|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
من مطبخي معجنات الوردة +الكروكي المالح+بتي بان صالي-
|
أدوات الموضوع | انواع عرض الموضوع |
2013-06-25, 17:26 | رقم المشاركة : 1 | ||||
|
من مطبخي معجنات الوردة +الكروكي المالح+بتي بان صالي-
السلام عليكن اخواتي نظرا للتشجيعات اللي لقيتها منكم والثقة اللي وضعتوها فيا وفي مانقدمو راني عند وعدي ونقدملكم غير الجديد والمضمون بحول الله واليوم حبيت نقدملكم 3 انواع من المعجنات حتى يتسنى لكل اخت تطبيقها حسب المتوفر في البيت وبصراحة تصلح للمناسبات والعرضات لان احنا في جيهتنا نقدمو حاجة مالحة مع المشروبات والكريمات كي تكون عرضة ولا فاتحة وفي اغلب الاحيان نقدمو لي فول اوفو لكن انا بدلت شوية ورجعت نقدم باقلاوة مالحة راح نعلمهالكم في الايام المقبلة ولا نقدم المعجنات اللي راح نبدا فيها الآن بحول الله خاصة اللي شكلها وردة نحطها في ليكيسات ونقدمها مع العصير اما الخبزات الصغار او البتي بان صالي يصلح لعمل الساندويتشات بما اننا في فصل الصيف بســم الله ااولا الوردة +الكروكي المحشي العجينة هي نفسها اللي متعودين نعملوها كاس حليب دافئ+مغرف كبيرة خميرة الخبز+مغرف كبيرة سكر+فنجال مليان زيت او ربع كوب اللي كيلت بيه الحليب+ملح خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة وخلطي حتى تتحصلي على عجينة طرية ادهنيها بالزيت وحطيها في كيس وخليها تتخمر كي تتخمر اقسميها نبدا التشكيل خذي كمية من العجينة حليها رقيقة مهم تحليها رقيقة وقطعيها بشكل دائري بالجرارة او السكين قطعيها من الجهات الاربعة من غير ماتوصلي للوسط ادهنيها بالبيض وحطي في الوسط اما قطعة جبن او قطعة مرقاز طايبة او لحم مفروم على شكل اصابع مقلي او قطع من الكاشير او الباتي المهم حسب الرغبة اغلقيها حسب الصور بالترتيب حطي الوردات في المول نتاع الكاب كيك المدهون بالزبدة انا استعملت المول حتى تحافض على شكلها اللي ماعندهاش ممكن تستعمل بلا بيه لكن راح تتحل الوردات كي تكون اتطيب ويتغير شكلها دخليها مباشرة لفرن ساخن حتى تاخد اللون الذهبي انا عند التقديم دهنتها بشوية زبدة دايبة حتى تجي تلمع وماكانوش عندي ليكيسات النوع الثاني الكروكي المحشي اللي بقالك من العجينة حليه بشكل مستطيل ومهم جدا تكون العجينة رقيقة حتى ماتجيش معجنة ديري طبقات من الحشو حسب الرغبة ولفيها كيما الصور تتحصلي على حربوش ادهنيه بصفار بيضة مخلط مع ملعقة قهوة ورشي جلجلان وسينوج ودخليه مباشرة للفرن حتى يتحمر كي تخرجيه خليه يبرد شوية وقطعيه كي الكروكي النوع الثالث بتي بان صالي او خبزات صغيرة مالحة تصلح لعمل الساندويتشات العجينة تقريبا نفسها مع اختلاف بسيط كاس حليب دافئ+مغرف كبيرة خميرة الخبز+مغرف كبيرة سكر +ملح+ بيضة كاملة خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة + 1خميرة الحلوى وخلطي حتى تتحصلي على عجينة طرية زيديلها 4 ملاعق زبدة التوريق ذايبة بالتدريج مع العجن حتى تدخل الزبدة فيها مليح حتى تتحصلي على عجينة طرية غطيها بالكيس وخليها تختمر كي تختمر نزلي العجينة من غير ماتعجنيها بالسكين قطعيها على2تم عل4 