من له مشكلة تو سؤال في الرياضيات او الفيزياء يتفضل معنا

[akiro]

السلام عليكم و رحمة الله تعالى و بركاته

من له اي استفسار او تمرين صعب ااو اي معضلة يتفضل بطرحها في هدا الموضوع وانا اساعده في حلها ارجوا التفاعل من الاعضاء الكرام

[سمية الرائدة]

السلام عليكم و رحمة الله

عندما ياتينا السؤال على النحو التالي
في الاعداد المركبة

بين ان النقاطa-b-c-d-تنتمي الى نفس الدائرة يطلب تعيين مركزها و نصف قطرها

مع العلم انه لم يعطنل المركز لحساب الاطوال

مع تمنياتي لك بالنجاح باعلى معدل تتمناه في الباكالوريا

[HOLOHAWK]

يعطيك الصحة خويا....انشاء الله فيها خير ..

انا ندشنها ..ياخو تعيش مفهمتش كيفاش نديرو المعادلات التفاضلية في الكهرباء *شحن و تفريغ*
و تاني اذا قدرت الاساسيات لي نسحقوهم في القذيفة رانا بلا استاذ راهي مال يا خو

[lola22]

خويا تعيش ممكن اتعاوني في الميكانيك واش لازم نفهم ونحفظ فيها باسكو هالوحدة لقيت فيهاصعوبات بزاف مفهمتهاش خلاص سيرتو القذيقة والسقوط الشاقولي والحر وغيرهم
+++

[RADJA RYM]

[size="4" ا لسلام عليكم و شكرا على المبادرة خويا
نبداو بالاعداد المركبة كيما يقولنا برهن ان المثلث) اب س) قائم اعطيني كل الطرق الممكنة و ما هي اسهلهم
و كذلك التفسير الهندسي للطويلة و العمدة واستنتاج طبيعة المثلث
و ننتقل الى الفيزياء في معايرة حمض اساس لماذا الفرد الذي في السحاحة هو المتفاعل المحد
شكرا ]

[akiro]

المشاركة الأصلية كتبت بواسطة سمية الرائدة

السلام عليكم و رحمة الله

عندما ياتينا السؤال على النحو التالي
في الاعداد المركبة

بين ان النقاطa-b-c-d-تنتمي الى نفس الدائرة يطلب تعيين مركزها و نصف قطرها

مع العلم انه لم يعطنل المركز لحساب الاطوال

مع تمنياتي لك بالنجاح باعلى معدل تتمناه في الباكالوريا

حل مثل هده الاسئلة لا يعتمد على طريقة محددة و فيمكنك التفطن الى حله من خلال معطيات التمرين

اليك هدا المثال لتتضح لديك الفكرة

نعتبر في المستوي المركب المنسوب الى معلم متعامد و متجانس (o u v) النقط التالية za= جدر3+i
zb=مرافقzb
zc=-2i
zd هو مرافق zc
بين ان النقط a b c d تنتمي الى دائرة C يطلب تعيين مركزها و نصف قطرها
لو تلاحظين طويلة الاعداد المركبة الاربع ستجدينها 2 و نعلم ان طويلة العدد المركب مثلا zm هي طويلة القطعة om ادن oa=ob=oc=od ادن الدائرة التي تنتمي اليها a b c d هي دائرة مركزها o ونصف قطرها 2

[akiro]

المشاركة الأصلية كتبت بواسطة HOLOHAWK

يعطيك الصحة خويا....انشاء الله فيها خير ..

انا ندشنها ..ياخو تعيش مفهمتش كيفاش نديرو المعادلات التفاضلية في الكهرباء *شحن و تفريغ*
و تاني اذا قدرت الاساسيات لي نسحقوهم في القذيفة رانا بلا استاذ راهي مال يا خو

اليك هدا الملخص الرائع في درس الدارة rc للامانة فقط وضعه احد الاعضاء مند مدة الصور في المرفقات
oLUr1.jpg

