الدورة التنظيفية لشهر رمضان - الصفحة 11

naima40 · 2013-06-30, 12:17

Merci okhti pour ce beau sujet pour moi,j ai déjà fini le nettoyage de ma cuisine et meme on a refait la peinture et on a remplacé le carrelaga par la dalle de sol extra .

oum radja · 2013-06-30, 15:16

تطبيقي في الاسبوع الماضي

الصلاة في اوقاتها اضافة الى الاذكار و التسبيح و التلاوة ماهيش منتظمة

الاستمرار في تحدي الخيار
ترطيب اليدين بزيت الزيتون و الليمون و السكر
استعمال شومبوان جديد في قمة الروعة

وهاذا الماسك تاعه

نظفت غرفة الجلوس
غسلت اللحيفات و حطيت لون اخر مع تابي خفيف
مسحت السقف و الحيطان
مسحت الخرانة تاع التلفاز
بالاضافة الى التنظيف اليومي

المتابعة في تحفيظ القران لبنتي
وعلمتها تصلي على النبي كلما تسمع اسمه

صنعت عصير المشماش و درته في اكياس وكاين اللي زدت معاه الخوخ

fani09 · 2013-06-30, 16:28

يعطيكم الصحة ام رجاء
نعيمة 40 بصحتك البنتورة والعقوبة نتكملي انشاء الله

ام منيب · 2013-07-01, 15:30

انا اليوم راني راضية على نفسي تمام التمام
نضت توضيت للفجر انا والام تاعي راهي عندي ضيفة ويا محلى الفجر معاها
صلينا ودعينا ومن بعد قريت4احزاب من كتاب الله وهي دعيييييينا ودعييييينا
ريحت شوية والباستغفار يلازمني مع الصلاة علا خير الانام
وكي جات السبعة حطيت القهيوة والحليب مع الصابلي شربنا ولولاد غير راقدييييين
هجمت على الكوزينة طبقت الدروس تاع سمورة خاطر انا تلميذة مجتهدة غسلت الحيطان والتاقة والباب وعلب العقاقير والبوطاجي غسلتو مليح وحتى الطابلة ولحقتها مع الكراسى
طيبت الحريرة تاع المرمز ومطلوع القمح
وكي لقيت بنتي عاونتني في التسياق كملت لي زيليمو والبلاكار نقيتهم مليح
المهم الكوزينة بقالي غيرالكويزينيار شحال نخافها ههههه
الفريجبدار والبلافو نقيتهم امس
صليت الضهر وضرك راني معاكم

fani09 · 2013-07-01, 21:55

انا البارح كملت الصالون مع دار الخزين مع غرفة النوم

هذي دار الخزين مع الادراج كل درج فيه حاجة تاع القاطو واحد للاكياس واحد للعلب
اما اليوم كملت دار الاطفال مع الحمام
راني ميت من التعب مع راني متاخرة في البرنامج

............................

يعني مازال دار الجلوس معععععععععععععععععععععععععع المطيخ
لمظهر عليا حتى خبر اعرفو بلي المطبخ اكلني

oum radja · 2013-07-02, 16:13

شوفو هاذ الرابط ينفع في تنظيف الكويزينيار
.
و العملاق الابيض هايل في تنظيف الاواني/

dr.omahmed · 2013-07-03, 07:26

السلام عليكم
اسمحولي طولت ما حطيتش تطبيقاتي
المهم
امس نضت طول للمطبخ غسلت لماعن وخرجتهم
طيبت القهوة فطرنا راح زوجي يخدم وليت كملت لماعن
وحكمت لكويزنيار رديتها تشعل لفريجدار ولخزانة درتهم يوم قبل
فرغت تحت لبوطاجي
مسحت السقف بالجافيل
غسلت لحيوط التاقة والبيبان انا نراغي واختي تشلل ولينا سيقناها
جا زوجي تغدينا و ريحت شوية
لعشية رجعنا لحوايج لبلايصهم
مازال نركب الريدو وتولي

ناض احمد الى اللقاء

fani09 · 2013-07-03, 19:00

اليم نضتن صباح دوشت باه نفطن صليت قريت الورد تاعي راني في المائدة سمورة يوم الاحد كملت الصلاة على الرسول صلى الله عليه وسلم
بدات حكيت الاواني مليح طيبت الغداء شكشوكة سلاطة بذنجال بيض مطبوخ
ثم الثلاجة

