لكل من يعرف خبير محاسبي في قسنطينة

karim2019 · 2013-06-13, 19:25

السلام عليكم , هل ممكن ان اجد عمل عند خبير محاسبي في قسنطينة و لو في اطار لانام انا متخرج سنة 2011 ليسانس محاسبة ارجو ان تخبروني كم عدد الخبراء المحاسبين يوجدون في قسنطينة و عناوينهم و هل ممكن لو اذهب للانام اجد خبير محاسبي يطلب عمال هل ممكن . و هل في المصف الجهوي للمحاسبين المعتمدين و محافظي الحسابات و خبراء بقسنطينة توضع ملفات طلب عمل في مكاتب خبراء محاسبين و محاسبين معتمدين مثل لانام و جزاكم الله خيرا

souhiel · 2013-06-20, 16:01

شوف خويا لازم تسجل في لانام ومبعد تولي تروح طل يوم بيوم او كل يومين وفي نفس الوقت تتصل بمكاتب المحاسبة وتوصي حتى ينوب عليك ربي بخدمة هكذا كنت ندير انا ودرك نخدم في مكتب محاسبة عندي سنة خبرة

sami209 · 2013-06-21, 11:30

خويا نتا تخدم عند خبير محاسبي و لا مكتب محاسب معتمد لان حسب علمي صعب باش تلقى عند خبير يعني ضيع وقتك برك بالانتظار حسب خبرتك هل تجد عند خبير عادي ام اكتفي بمحاسب معتمد فقط و علمت اخي ان العمل عند الخواص فيه مشاكل هل صحيح ام لا و كيف تفاهمت مع صاحب المكتب و كسبت ثقته اخي العزيز و هل ممكن تترسم و بارك الله و فيك خويا

sami209 · 2013-06-21, 11:32

لان مشكلي نفس مشكل الاخ karim2019 و الله احتنا في امرنا في هاذ البلد

sami209 · 2013-06-21, 11:36

انا دفعة 2013 اخي كريم ربي يجب الخير

sami209 · 2013-06-21, 11:42

اخي سهيل تعبناك معانا بكثرة الاسئلة اسمحنا و ربي يجعلها في ميزان حساناتك خويا سهيل واش هو شئ لي يسهل عليك العمل في مكتب محاسبة يعني هل يدربك صاحب العمل على البرامج لي يعمل بيها و هل يجب تعرف الفرنسية ام هو يدربك و يعلمك خويا راني نسال هكذا باش باذن الله الواحد كي يدخل يحكمو ما بعد لانام يعني باش تنال ثقته
و حسب خبرتك اخي سهيل ما هو الوقت لي يقواو فيه عروض العمل في مكاتب المحاسبة
و هل العمل في شركة احس ام مكتب محاسبة احسن
و شكرا

~~التوظيف في الجزائر~~ · 2013-06-21, 15:16

السلام عليكم
اولا احي فيك روح العزيمة
ثانيا اتمنى ان لا تفهم ردي لك هذا بأنه اشهار لمنتدى او موقع معين و انما في المنتدى ( https://www.lecomptable.net ) مجموعة كبيرة من المحاسبين و محافظي الحسابات الذين يرتادون بشكل يومي هذا الموقع و بامكانك ان تطرح طلبك فيه و انشاء الله تلقى الرد