PBtl1.jpg

GHdP1.jpg

اساسيات القديفة دراسة حركة القديفة تكون على محورين ox oz
حركة القديفة تكون خاضعة لقوتين الثقل و مقاومة الهواء (غالبا تكون القوة الوحيدة هي الثقل و كون مايقلكش كاينة مقاومة الهواء مديرهاش)
من قانون نيوتن الثاني استنتج العلاقة الشعاعية بين التسارع و الثقل
بالاسقاط علة المحورين تجد ان التسارع معدوم على ox لعدم وجود قوة (في حالة عدم وجود مقاومة للهواء و ماتقلقش روحك راو احتمال ضعيف بزاف يدخلولك مقاومة الهواء) و منه السرعة ثابتة و الحركة مستقيمة منتظمة على ox باسقاط شعاع السرعة الابتدائية تجد السرعة هي (الزاوية القدف) v0cos ثم تكامل لتجد المعادلة الزمنية للحركة
علة المحور oy التسارع هو g ثم و السرعة الابتداصية هي v0sin زاوية القدف وتكامل باه تلقا المعادلة الزمنية على oz
كي يقولك معادلة المسار تجبد قيمة t من معادلة ox و تعوضها في المعادلة علة oz
الدروة هي اعلى راقم تصل اليه القديف
المدى هو اقصى فاصلة تصل اليها القديفة
فاصلة الدروة هي نصف فاصلة المدي
افصل زاوية للقدف هي 45

[akiro]

المشاركة الأصلية كتبت بواسطة lola22

خويا تعيش ممكن اتعاوني في الميكانيك واش لازم نفهم ونحفظ فيها باسكو هالوحدة لقيت فيهاصعوبات بزاف مفهمتهاش خلاص سيرتو القذيقة والسقوط الشاقولي والحر وغيرهم
+++

الميكانيك اي تبان معا اللول صعيبة برك و مبعد توالفي فيها
اول حاجة ننصحك بلي تحاولي تفهمي القوانين لعندك مليح قوانين نيوتن كيبلر و مبدا انحفاظ الطاقة
السقوط الحر و القديفة و المستوي المائل ماهي الا تطبيقات لهده القوانين يعني كون تعرفي تمثلي القوة و تعرفي كيفاه تسقطي كلش يجيك ساهل
تمارين الاقمار الضناعية من اسهل التمارين ماعليك ان تعرفي القوانين و طبقي و معصمها يقلها خرحي العلاقة بين.........
وننصحك تحفظي الاجوبة الاسئلة النظرية لطيح اما باقي الاسئلة فعليك بالفهم ثم الفهم ثم الفهم

[akiro]

المشاركة الأصلية كتبت بواسطة RADJA RYM

[size="4" ا لسلام عليكم و شكرا على المبادرة خويا
نبداو بالاعداد المركبة كيما يقولنا برهن ان المثلث) اب س) قائم اعطيني كل الطرق الممكنة و ما هي اسهلهم
و كذلك التفسير الهندسي للطويلة و العمدة واستنتاج طبيعة المثلث
و ننتقل الى الفيزياء في معايرة حمض اساس لماذا الفرد الذي في السحاحة هو المتفاعل المحد
شكرا ]

كي يقولك برهن بلي المثلث قائم عندك بزاف الطرق اولها حاولي ان تجدي ضلع مربعه طويلتو يساوي مربع طويلتي ال ضلعين الاخرين
او تحسبي الكسر zb-za/(zc-za) و تجدينه تخيلي صرف هدا ان اعتبرنا ان المثلث قائم في a
او احسبي اللواحق تاع كل الاضلاع و رجعي الاحقة شعاع بحيث الجزء الحقيق هو الفصلة و الجزء التخلي هو الترتيبة و ديري الجداء السلمي تلقايه 0
و هناك حالة خاصة لما تجدين ان 3 نقاط تنتمي الى الدائرة بحيث 2 نقاط هي قطر للداثرة
التفسير الهندسي معظم الاحيان يعطيك نسبة z1-z2/z3-z2 لكان لقيت طويلة العدد هدا بعد ماتكتبوا علة الشكل الجبري 1 فهو متساوي الساقين
لكن لقيتو تخيلي صرف او قائم و لكن لقيتو تخيلي صرف و طويلو 1 هو قائم و متساوي الساقين ادا لقيت العمدة تاعو pi/3 و الطويلة 1 راو متقايس الاضلاع

اما المعايرة الفرد لي في السحاحة هو المتفاعل المحد قبل و عند نقطة التكافىء ماشي ديما هو المتفاعل المحد و بعد نقطة التكافء ل في الحوجلة هو النتفاعل المحد
قبل نقطة التكافؤ اللون الغالب على المحلو هو لون الفرد الدي في البيشر و بالتالي من الطبيعي ان تكون هو الغالب وبما ان المعايرة تفاعل سريع و تام فان من في السحاحة هو المحد اما عند التكافىء فاءن المتفاعل المحد هما الفردان في نفس الوقت لعدم وجود لون غالب اما بعد التكافؤ فالمتفاعل المحد هو الفرد الدي في الحوجلة
ملاحظة اني نهدر على المعايرة اللونية باقي انواع المعايرة ام نفس وش قتلك شرحتلك بالمعايرة اللونية باه تبانلك و تفهميني

