رسالتي الى طلاب البكالوريا حاصلين على معدل اكثر من 15

[✗ ┋ وَړْﮃَةُ آلـﭴَزآئـړْ ┋ ✗]

أنا لا أدرس في المدرسة العليا للإعلام الآلي وربما لا أعرف عنها الكثير لكن يا أخي صراحة اللي يقرا وتكون نيتو صافية يلقى
أنا أخت صديقتي تدرس بها والحمد لله لقد انتقلت إلى السنة الرابعة تقول أن الدراسة صعبة لكن ليست مستحيلة وكل الطلبة يعانون ليس فقط من يدرس بها
أنا درست هذا العام السنة الثانية جراحة أسنان
أسكن بالإقامة الجامعية للبنات درقانة في شرق العاصمة ومقر دراستي المستشفى الجامعي بني مسوس بالشراقة في غرب العاصمة يعني أكثر من 40 كم يوميا واللي ساكنين في العاصمة يقدرو يأكدو على كلامي
يعني ننهض يوميا على الساعة 5.30 باش نروحو نقراو في حافلة الساعة السادسة وأي تأخر خاصة les TP يقولك برا ما عندك ما تبررلوّ
مرة قلنا للأستاذ المسؤول أننا نسكن بعيدا قالهالنا بالحرف الواحد ماعلاباليش بيكم تنوضوا حتى على 2 تع الصباح وتجيوا أنا المهيم عندي توصلوا في الوقت وما يهموني ظروف حتى واحد
عانينا الأمرين بعد مقر الدراسة وبعد الأهل واستحالة العودة إلى المنزل وإذا عيطولي الدار ما نقدرش نشكي نخاف نقلقهم
نزيدلك حاجة ويمكنكم السؤال جوزت هذا العام 38 امتحان كل أسبوع امتحان أو امتحانين والدروس لا حصر لها والوقت قليل للحفظ أصلا وقتاش تحفظ توصل على 7 يا ربي الواحد يتعشى ويرقد لأنو مازال يوم جديد ينتظر
الأكل كل الإقامات الجامعية تعاني منه فإقامتنا لا تستثنى من هذه المشكلة
مازالت قائمة المشاكل طويلة يعني كل الطلبة الجزائريين في نفس الحالة

لكن الحمد لله لم أتمنى يوما أن أكتب هذا فالشكوى لغير الله مذلة الحمد لله صبرنا ودرسنا و قللنا من ساعات نومنا و presque طلعنا العام كامل والحمد لله بمعدلات جيدة

كل مجال دراسة فيه صعوبات يا إخوتي الطلبة وأخواتي الطالبات لكنه يحتاج إلى الصبر والنية والثقة بالنفس

[ishak taba]

المشاركة الأصلية كتبت بواسطة yalova

السلام عليكم اخواني
شوف خويا نتا لي راك تقول نخلطوا واش تحساب فينا ماناش مسلمين ولا رانا في الجنة وماناش حابينكم تدخلوا ليـــها ... واحد لا راهو ينصح لوخر باش يخير ليني مي نتوما حابين ديروها، ديروها ماعليش مي مرة واحد خرة ما تقولش وعلاه باغيـــــين شيعة باش يقولو بلي راهم في أحسن مدرسة في الجزائــر روحوا للشيعة بلا شبعة
الاقامة صح بعيــدة ومايش اصلا 45 كم بل أكثر ..... 45 كم من زرالدة الى الجزائر وسط أما واد السمار تبعد عن الجزائر وسط بقرابة 15كم ان لم أقل أكثر ... ولي ما صدقش كثر خير عمي google earth ارسم خط بين زرالدة و واد السمار وشوف المسافة ونتحداك تلقاهــــا أقل من 50 كم .
وحكاية الأساتذة ما يعرفوش لفرونسي ايـــــــــه كاينة بصح ماشي كامل، المهم اذا حاب نعطيك أسماء مرحبا :
الأستاذ بوخضرة أستاذ السنة الأولى لهندسة جهاز الكمبيوتر ، من عباراته الشهيرة : C'est le même chose + c'est une résultat
الأستاذ خلواط أستاذ سنة أولي لينيكس + أسومبلور، من عباراته الشهيرة : Le définition
وربي يهديكم هذا حنا بغينالكم نصيحة مي نتوما تنكروا في الخير
لي بغا ليــــــني يديرها وما يزيدش يسقسينا مدام ماناش ملاح

