لنتشارك للتحضير بهدوء للشهر الفضيل

[mounira titi]

السلام علي الكل .اشكر الاخت ام راضية علي الفكرة .
انل اردت ان اشارك معكم فوجدت كل ما قالته الاخت كاكينوفا اعمله فلم اريد التكرار و اشكرها علي افكارها.و افكار كل من شاركت هنا.
فقط اردت ان اضيف انا الجلبانة اغليها مرة واحدة ثم اصفيها في الكسكاس و اضع ما بارد حتي تبرد من العين لما تقطر افرغها في زجاجات بلاستيك و مباشرة للمجمد. هده الطريقة تتركها حبة حبة و تحتفظ علي شكلها.

[kokotg]

المشاركة الأصلية كتبت بواسطة oum radja

السلام عليكم
بالنسبة لينا كي يقرب رمضان نوجدو التوابل اللي نحتاجوها,التشيشة تاع الحريرة
و نصنع كمية من التارتولات و الباركات و الكورنيات المالحين و ندسهم فارغين في المجمد باش كي نسحقهم نجبد الكمية اللي نبغيها و نوجد الحشو برك
و اذا تفكرت كاش حاجة نقولهالكم

يعطيك الصحة

المشاركة الأصلية كتبت بواسطة أنوثة شرقية

بالنسبة للاخوات اللي يرحو البصل ويجمدووه راني قريت وبكل تاكيد انو البصل المرحي واللي يتخبى في الكونجيلاتور خطير لأنو بمجرد مانرحوه لازم نستعملوه لأنو يتأكسد والمعروف انو المواد الللي تتأكسد من اكثر المواد المسببة للسرطان عافانا الله واياكم
نصيحة من قلب محب

ربي يحفظك مع انه مانديرهاش مي عجبتني المعلومة الله يحفظك
لنجعل دعاءنا البنات
اللهم بلغنا رمضان في كل رد

[ام راضية]

بعد غياب حوالي عشرة ايام عدت فوجدت ان الموضوع ثبت
والمداخلات ما شاء الله كثيرة
لي عودة بعد قراءة كل الردود ان شاء الله

[sonia2u2]

sa777777777777a ramdanekom akhawati ana senna ra7 nssoum fi labelad ba3ed 10 snin fi london w chawa9touni l cheghol fi dz 7abit nssa9ssi 3ela massefouf kayan li yewajedo w yconjlih ili darateha man 9abl t9ouli kifah w thank you allllllllllllllllllllllllllllllllllllllllll

[ام راضية]

المشاركة الأصلية كتبت بواسطة sonia2u2

sa777777777777a ramdanekom akhawati ana senna ra7 nssoum fi labelad ba3ed 10 snin fi london w chawa9touni l cheghol fi dz 7abit nssa9ssi 3ela massefouf kayan li yewajedo w yconjlih ili darateha man 9abl t9ouli kifah w thank you allllllllllllllllllllllllllllllllllllllllll

لم افهم سؤالك حبيبتي كيفاه المسفوف يكنجلوه طايب والا نيء وضحي وان شاء الله انا والاخوات نحاولو نساعدوك

[شلال فرح]

اختي لي تسأل على المسفوف الكونجلي

ناس بكري قالو الكسرة كي تصبح تولي دوا

و البربوشة يعني الكسكس كي يصبح يولي دا

[ام راضية]

المشاركة الأصلية كتبت بواسطة شلال فرح

اختي لي تسأل على المسفوف الكونجلي

ناس بكري قالو الكسرة كي تصبح تولي دوا

و البربوشة يعني الكسكس كي يصبح يولي دا

يا بنتي فهمينا في هدا المثل ناس بكري كلامهم حكم
صراحة رانا نكلوا الكسكسي الصابح

[~ حراير ~]

السلام عليكم و رحمة الله تعالى و بركاته
ماشاء الله تبارك الرحمن ام راضية الموضوع صار قمة قمة في الإفادة

نخبرك اني مشيت معاك في الخط و هاد الشهر كي شريت المواد الغذائية زودت من السكر و من الطماطم و ننصحكم بطماطم اميرة راااااااااااائعة و شريت الشربة و لسان الطير
وش رايك فيها براكة لهاد الششهر ؟؟؟
اما بالنسبة للدجاج فأكدلي الجزار انه لما نكونجيليه يقدر يقعد لمدة 6 أشهر لاباس بيه و كيما علابالكم راه رخيص هاد الأيامات شريت 4 دجاجات نظفتهم مليح و قسمتهم و خبيتهم بالطريقة الي قلتلكم عليها من قبل
و خبيت الفول ثاني فول بسكرة الأخضر معروف بحبته الكبيرة و خضورته الجميلة و بنته الزائدة
الفول انا ندير بيه حتى سلاطة مرحية تجي بننننننننننننة عظيمة و ساااهلة