[سرور الروح]

بارك الله فيك خويا

انا رح نقلك اسئلة محيرتي هي تافهة خلاص مي انا موسوسة منها بزاف

انا الحمد لله فاهمة الميكانيك بنسبة 90% الحمد لله

لكن تتخلطلي في بعض تمارين من ناحية تطببيق القانون الاول او الثاني لنيوتن

من تلقا ينطلق الجسم بدون سرعة يخي ندير قانون 2 ؟؟

حبيتك تقلي واش هوما الكلمات لي نقلاهم باش نطبق قانون 2

2/ كي نلقا هاذي الجملة *يخرج الجسم عن الطريق* يخي ندرسوا حركة قذيفة ؟؟

[RADJA RYM]

يعطيك الصحة خويا بالنسبة للاسترة ما عندي حتى فكرة عليها ما قريناهاش عام الماضي اريد فيها ملخص للدروس و ايضا سلاسل تمارين الاسترة و ايض ممكن ا سلاسل تمارين المتتاليات محلولة تكون جيدة و مشابهة لتمارين البكالوريات و شكرا لك

[yahdhire332]

a b c d نقط تنتمي الى نفس الدائرة اي تحقق

اكس ناقص اكس فتحة الكل مربع زائد y ناقص y فتحة الكل مربع تساوي نصف القطر مربع

حيث x' و y' مركز الدائرة

تصبح لدينا ثلاث معادلات من اجل النقطة a و النقطة b و النقطة c ...... ثلاث معادلات و ثلاث مجاهيل

اكس a ناقص اكس فتحة الكل مربع زائد ايقراك a ناقص ايقراك فتحة الكل مربع يساوي نصف القطر مربع
اكس b ناقص اكس فتحة الكل مربع زائد ايقراك b ناقص ايقراك فتحة الكل مربع يساوي نصف القطر مربع
اكس c ناقص اكس فتحة الكل مربع زائد ايقراك c ناقص ايقراك فتحة الكل مربع يساوي نصف القطر مربع

ايقراك --- y
من المعادلة 1و 3 نحسب المجهول الاول و من المعادلة 2 و 3 نحسب المجهول الثاني (بالطرح نجد) ثم نعوض و نحسب المجهول الثالث

[frero-23]

متى تفتح وتغلق المجالات في المناقشة بالوسيط m ??

[lotfi22]

كتابة نمثيل وسيطي امستو دون المرور على المعادلة الديكارتية

[akiro]

المشاركة الأصلية كتبت بواسطة سرور الروح

بارك الله فيك خويا

انا رح نقلك اسئلة محيرتي هي تافهة خلاص مي انا موسوسة منها بزاف

انا الحمد لله فاهمة الميكانيك بنسبة 90% الحمد لله

لكن تتخلطلي في بعض تمارين من ناحية تطببيق القانون الاول او الثاني لنيوتن

من تلقا ينطلق الجسم بدون سرعة يخي ندير قانون 2 ؟؟

حبيتك تقلي واش هوما الكلمات لي نقلاهم باش نطبق قانون 2

2/ كي نلقا هاذي الجملة *يخرج الجسم عن الطريق* يخي ندرسوا حركة قذيفة ؟؟

من ناحية التفريق بين استعمال القانون الاول و استعمال القانون الثاني ماتقلقي راسك نيوالو لانو القانون الاول هو حالة خاصة مل القانون الثاني هي لما يكون محصلة القوى الخارجية تساوي الصفر
ينطلق الجسم بدون سرعة ابتدائية نطبق القانون الثاني لنيوتن لانه حتى تكون لدينا حركة مستقيمة منتظة لابد من ان نقدم للجسم سرعة ابتدائية و الا لن تتحرك الجملة الا ادا اثرت عليه قوة محصلتها ليست معدومة

/ كي نلقا هاذي الجملة *يخرج الجسم عن الطريق* يخي ندرسوا حركة قذيفة ؟؟ في معدم الاحيان تدرسي حركة القديفة نتي و حسب المسار تاعك