باكالوريا عام 2005

[mostafa31]

اولا السلا م عليكم
بخصوص باكالوريا سنة 2005 ماشي قديمة وزيد كاينة حاجة الباك عمره ما يموت او يفقد الطابع تاعه الا ادا خرجته من الجامعة اي درت السحب النهائي يديرولك كاشي فالخلف ويكتبولك سحب نهائي يوم
لدلك اخي في بداية سبتمبر روح للمعهد تاعك و قولهم باغي ندير استأناف الدراسة او اعادة الإدماج كاين ملف يطلبوهلك
ولكن يشوفولك التخصصات اللي تناسب الشعبة تاعك كاين بعض الأمور تغيرت
ربي يسهل اخي ورانا فالخدمة

[سطايفية بكل فخر]

اخي مصطفى لا اصدق عيناي صار لك مدة لم تدخل المواضيع
اتمنى ان تكون بخير
+
شكرا لك على الاجابة
+
اخي جمال ادا حظر الماء بطل التيمم وبما ان اخونا مصطفى هنا فلم تعد لي فائدة لان كلامي لا يعلو على كلامه في هدا الموضوع

[mostafa31]

المشاركة الأصلية كتبت بواسطة سطايفية بكل فخر

اخي مصطفى لا اصدق عيناي صار لك مدة لم تدخل المواضيع
اتمنى ان تكون بخير
+
شكرا لك على الاجابة
+
اخي جمال ادا حظر الماء بطل التيمم وبما ان اخونا مصطفى هنا فلم تعد لي فائدة لان كلامي لا يعلو على كلامه في هدا الموضوع

الســــــــــــــــــــــــــــــــــــــلام عليكم اختي السطايفية
ربي يخليك اختي والله مادامك فالمنتدى راه منور
راكي عارفة اخي العمل الى دلك النهم تكوني بخير والكل بخير ايضا
وانشاء الله الدراسة تكون مليحة

[سطايفية بكل فخر]

المشاركة الأصلية كتبت بواسطة mostafa31

الســــــــــــــــــــــــــــــــــــــلام عليكم اختي السطايفية
ربي يخليك اختي والله مادامك فالمنتدى راه منور
راكي عارفة اخي العمل الى دلك النهم تكوني بخير والكل بخير ايضا
وانشاء الله الدراسة تكون مليحة

ربي يحفظك اخي مصطفى وربي يوفقك في عملك يارب
وكوني موجودة هنا لا يعني ان تقطعنا كل هده المدة لانو انت الله يبارك خبرتك في المجال اعلى مني انا المبتدئة
وان كنت مشغول لاباس فقط ادخل طمنا عليك اخي
وياسيدي ساكف عن الرد لتجيب انت الاعضاء ونرى نشاطك كما كنت في السابق امزح فقط اخي ربي يوفقك ويسهلك امورك وتعود لنشاطك السابق
+
الدراسة تحتاج لدعواتك لي بالتوفيق فلا تنساني بدعوة في ظهر غيبي

[سطايفية بكل فخر]

اخي مصطفى بما انك هنا حبيت نسقسيك
اسكو صخاب لانجينيورا مزال لازم يمر عليهم خمس سنوات باش يقبلوهم في ماستر تخصصهم او الغي القانون؟

[mostafa31]

المشاركة الأصلية كتبت بواسطة سطايفية بكل فخر

اخي مصطفى بما انك هنا حبيت نسقسيك
اسكو صخاب لانجينيورا مزال لازم يمر عليهم خمس سنوات باش يقبلوهم في ماستر تخصصهم او الغي القانون؟

ربي يوفقك اختي ان شاء تتفوقي فالدراسة بإمتياز
بالنسبة للماستار اصحاب لانجينيورا يسجلو نورمال اصحاب الدويا هوما اللي عندهم شرط 5 سنواة فقط

[سطايفية بكل فخر]

