التهميش و التعتيم الجزائر الى اين (ملف المتخرجين 2012)

[seifoo41]

السلام عليكم و رحمة الله و بركاته
لقد سبق لي و تكلمت في الموضوع و لكن الردود كانت متواضعة الموضوع المسكوت عنه
الجامعيين المتخرجين في 2012
الشريحة الواسعة من الشباب الجزائري الذين تم الغاء جميع حقوقهم و كانهم مواطنين درجة ثانية و لا يزال الكثير منهم ينتظرون حتى ابسط حقوقهم و المتمثلة في عقود ما قبل التشغيل و هم يعيشون على الشائعات ''فتحت مازال'' .الناس الي تخدم تطالب ب زيادة في الاجور و اللي عندو كونطرا يطالب بالترسيم و احنا حتى كونطرا ما صحتلناش والي زاد على هذا الكل حتى الاعلام يتعمد السكوت عن هذه الحقيقة التي ستصبح عما قريب قنبلة موقوتة . الى متى يستمر الوضع على ما هو عليه ؟؟؟؟

[آمِيْرَتُه]

سيبقى الوضع هكذا إذا بقينا ساكتين
رايحة نحكيلك رحت لانام و كي مديتلها الديبلوم قالتلي اواه محال نعطيك الكونطار مع أن انا لقيت مكان كان خصني برك كونطار
راحت علينا و مدام قاعدين ساكتين حتى واحد ماراح يديرنا اعتبار

[seifoo41]

و لكن يجب عدم السكوت عن هذا الموضوع و الا هظم حقنا ولن يسمع لنا صوت بعد الان

[yayaya]

quoi faire????????????? j

[yacine-08]

لم يستمعوا الى عمال العقود ما قبل الشتغيل

الدي يعتبرهم عددهم اكبر باضعاف من عدد المتخرجين الجدد

يعني حتى لو تحدتوا من سيسمع لهم ............

+
هناك متخرجين جدد 2012 تحصلوا على عقود

لانهم قفزوا مند ان تم اعطائهم ديبلوماتهم في جوان قاموا بتحضير ملفاتهم ودفعها ..

[yacine-08]

المتخرجين الجدد من حقهم عقود ما قبل التشغيل

لكي يحصلون على عمل يجب الخبرة

فكيف سيحصلون على الخبرة ادا تم اغلاق عليهم هدا الباب

المشكلة كيف يوجهون مطالبهم الى الجهات المعنية

[evee]

blad mikiiiiiiiiiiiiiiiiiiiiiiiiiiiiiiiii aba men 2011 rani contra maswithachhhhhhhhhh ykarhok fi nhar li krit fih

[ايمان 24]

المشاركة الأصلية كتبت بواسطة seifoo41

السلام عليكم و رحمة الله و بركاته
لقد سبق لي و تكلمت في الموضوع و لكن الردود كانت متواضعة الموضوع المسكوت عنه
الجامعيين المتخرجين في 2012
الشريحة الواسعة من الشباب الجزائري الذين تم الغاء جميع حقوقهم و كانهم مواطنين درجة ثانية و لا يزال الكثير منهم ينتظرون حتى ابسط حقوقهم و المتمثلة في عقود ما قبل التشغيل و هم يعيشون على الشائعات ''فتحت مازال'' .الناس الي تخدم تطالب ب زيادة في الاجور و اللي عندو كونطرا يطالب بالترسيم و احنا حتى كونطرا ما صحتلناش والي زاد على هذا الكل حتى الاعلام يتعمد السكوت عن هذه الحقيقة التي ستصبح عما قريب قنبلة موقوتة . الى متى يستمر الوضع على ما هو عليه ؟؟؟؟

,عليكم السلام ورحمة الله و بركاته

لقد تم اعادة فتح مكتب التشغيل في وجوهنا نحن خرجي 2012 انا قدمت الملف منذ اسبوعين و راني نجري في باقي الاجراءات

لقد فتحت منذ اسيوعين عندنا اتجه الى المكاتب و اسال و ربي يجيب الخير

[seifoo41]

المشاركة الأصلية كتبت بواسطة ايمان 24

,عليكم السلام ورحمة الله و بركاته

لقد تم اعادة فتح مكتب التشغيل في وجوهنا نحن خرجي 2012 انا قدمت الملف منذ اسبوعين و راني نجري في باقي الاجراءات

لقد فتحت منذ اسيوعين عندنا اتجه الى المكاتب و اسال و ربي يجيب الخير

ا]السلام عليعم و رحمة الله تعالى و بركاته
لقد انتهجت نفس السياسات الترقيعية و المراوغة في ملف المتخرجين 2012 حيث تم فتح عقود الادماج في ولايات دون اخرى و ذلك يدخل ضمن سياسة الهروب الى الامام عوض البحث عن حل جذري لهذه الملفات

[ايمان 24]

المشاركة الأصلية كتبت بواسطة seifoo41

ا]السلام عليعم و رحمة الله تعالى و بركاته
لقد انتهجت نفس السياسات الترقيعية و المراوغة في ملف المتخرجين 2012 حيث تم فتح عقود الادماج في ولايات دون اخرى و ذلك يدخل ضمن سياسة الهروب الى الامام عوض البحث عن حل جذري لهذه الملفات

الله يسلم الشباب اللي ناض في ورقلة و هذه اول خطوة

[حياة 17]

يا اخي عندك الحق انا تخرجت في 2012 ومازالني قاعدة في الدار وين نروح يقولولي اه تخصص علاقات دولية واش ديري بهذا ديبلوم عندنا ماكاش تخصص علوم سياسية. مع ان هذا الديبلوم يعطيني حق العمل في الادارات.وين راه القطاع العام يقولولي روحي شوفي القطاع الخاص.لكن ماشي هو الحل .
لازم نديرو كيما شباب ورقلة او يغلقوا الجامعات ويفتحوهم كل 5سنوات باه يولي كاين صحاب الخبرة.

[ASKme]

المشاركة الأصلية كتبت بواسطة حياة 17

يا اخي عندك الحق انا تخرجت في 2012 ومازالني قاعدة في الدار وين نروح يقولولي اه تخصص علاقات دولية واش ديري بهذا ديبلوم عندنا ماكاش تخصص علوم سياسية. مع ان هذا الديبلوم يعطيني حق العمل في الادارات.وين راه القطاع العام يقولولي روحي شوفي القطاع الخاص.لكن ماشي هو الحل .
لازم نديرو كيما شباب ورقلة او يغلقوا الجامعات ويفتحوهم كل 5سنوات باه يولي كاين صحاب الخبرة.

راهي تخدم معيا حفافة ولغة انجليزية وتخصص فلاحة وكلهم في ادارة ؟ ارواح انت وحلها

[طاب جنانو]

2012 راكم مازلتو صغار وماطابش جنانكم بعد