مشكلة !!

[أنور الزناتي]

السلام عليكم و رحمة الله و بركاته
أنا حابك تفهمي أنك ما دمت نادمة على الشي اللي درتيه كامل معناه أنك تسلقتي
أول درجة في سلم التوبة... و هاذي حاجة مليحة بزاف. بقالك أنك تحولي ندمك
إلى واقع بحيث أنك تبعدي على رفيقات السوء أولا...ثم تشغلي روحك بما يفيدك
كقراءة القرآن و لو على مضض إلى أن تألفينه. و أنك تستغلي التلفاز في تقوية
إيمانك من خلال متابعة بعض البرامج الدينية في بعض القنوات الإسلامية...
الحاجة اللي حاب نأكد عليها أنك تكثري من الاستغفار باه تتنحالك هاذ العادة تاع
الكلام البذيء، و أنك تجلسي مع أهلك وقت طويل باه تحتمي على روحك أنك
ما تستعمليش هاذ الكلام الخايب. و فوق هاذا اطلبي ربي يعينك على نفسك ليل
و نهار فالدعاء و التضرع خاصة في جنح الظلام حاجة يحبها ربي بزاف...

إذن باه نختصرلك و اش قلتلك:
1- بعدي على رفيقات السوء حتى إذا استدعى الأمر تقاطعيهم نهائيا إلى غير رجعة.
2- رطبي لسانك بالذكر و قراءة القرآن و حفظه إذا أمكنك ذلك. على خاطر الذكر
وحدو يقدر ينحيلك عادة الكلام الخايب.
3- اختاري بعض القنوات الدينية ذات رالفكر الوسطي باه تتعرفي أكثر على دينك
و تحمي نفسك من العودة لما كنت عليه.
4- أقعدي مع أهلك لأطول وقت. من جهة تتوطد علاقتك بيهم و من جهة ثانية ما تلجئيش
إلى رفيقات السوء ثانية.
5- الدعاء في كل وقت أن الله يثبتك على الايمان و يعينك على نفسك الأمارة بالسوء.
ربي يعينك على طاعتو. قولي آمين