي هباال وكثرو لحرور وطماطم الباط والهريسة وفلفل لحمر الحار هردت اولادي نياهاهاهاااا لازم الحاجة على اصولها وكي تتقلى مليح مرقو وديرو الخضرة طيب لي كاين الباطووط يحب الخضرة والحمص وطيبوها وتجي خاثرة وحارة وفي الاخير ديرو الفلفل الحار يطلق البنة تاعووو
ونجيو للعجين
ديرو دقيق وملح واعجنو بالما ماتجي يابسة وماتجي طرية كيما الشخشوخة تجي طرية وساهلة قرصوها قرصات صغار وخليوهم يرتاحو غير شوي وسخني الطاجين تاعك تاع الكسرة عادي وحلي كل قرصة بالزيت وحدها وطيبيها وكي تشوفيها بدات تتنفخ قلبيها باش تكمل التنفاخ تاعها وهاذا السر









كي طيبي ولازم هي سخونة حاولي تفصلي القشرة الاولى وفتتيها بيدك كيما الصورة













محمد حبوبي لي كان يصورلي يديا بالزيت
وكي تفتتيه سقيه وحطيلها السقو قدامك كل مايشرب زيدي ممممممم والله فن

[*عاشقة الجنة*]

ام اماني77

قاطو المدلل

نعطيك المقادير لكمية كبيرة وانت ممكن تعملي نصف الكمية

500غ مرقرين+كاس سكر رطب نخلطهم بالباتور ونضيف3 صفار بيض ونستمر في الخلط من بعد نضيف كاس كاوكاو مرحي رقيقثم نضيف كاس نشا و2م ك كاكاو وباكي خميرة ونلم بالفرينة نحل العجينة بالحلال ونقطع دوائر وندخلهم يطيبو ثم نلصق زوج حبات بالكريمة ونحط فوقها الكريمة ومن فوق الكريمة شكولة رابي


بالنسبة للكريمة

250غ زبدة+2علب صغيرة حلوة الترك+2م ك معجون+2م ك سكر رطب ونخدمهم بالباتور

هدي هي وصفة المدلل نتاعي صراحة هايلة ولي يدوقها يطلب الوصفة

[حسيبة2010]

االمرقةحلوة طريقة دائمة الحمد

اول حاجة نحط العوينةوالزبيب يترنخوا بعدما نغسلهم في ما ء بارد
نقلي اللحم مع طرف سمن وملعقة او2بصل مرابي مليح و2مغارف سكر و4مغارف كبار ماء زهر على نار قليلة
لما يتقلى اللحم نمرق وما نكثرش الماء لما اللحم يبدى يطيب نصفي العوينة والزبيب ونرميها لما تطيب وتنشف نرمي السكر عيني ميزاني +نصف فنجال ما زهر ونقص النار ونخليها تعقد ونرمي عود قرفة ونجمة الارض واذاكاين شباح الصفرة على الاخر ننلوحها مع شوية فاني تاع الميزان تهز الغلوة ونطفي النارمانخليهاش تعقد ياسر لما تبرد تزيد تعقد

[ام طيري الجنة]

تحلية بالاناناس

المقادير هي:علبة اناناس و علبة حلوة لي بودوار و فلان غبرة مع حليب...المقادير كميتها تكون حسب المول الذي نحضر فيه التحلية

في قاع الصينية او المول نضع شرائح الانانس و ناخذ لي بودوار نمررهم في عصير الاناناس و من بعد نرصهم فوق الاناناس ويمكن عمل عدة طبقات بعدها نحضر الفلان و نصبه في الصينية و نترك التحلية تبرد تماما و الفلان يكون جامد و من بعد تقطع و تقدم..