المشاركة الأصلية كتبت بواسطة mostafa31

ربي يوفقك اختي ان شاء تتفوقي فالدراسة بإمتياز
بالنسبة للماستار اصحاب لانجينيورا يسجلو نورمال اصحاب الدويا هوما اللي عندهم شرط 5 سنواة فقط

امين يارب
+
شكرا لك اخي حتى انا كان لدي شك فيه وكنت انوى ان اسال في جامعتنا لك الحمد لله لقد اجبتني بارك الله فيك
+
اخي ياسين لا داعي لاعيد الجواب لك فقط اجابك اخي مصطفى بالتوفيق لاخوك

[جمال الدين الأفغاني]

بارك الله في الجميع

حقيقة اخ مصطفى لقد ذهبت للادرة وسألت عن الموضوع وقيل نفس ما قلته لي انت

اي انه في حالة واحدة يفقد الباك قيمته لدى الجامعة الجزائية وهو في حالة السحب فقط اما

مرور الزمن على الشهادة دون تسجيل فهي تحتاج الى :

تبرير اغياب وعدم التسجيل
+
تعهد يمضى في البلدية بأنه في حالة قبول الادماج فانك تواظب على ساعات الدراسة

هذا ما قيل لي وربي يجيب اللي فيه الخير
+
سؤال آخر أنا فكر انه في حالة تسجيلي من جديد فاني ادرس في ولاية أخرى

لا اريد الدراسة في ولايتي هنا فهل الاجراءات تكون نفسها اما في جامعة الولاية او في جامعة بولاية أخرى ؟؟

[سطايفية بكل فخر]

ياخي حالة عليك اخي جمال مخلي الرسمي هنا ورايح تسقسي ههه امزح فقط

+
فيما يخص تاع رايح تقرا خارج ولاياتك انا رايحة نجاوبك وكي يدخل اخي مطفى رايح يااكدلك كلامي يايضيف عليه شيء

الحالات لي مسموح للطالب انو يدرس خارج ولايتو وطبعا يكون عندو الحق في الاقامة هي هي
_ ان يكون التسجيل وطني للتخصص الدي ستختاره مثال عن دلك معهدي انا فه تسجيل وطني واي طالب في اي ولاية يقدر يسجل فيه بلا مشاكل
_ان يكون التخصص غير موجود في ولايته مثال صحاب ميلة يجيو يقراو عدنا مدسين
_انو تكون رحلت من ولايتك يعني غيرت مكان الاقامة او تنقلها عند واحد من اقاربك
_هدي المطة هي المعريفة ادا عندك معريفة تحب تروح تقرا مدسين في الجي نورمال
+
اخي هوما الشروط هدو على دارتهم الجامعات على جال الاقامة هوما باش ينقصو الضغط على الاقامات الجامعية يقلك الطالب لازم يقرا في ولايتو او في اقرب ولاية ليه لدلك اخي حاول الجامعة لي تروح ليها يكون في ولايتها اقاربك ولازم يكونو بعاد على الجامعة 50 كم لانه اقصى حد للدكور في حين الاناث يطلبولهم 30
شيء اخر اريد ان انبهك له هو السن لانو سن الاقامة في اليسانس محدود مثلا حنا في سطيف حدوعه ب30 سنة لي في عمرو اكثر من 30 مش من حقو الاقامة الا ادا كان ماجيستير او دوكتوراه
باقي الولايات لا ادري
+
علابالي بلي خلطتلك شوية الحالة لكن انا حبيت نولهك لهدو الامور باش ديرهم في حسابك ادا مفهمتش حاجة قولي نعاود نشرحالك بالتفصيل وزيد استنا اخي مصطفى
وربي يجيب الخير ومدامك نويت ترجع للجامعة نحن سنساعدك بقدر ما نستطيع وان شاء الله العام الجاي نلقاوك طالب

[اسيا26]

شكراااااااااااااااااااااااااااااااااااااا

[اسيا26]

سبحان الله