ثم الاكسسوارات وراني طيب في العشاء فريت اوملات

شوشو 11 · 2013-07-03, 20:00

يالبنات راني ساخفة على المشمش المصبر تع الحلو
اعطوني الطريقة بلييييييز
يعطيك الصحة فاني
سمورة شكرا على تدابيرك انت ترفعي الهمة

سمراء الدنيا · 2013-07-04, 08:33

السلام عليكم و رحمة الله و بركاته
بعض تطبيقاتي

الحمد لله الجانب الديني تماما اللهم ثبتنا ...نوض كل يوم 4 و 10 نصلي الفجر و نقرا اذكار بعد صلاة الفجر و نقرا 2 احزاب نقصت شويا لكن راني في 27 حزب سورة الحجر ...مقصرة شويا مع صلاة الضحى .... صلاة النبي على لساني و انا نشتغل

العمل اليومي ما يخلاصش ... تنظيف و ترتيب و تنفيض و تسياق و غسل ثياب و كي و ترقاع و ....................
الحاجة الوحيدة الباينة هي الثلاجة نظفتها و زهيتها رجعت كي لعروس
و راني شريت فورس اكسبراس اللي قالت عليه اختنا ام راضيا ....و جربتو على لكويزينيار هايل و اليوم ان شاء الله نخرج الكويزينيار و نظفها عميقا ...

البارح كملت شوي مقؤوض

و في الليل جربت التحلية اللي قالت عليها ام راجا تحفة

كملت التحدي نتاع الخيار و رايحة نبدا التحدي نتاع الرجلين و اليدين ...... بنتي خرجت مع باباها و شرات بعض الاشياء للعناية الشخصية

maiar · 2013-07-04, 09:29

خسارة جيت متاخر ان شا ءالله الدورة الجاية يعطيكم الصحة على الافكار اختي سمراء الدنيا و الاخوات الاخريات حابة نظف الثلاجة تاعي نخاف تفسدلي مثلا تصدد او تصفر ( اللون الاصفر) اذا ممكن الطريقة الصحيحة هي نظيفة بصح حبيت نعقب عليها اليوم قبل رمضان و بارك الله فيكم

و ثاني حاجة عندي كويزينيار اينوكس وواش من منتج تنصحوني بيه باه ما تفسدش خاصة الكوانين نحكهم و كي نطيب عليهم بعد يكحالو

sarra5 · 2013-07-04, 10:24

صباح الهمة والنشاااط

الله يبارك عليكم

المراة الجزائرية فحلة ماشاء الله

مابقاش على رمضان غير يامات ان شاء الله نصوموه على خير و عافية

سمراء الدنيا · 2013-07-06, 14:22

تطبيقي ليوم امس

صليت الصبح و قريت الاذكار من بعد قريت الورد لحقت ل 30 حزب يعني سورة الكهف و راني مقصرة شويا في التلاوة لانشغالي بامور دنيوية ... بعد صلاة الظهر قريت سورة مريم و قبل النوم قريت سورة طه

درت لغدا يطيب (الطعام) و ريحت في الميكرو حتى ناضو العائلة فطرتهم و جندتهم معيا للدار

هزينا كامل القش نتاع الدار و بديت سيقت الشومبرة

من بعدها الصالة الصغيرة

ثم الاوول

ثم الكوزينة .....مانيش عارفة كيفاه نسيت ما صورتهاش

و انا تلهيت نكمل في الدوش و التوالات و بنتي سيقت الدروج و المدخل

كي كملت ضربتها بتدويشة و تبخيرة هههه(بخرت كامل الدار بالجاوي و المسك)

صلينا و رجع الراجل من المسجد هو و المهدي تغدينا ...غسلت لماعين و خدمت على السريع شوي قاطو و رحت عند جارتي نباركليها لنجاح ولدها في الشهادة ....

رجعت لداري خرجت انا و الراجل شرينا شوي مصروف لرمضان و شريت كتان باش نخيطو

اليوم ما درت والو من بعد ما صليت الصبح درت لغدا يطيب جلبان و ريحت في الماشينة خيطت 2 عبايات حتى جا وقت لغدا تغدينا و صليت و جيت نحط تطبيقاتي

sarra5 · 2013-07-04, 10:28

سمراء كيفاش ترقدي المشمش؟؟؟

وهل ممكن نرقدو اي فاكهة كانت؟؟؟

وفاء سعاد · 2013-07-04, 10:53

الجمد لله الصلاة نحاول نخليها في وقتها وزيد تحدي مع الاولاد كامل ينوضو مهما كانو مشغولين عل الاقل تحكم فيهم قبل رمضان ويلقاوها ساهلة فيه