ســــــلام يا جماعة

التجربة تحكي

مي خلييهم خليهم

[ishak taba]

المشاركة الأصلية كتبت بواسطة samar2011

علاه خويا تخواف فيهم والله روعة اعلام الي وزيد مدرسة عليا ندبر عليكم صلي صلاة استخارة صدقوني انا كمان حلمي نوصللها مي الله غالب ربي مكتبهاش ملا نقولكم ديروها خير مكانش حاجة مفيهاش تعب لازم انسان يتعب باه ينجح في حياتو باه يحس بطعم تاع نجاح انتم متفكروش في سلبيات شوفو ايجابيات تعها تعلمو حوايج بزاف تثقفو يعني حاجة روعة خلاه صدقوني ركزو مليح قبل متخيرو مصير تعكم لخاطر يتحدد بيديكم مش بيدين ناس تحخوف فيكم وتقولكم علي متاعب تعها

ما تحكيش على حاجة ما تعرفيهاش

[chakrar1994]

انا عندما تحصلت على معدل جيد كنت مثلكم و اخترتها ......و عند دراستها اكتشفت اني وقعت في الفخ
و الان راح ندير طب

[azizouu]

السلام عليكم
مما فهمته انا الصعوبة تكون على اصحاب الاقامة
دارنا غير تم مالا منلقا حتى صعوبات انشاء الله

[yalova]

المشاركة الأصلية كتبت بواسطة azizouu

السلام عليكم
مما فهمته انا الصعوبة تكون على اصحاب الاقامة
دارنا غير تم مالا منلقا حتى صعوبات انشاء الله

لا لا خويا اذا داركم لثما ونتا نافحلها ديرها والله العاصميين كامل لاقيين رواحهم ... سلام

[ishak taba]

وي تهنيت من مشكل الاقامة الباقي تقدر تحلو

[billel25-dz]

chakrar1994
https://www.djelfa.info/vb/showthread.php?t=1350381

ishak taba
https://www.djelfa.info/vb/showthread.php?t=1350891
https://www.djelfa.info/vb/showthread.php?t=1352984

فى 2 راكم تاع 1994 ماهي فائدتكما من وراء كل هذا
راكم حابين تديرو esi و معدلكم ما يسمحش و تظنان أنه بفعلكما هكذا سينخفض معدل القبول فيها

[raoufsb]

n'ecoutez surtout pas les 2 debiles

[ishak taba]

المشاركة الأصلية كتبت بواسطة billel25-dz

chakrar1994
https://www.djelfa.info/vb/showthread.php?t=1350381

ishak taba
https://www.djelfa.info/vb/showthread.php?t=1350891
https://www.djelfa.info/vb/showthread.php?t=1352984

فى 2 راكم تاع 1994 ماهي فائدتكما من وراء كل هذا
راكم حابين تديرو esi و معدلكم ما يسمحش و تظنان أنه بفعلكما هكذا سينخفض معدل القبول فيها

ههههههههههههه ربي يهديك خويا


روح حوس على لاليست تاع المدرسة العليا للاعلام الآلي تلقا اسمي فيها

وما عندي ما ربحت معاك انا حبيت ننصحكم وانتم ربي يسهل

ومن بعد 94؟؟

الناس السنة 96 جوزو الباك

الله غالب تفكيرك محصوووور

ولا اكلت حبوب منع الفهم

[ishak taba]

المشاركة الأصلية كتبت بواسطة raoufsb

n'ecoutez surtout pas les 2 debiles

انا حبيت ننصح وانت ربي يسهل


واعرف كيفاه ترد خلي روحك محترم

[issam28]

سلام عليكم جماعة انا نسكن في العاصمة ها تنصحني نديرها???

[ishak taba]

نعم اذا تسكن قريب ليها تتهنا من مشكل الاقامة

ربي يوفقك