عندنا ياسر فلفل حلو دبرو عليا واش ندير بيه - الصفحة 2

ام عبودة · 2013-06-21, 23:58

انا لو منك نغسلو ونحيلو الزريعة ومن بعد نفورو ونرحية في رحاية تاع الثوم شغل مقطع مش مرحي بالروبو رايح يولي عصيدة هههههه
ومن بعد زيدولو ثوم وزيت وملح ونخبيه في الثلاجة وايامات وانا ناكل ويبقى بنين والى يحب يزيد قطرات من الخل

ahnia · 2013-06-22, 00:04

واحدة من الاستعمالات اشويه اختى و لا اقليه وقسميه فى السشيات على حساب الكمية اللى تكفى العائلة و حطيه فى الكونجلتور وراه جايك رمصان تبدى مرة على مرة تديرى حميص

rima rmroma · 2013-06-22, 10:44

مرسي يهبل ذرك نجربو

لمسة ابداع · 2013-06-22, 14:54

سلام
احنا نقطعوه ومن بعد نزيدولو طماطم تاع الباطة و الثوم والخل و الزيت وتحطيه في باطة وتغلقيه مليح و من بعد تخليه ايمات في الثلاجة حتى يترقد
صديقيني يجي روعة بصح كثريلو الثوم
و بصحتكم

mery19 · 2013-06-23, 09:32

تقدري دريه هريسة ويقعدلك اطول مدة وكل مايطول يزيد يبنان الطريقة هيتحكمي الفلفل تغسليه وتقطعيه طراف وكي تكملي كامل الفلفل اغمريه بالخل وشوية ملح وحبة طماطم زرقاء وخليه ليلة كاملة وبعدها خليه يقطر مليح في كسكاس ثم ارحيه في روبو مع شوية كسبر وكمون والثوم كثري شوي وبعدها دريه في بلارة وديري فوقه زيت الزيتون واغلقي عليه وكليه بالصحة ماعندي مانقولك على البنة ويقعد العام بطوله اتمنى انني افدتك