بالتوفيق و السلام عليكم و رحمة الله

souhiel · 2013-06-22, 13:22

شوف اخي في البداية كنت اتصل ب لانام حوالي 3 مرات يتم ارسالي من قبل لانام الى خبراء ومحافظي حسابات عندهم مكاتب لكن لم اتوفق لانهم يوظفون العنصر النسوي ويفظلونه عى رجل ولا ادري لماذا المهم مع مرور الوقت تحصلت على رقم هاتف لخبير محاسبي اتصلت بيه وعطاني موعد وهذا الخبير وظف محاسب وسكرتيرة وكان ناوي من لول يوظف رجل على اساس انو يعمل في شركة ولا يستطيع ان يترك فتاتين في مكتب لهذا فضل رجل محاسب وسكرتيرة لكن فيما يخص مهنة المحاسبة اعلم اخي المحترم ان كل شيء بالتدريب والإجتهاد ونصيحتي ليك ماتحولش تتعلم كل شيء في البداية وعرف انو كل حاجة في وقتها مثلا في البداية لازم تتعلم كيفاه تسجل القيود تاع البيع والشراء والصندوق والبنك والعمليات الأخرى والتثبيتات وكيفاه تسيزيها في البرنامج المحاسبي وهذا امر سهل جدا ومع توجيهات تاع الخبير المحاسبي لي تعمل معاه والإجتهاد تاعك يسهل الأمر اكثر وفي نفس الوقت تتعلم كيفية حساب ال tva على المشتريات (المسترجعة) ;tva على المبيعات بالإضافى الى tap وirg/slaire وتتعلم كيفية ملأ g50 وفي كل مرة تتعلم حاجة ومع مرور الوقت تتعود على المحاسبة يعني على قد ماتخدم وتجتهد على قد ماتتعلم وربي ينوب عليكم بخدمة

sami209 · 2013-06-28, 07:57

بارك الله فيكم خاوتي ربي يجعلهالكم في ميزان حسناتكم انا خريج 2011 خويا soheil بقالي سؤالين اذا مكترتش عليك جاوبني عليهم هل انت مرسم اخي او في اطار لانام يعني هل ممكن تجد بدون لانام ام كلهم يوظفو في اطار لانام
انا لغتي الفرنسية كيما تعرف ضعيفة نوعا ما تعرف مستوى لغة عند الطلبة في الجزائر هل لازم نقوي لغتي قبل ام اقبل عادي عند خبير
و هل الخبير يوريلك كلش كيفاه تدير يعني لا تحتاج خبرات و لا معلومات سابقة خويا واش هي الامور لي تنصحني بتحضيرها لكي لما ادخل تعجبو خدمتي و لا تكوني نقائص و نترسم بربي نشالله لاني عانيت سنيتن من البطالة باذن الله اعتبرها ابتلاء و اتمنى ان تكون في ميزان حسناتي لذلك لا اريد العودة اليها باذن الله
اخي هل تنصحني بالتحضير لمسابقة الماجستير و المشاركة فيها احسن ام البحث عن عمل و العمل عند الخواص و مع الوقت تصبح مثلك مثل استاذ جامعي يعني ما عندك ما تدير بالماجستير كي تولي خدام و هل لو تدخل تخدم مثلا يسمح لك بالغياب يومين او بسبب اجتياز مسابقة ام لا ابحث عن عمل و امسكه و لو باجر قليل هذا افضل
و هل في نضرك اخي الكريم العمل عند الحكومة افضل في عقود ما قبل التشغيل في غير تخصصك ام في تخصصك افضل و لماذا و هل فيه امكانية ترسيمك يعني لما تجد عند الخواص هل يرسمك بعد العامين تاع لانام باذن الله يعني المنصب موجود و القدرة المالية موجودة باش يسلكك و جزاك الله خيرا اخي العزيز
اخي الفاضل عذرا لكثرة اسالتي لكني مكوي و الحمد لله فاعتمد يعد الله عز وجل لنصيحتك و جزاك الله خيرا

sami209 · 2013-06-28, 08:15

يعني خويا هل نزدم برك ام لازم نحضر روحي لمدة 3 اشهر في اللغة و النظام المحاسبي الجديد قبل واش لازمني خويا باش نال اعجاب لي دخلت عندو لانك تعلم في لانام ترقوي المدعم يمدولك مرة واحدة فقط يعني فرصة وحدة و بارك الله فيك و سمحيلي على الاطالة

sami209 · 2013-06-28, 08:45

خويا و هل لما نبدا نفتش لي نلقا ندخل يعني نلقا شركة و لا مكتب محافظ حسابات و لا ندخل ام ابقا انتظر حتى اجد خبير محاسبي و بارك الله فيك