بالنسبة للأخت المغتربة ربي يجيبها على خير فانا نقلها المسفوف سهل للطياب ماضنيتش يستاهل انك تطبخيه و تخبيه
و رغم هذا نقلها اني لما نطيب البربوشة "الطعام" و نكثر نخليه يبرد مليح و نخبيه في ساشيات الكونجيلاصيون و نخبيه و نهار الي نجبدو نخليه يتحل مليح يعني يديكونجيلا و من بعد نعاودلو تفويرة غير باش يسخن

و هنا بالمناسبة نقلكم اني ديما نخبي تليتلي مفور "دون تجميره بالمرقة" في الكونجيلاتور راهو مليح لظيف على غرادة او كي تسخفي عليه تلقايه واجد حدك ما ديكونجيليه و تجمريه يجي روعة و ساااهل
و ثاني شخشوخة الظفر و الرشتة كامل تقدري تفوريهم و تبرديهم و تكونجيليهم

حاجة اخرى تفكرتها ثاني للكونجيلاسيون و هي لوبيا مشمخة "مرنخة" تلقايها ساجية كي دوخي وش طيبي

اما الحمص فاحنا نطيبوه و نخبوه طايب باش ما يعطلناش في الطياب خاصة كي تعود حاجة تاع دجاج

حتى لو بعدت على الموضوع نتمنى انكم تكونو استفدتم و نحب نشكر كل عضوة وضعت افادة استفدنا منها و بارك الله فيكم

[ام راضية]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
ماشاء الله تبارك الرحمن ام راضية الموضوع صار قمة قمة في الإفادة
بوجود مثيلاتك حبيبتي

نخبرك اني مشيت معاك في الخط و هاد الشهر كي شريت المواد الغذائية زودت من السكر و من الطماطم و ننصحكم بطماطم اميرة راااااااااااائعة و شريت الشربة و لسان الطير
وش رايك فيها براكة لهاد الششهر ؟؟؟
انت وامكانياتك خاظر اللي تشريها الان تسمي وفرت مصروفها المرة القادمة حاولي اشري مكونات الطاجين الحلو
اما بالنسبة للدجاج فأكدلي الجزار انه لما نكونجيليه يقدر يقعد لمدة 6 أشهر لاباس بيه و كيما علابالكم راه رخيص هاد الأيامات شريت 4 دجاجات نظفتهم مليح و قسمتهم و خبيتهم بالطريقة الي قلتلكم عليها من قبل
تاكلوهم بالصحة والهناء مادام يصير 6اشهر مليح رمضان ان شاء الله ما زال عليه اقل من ثلاثة اشهر
و خبيت الفول ثاني فول بسكرة الأخضر معروف بحبته الكبيرة و خضورته الجميلة و بنته الزائدة
الفول انا ندير بيه حتى سلاطة مرحية تجي بننننننننننننة عظيمة و ساااهلة
ازربي حطي الطريقة

بالنسبة للأخت المغتربة ربي يجيبها على خير فانا نقلها المسفوف سهل للطياب ماضنيتش يستاهل انك تطبخيه و تخبيه
علي هدا حبيت نفهم سؤالها
و رغم هذا نقلها اني لما نطيب البربوشة "الطعام" و نكثر نخليه يبرد مليح و نخبيه في ساشيات الكونجيلاصيون و نخبيه و نهار الي نجبدو نخليه يتحل مليح يعني يديكونجيلا و من بعد نعاودلو تفويرة غير باش يسخن

و هنا بالمناسبة نقلكم اني ديما نخبي تليتلي مفور "دون تجميره بالمرقة" في الكونجيلاتور راهو مليح لظيف على غرادة او كي تسخفي عليه تلقايه واجد حدك ما ديكونجيليه و تجمريه يجي روعة و ساااهل
و ثاني شخشوخة الظفر و الرشتة كامل تقدري تفوريهم و تبرديهم و تكونجيليهم
صراحة انا ما جربتش تجميد العجائن

حاجة اخرى تفكرتها ثاني للكونجيلاسيون و هي لوبيا مشمخة "مرنخة" تلقايها ساجية كي دوخي وش طيبي


اما الحمص فاحنا نطيبوه و نخبوه طايب باش ما يعطلناش في الطياب خاصة كي تعود حاجة تاع دجاج

حتى لو بعدت على الموضوع نتمنى انكم تكونو استفدتم و نحب نشكر كل عضوة وضعت افادة استفدنا منها و بارك الله فيكم

راكي في صلب الوضوع اللي هو موضوع مفتوح لكل الاخوات لطرح كل ما يخطر ببالهن من افكار وتجارب واسئلة وسنتعاون ان شاء الله ولن نني كدلك افادة بعضنا في كيفية قضاء يوم رمضان ما بين اداء العبادات وقراءة القران والقيام بالواجبات المنزليه من طبخ وغيره
وينوقماشك خيطيه والا ما زال

[السَّحابة البيضاءْ]

تحضيرات رمضان :

سأسرد لكُنّ بعض التحضيرات

البُقسماط { الشابلور } : نقوم بدقّ الخبز البائت في مهراس الحديد ثم نُخزّنه في بُرطمان زجاجي مفرّغ جيداً من الهواء من حجرة ملح تباع عند العطّارين منعاً لفساده وإمتصاصاً للرطوبة

الثوم المرحي : نقوم بتنقية الثوم العربي صغير الحجم [ وليس الذي يباع في الآسواق المهجّن كل حباته متساوية الحجم !!!! ] فالطعم يختلف المهم ونقوم برحيه في الألة الخاصة به مع إضافة الزيت إليه ويُخزّن أيضاً في بُرطمان مفرّغ من الهواء و إلى الثلاجة مباشرة [ العملية تتم قبل أيام من شهر رمضان ] و إيّاكن من غسل الآيدي بعد تنقيته لآن أناملكُنّ ستلتهب ولا ينفع معها إلاّ بضع لطخات من معجون الأسنان [ مجربة ]

النعناع المُجفف : يوضع في مكان مُهوى ليجف تماماً ثم نخزّنه أيضاً يُستعمل في أخر مرحلة للشربة قبل التقديم بعض الرشات أو بدعكه على راحة اليد يُعْطي مذاق روووعة

التوابل عموماً نقوم بشرائها و رحيها في البيت فهذا أفضل لآننا نحرص على تنقيتها من الشوائب و نُخزّنها بشكل أفضل




لي عودة إن شاء الله للموضوع

[موجو جوجو]

السلام عليكم
راني قمت ببعض التحضيرات و صراحة نتوما لي درتولي القلب
المهم. كل مرة نخرج نشري حاجة.
شريت 2 كيلو عينة أو ما يسمى البرقوق مانعرف غدا تكفي ولا نزيد
كيلو زبيب
رطل مشماش مجفف و اظن لازمني نزيد رطل
باطة سمن مدينة
2 كيلو كاوكاو
جمدت 10 كيلو جلبانة و درتها بطريقة قرعة الماء
2 كيلو فرنو خرجلي 8 حبات نظن نزيد منو 2 كغ
و كيلو ثوم حمرة تاع هاد العام نقيتها. رحيتها بنص كاس زيت صانقو و مغرف صغيرة ملح و درتها فالبورت مانجي
و الكل للكونجيلاتور
كاشما يخصني؟؟؟
و خبذا لو كل وحدة تتعامل ببرنامج واش اطيب لرمضان تشاركنا خاصة تاع الشرق لان زوجي من الشرق و انا من الوسط و مانعرفش واش يطيبو في رمضان.

[ام راضية]

المشاركة الأصلية كتبت بواسطة السَحابُ الأبيضْ

تحضيرات رمضان :

سأسرد لكُنّ بعض التحضيرات

البُقسماط { الشابلور } : نقوم بدقّ الخبز البائت في مهراس الحديد ثم نُخزّنه في بُرطمان زجاجي مفرّغ جيداً من الهواء من حجرة ملح تباع عند العطّارين منعاً لفساده وإمتصاصاً للرطوبة

الثوم المرحي : نقوم بتنقية الثوم العربي صغير الحجم [ وليس الذي يباع في الآسواق المهجّن كل حباته متساوية الحجم !!!! ] فالطعم يختلف المهم ونقوم برحيه في الألة الخاصة به مع إضافة الزيت إليه ويُخزّن أيضاً في بُرطمان مفرّغ من الهواء و إلى الثلاجة مباشرة [ العملية تتم قبل أيام من شهر رمضان ] و إيّاكن من غسل الآيدي بعد تنقيته لآن أناملكُنّ ستلتهب ولا ينفع معها إلاّ بضع لطخات من معجون الأسنان [ مجربة ]

النعناع المُجفف : يوضع في مكان مُهوى ليجف تماماً ثم نخزّنه أيضاً يُستعمل في أخر مرحلة للشربة قبل التقديم بعض الرشات أو بدعكه على راحة اليد يُعْطي مذاق روووعة

التوابل عموماً نقوم بشرائها و رحيها في البيت فهذا أفضل لآننا نحرص على تنقيتها من الشوائب و نُخزّنها بشكل أفضل

لي عودة إن شاء الله للموضوع

اشكؤك اختي علي مرورك المريح والمفيد ولا تبخلي علينا باطلالتك الجميله

[بريق الامل&]

موضوع رائع الله يبارك اكيد رايحين نستفادو منو الكثير جزاكم الله خيرا شكر وتقدير خاص لصاحبة الموضوع ام راضية

[faizarbh]

البارح انا عملت عصير وفاء الاقتصادي اللي بالبرتقال صنعت ما يعادل 30 لتر ههههههه المهم درت 3 كيلو برتقال و رحيتهم و دراهم في قرع بلاستيك و راهم فالثلاجة لرمضان ان شاء الله

[oum rahma]

الله الله عليكم يلبنات ، موضوع في القمة يعطيكم الصحة

اختي ام راضية بارك الله فيك وفي مجهودك

متابعة باذن الله وكاش فكرة نتفكرها نحطها، لاني نسيت كلشي