ثم على 8 تتحصلي على كويرات شكليها حسب الصور وهادي طريقة تعرف باسم الاونفلوب او البلوف او الضرف ومعضم الشيفات معتمدينها في تشكيل الساندويتشات حتى تجي خفيفة ومورقة من الوسط حلي الكويرة بشكل دائري اغلقيها من الجيهتين لمي الجيهتين واغلقي بصبعك عدليها حتى تاخذ شكل الخبز وماتنسايش تحطي الجيهة اللي غلقنا منها لتحت رشي البلاطو بالفرينة وادهني الخبزات بصفار بيضة +مغرف قهوةواعملي خطوط بالسكين حتى تساعد في عملية التخمير رشي الجلجلان والسينوج سخني شوية الفرن وطفيه ثم دخلي السنيوة اللي فيها الحبات في الفرن الدافي حتى يتضاعف حجمها ممكن شي 20دقيقة خرجيها وسخني الفور مليح ملح ودخليها حتى تتحمر كي تبرد حليها بالسكين بطريقة طولية واحشيها حسب الموجود انا حشيتها بسلاطة خضراء وفوقها شرائح طماطم وفوقها شوية بطاطا مقليق وفوقها كمية من اللحم المفروم اللي قليتو مع شوية زبدة وشوية معدنوس وسنة ثوم وكي تحمر صبيت فوقو 2 بيضات وملح وخلطت مليح انا نحبهم نصف طياب وعملتهم كطبقة وفي الاخير حطيت فوقهم طبقة جبن ملاحظة ادا تحبي الخبزات يكون اكبر حجما قسمي العجينة على 5 ولا على 6 فقط وكملي بنفس الخطوات وما تنساوش تنوروني برايكم وبتقييمكم وبتطبيقاتكم واهم حاجة دعواتكم ليا بالذرية الصالحة
|
||||
2013-06-25, 17:28 | رقم المشاركة : 2 | |||
|
يسعدني نكون اول وحدة ترد عليك |
|||
2013-06-25, 17:34 | رقم المشاركة : 3 | |||
|
ممممممممممممممممممم يهبلو عسولة
الوردات مالفة نعملهم يجو تحفة تاع صح |
|||
2013-06-25, 17:37 | رقم المشاركة : 4 | |||
|
حبيبتي والله كل الشرف ليا انا لانك رديتي عليا ربي يحفظك
|
|||
2013-06-25, 17:37 | رقم المشاركة : 5 | |||
|
حبيبتي لينا نورتيني بردك يا الغالية
|
|||
2013-06-25, 17:41 | رقم المشاركة : 6 | |||
|
raki 44444444444444444444444444444444 Ki l3ada |
|||
2013-06-25, 17:45 | رقم المشاركة : 7 | |||
|
يهبلو يانينا الحنونة ويسلم يديك |
|||
2013-06-25, 17:49 | رقم المشاركة : 8 | |||
|
العفو حبيبتي ربي يحفظك
|
|||
2013-06-25, 17:52 | رقم المشاركة : 9 | |||
|
يعطيك الصحة هايلييييين |
|||
2013-06-25, 18:06 | رقم المشاركة : 10 | |||
|
امممممممممممم فكرة تشهي |
|||
2013-06-25, 18:12 | رقم المشاركة : 11 | |||
|
شكرا لكن اخواتي |
|||
2013-06-25, 18:13 | رقم المشاركة : 12 | |||
|
ماشاء الله ربي يبارك راكي فنانة .اللهم اني اسالك باني اشهد انك انت الله الدي لا اله الا انت الحد الصمد الدي لم يلد ولم يولد ولم يكن له كفؤا احد ان ترزقها الدرية الصالحة الطيبة عاجلا غير اجل ياااااااارب يااااااااااارب |
|||
2013-06-25, 18:15 | رقم المشاركة : 13 | |||
|
طريقة جديدة روووووووووووووووووعة وباينة بنينة تهبل |
|||
2013-06-25, 18:21 | رقم المشاركة : 14 | |||
|
ملاحطة |
|||
2013-06-25, 18:34 | رقم المشاركة : 15 | |||
|
جاوك روعة ربي يرزقك بالذرية الصالحة و يعطيك الصحة |
|||
الكلمات الدلالية (Tags) |
+الكروكي, معجنات, مطبخي, المالح+بتي, الوردة, صالي- |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc