موضوع جذيذ - الصفحة 14

Lili Rose · 2012-05-23, 10:17

نتمنى تكونو استفدتو من طلتي لي عودة ان شاء الله سلامي للجميع

موسى2207 · 2012-05-23, 14:39

اقتباس:

المشاركة الأصلية كتبت بواسطة lili rose

سلاطة مشوية كما يقرب رمضان نخدمو كمية كبيرة و نخبيوها في الثلاجة هي و لهريسة حارة نديرو نورمال و الثانية مخلطا مع الزيتون

نخدمو الورق تاع البوراك و تخبيوهم في الثلاجة

ما شاء الله عليكم راح نتعلم منكم حوايج كثيرة
ان امكن طريقتك في السلطة وخدة البوراك

سَلْسَبِيّلْ · 2012-05-23, 15:51

اقتباس:

المشاركة الأصلية كتبت بواسطة lili rose

بالنسبة لرمضان نشريو اللحم و الدجاج قبل رمضان بشوية نقسموهم تاع النعمة وحدو تاع الشربة وحدو تاع المرقة وحدو و ليتقلا ولا يتشوا وحدو و نخبيوهم في الكونجلاتور

نفتلو المحمصة و الكسكسي و نخدمو الشخشوخة( نشخشخوها نشمسوها و نخبيوها)

النعناع ايضا نغسلوه و نشمسوه مبعد نرحيوه

سلاطة مشوية كما يقرب رمضان نخدمو كمية كبيرة و نخبيوها في الثلاجة هي و لهريسة حارة نديرو نورمال و الثانية مخلطا مع الزيتون

نخدمو الورق تاع البوراك و تخبيوهم في الثلاجة نقيو لفريك و نغسلوه نشمسوه و بعد نرحيوه

اللوز نغليوه نقشروه نشمسوه و نقليوه ( فالفور) و نرحيوه باه نطيبو بيه شباح الصفرة ولا مرقة حلوة

هادو لحوايج ليتخدمو في الدار لكان نسيت حاجة كما نتفكرها نكتبهالكم

لحوايج لنشريوهم تاع رمضان كامل و أيضا تاع لعيد الزبدة السكر القهوة الحليب بودر السمن الفرينة التوابل العظام البطاطا لبصل طماطم(العلب و كعب) التليتلي الروز اللوز و الجوز سميد تاع لهريسةو البسبوسة و سميد تاع الكسرة ...

حبيبتي هلمي لي بطريقة للبوراك لتخدموه في البيت وكفاه تخبوه الكونجيلاتور والا الثلاجة

سَلْسَبِيّلْ · 2012-05-23, 15:52

والله موضوع هايل من الاحسن يثبتوه ويغيرولو العنوان

Lili Rose · 2012-05-24, 09:12

صباح الخير عليكم يا لبنات كامل و الله ينوركم

كيفية تحضير أوراق البوراك

شوية سميد+ ملح و ماء تخلطو المقادير مليح و تخليوها ترتاح
مبعد تحكمو لعجينة و تزيدولها الماء بالشويةو تعجنو كل ماتحطو شوية ماء أعجنوها بصح بالكف تاع اليدين ماتقطعوهاش كما الكسرة في العجن
حتان نتحصلو على عجينة متجانسة مش جارية و مش متماسكة تشبه تاع الغرايف

مبعد تحطو مقلاة تسخن شوية(ماتسخنوهاش ياسر شوية برك حطوها على نار قليلة) تاخدو قطعة من العجينة وتمسحو بها على سطح المقلاةبشكل دائري بيديكم ما تخافوش مشكم رايهين تتحرقو و تكون الطبقة رقيقة عندما تتماسك نحيها وحطوها فوق سارفيات نظيفةو ماتحطوهومش فوق بعضاهم و هوما سخونين رايهين يلصو في بعضاهم و الا ادهنوهم بزيت و لا زبدة و حطوهم فوق بعضاهم
و عاود هاد العملية حتان تكمل لعجينة

كاين ليستعملو المقلاة للطهي أو صينية مقلوبة تشعلي الطابونة تحطي فوقها صينية مدورة و تكون عالية ما نعرف عرفتوها ولا لا تقلبوها و طيبو على ظهرها تمسحو بقطعة عجينة غلى ظهر الصينية و عندما تتماسك نحيوها و كاين أيضاليستعملو مقلاة خاصة مفيهاش جوانب جاية كما لمرا بصح صضيرة تتباع في الأسواق

طريقتنا في حفظ الأوراق في الكوجلاتور
تحكمو ساشية صفراء صغيرة تفتحوها و تبسطوها و تحطو فوقها عدد الورقات لرايحين طيبوهم في اليوم الواحد على سبيل المثال 6 ورقات تروليوهم مع الساشية و تخبيوهه فالكونجلاتور و نهار طيبي البوراك اجبدي رولو قبل مل طيبي بنصف ساعة و خليه يدوب الثلج وحدو ماتمسيش الورق باه مايتقطعوش حتان يدوب كامل و تطرى الأوراق تكون تقول عليهاشريتيها جديدةو طيبيهم و بصحتكم

Lili Rose · 2012-05-24, 10:08

شوفي أختي أحنا نطيبو 3 أنواع من السلاطة المشوية هما في الأصل كما بعضاهم الكل، يختلفو شوية في المقادير برك

سلاطة مشوية
حميص
شليطة

نبدو بالسلاطة المشوية

نقوم بشوي الفلفل الحلو و الحار(تحببي تشويهم فوق النار ولا دخليهم في الفرن المهم ماتقليهمش) وتحطيهم في ساشي كبير لكعبة لتشواها حطيها في الساشي لتسهيل عملية نزع القشور
كمل تكملي الشوي نحيلهم القشور كامل و نظفيهم مليح بالماء و خليهم يستقطرو لازم الماء كامل يروح
مبعد هرسيهم بالسكين لحافتهاتكون كما المنشار و لا المهراس و زيدي صفيهم سوا من الماء لزاد خرج

مبعد أضيفي فصوص ثوم (أنا نرحي 2 أو 3فصوص كما تكون كمية الفلفل كبيرة و فص واحد لكمية صغيرة مانحبوش ياسر الثوم غير باه يبنن برك)

و اعصري فوقهم شوية ليمون(ربع ليمونة)
زيدي شوية ملح و زيت الزيتون لأنها تجي حارة ياسر و خلطي الكل و حطيهم في طبق زيني بالزيتون الأسود و شوية طون مش لازم ادا حبيتي وشهية طيبة
ادا حبيتي تخبيها في الثلاجة حطيها في علبة بلاستيكية و خبيها راهي ما تفسدش

الحميص

نقوم بشوي الفلفل الحلو و الحار(كعبة برك ولا زوج مالازمش تجي حارة ياسر مثل السلاطة المشوية) و الطماطم وتحطيهم في ساشي كبير لتسهيل عملية نزع القشور

بعد تنظيف الفلفل والطماطم قطعيهم بالسكين و حطيهم يطيبو فوق نار هادئة طبعا بعد اضافة الملح الفلفل الأسود و الزيت و عساها مالازمش تشيه الصلصة كما طيب تقدم كطبق مع البطاطا المقلية

الشليطة هي نفس طريقة الحميص لاكن قبل ماطيب كسري فوقها لعظام كما أوملات على قد العائلة مثلا 4 كما يطيب لعظام طفي عليها و تقدم كما غراتان كل واحد أعطيلو حصتو تجي ملفوق عظمة و من تحت حميص و تكلوها بالصحة و الهناء

ام مرية · 2012-05-24, 15:33

ما شاء الله عليك ليلي يعطيك الصحةمي حبيت نسالك انتي قلتي نحطو البوراك في ساش صفرا لازم صفرى والا نقدرو نديروهم في لون خلاف هههههههههه ههههه ههههههه

ام مرية · 2012-05-24, 15:48

اقتباس:

المشاركة الأصلية كتبت بواسطة hanadi193

شكرا ليك حبيبتي لكن كنرجعهملو والله معلابالو ميخممش يقضيلنا غي الرافيتايما والخضرة نقعدو بلاه

عندي ليك حل اعملي ميزانية اي تساعدك يعني ديري 500 الف بجيه ولخرى روح لحانوت مواد غذائية واصرفي قضيان الشهر من كلو ولكن ما تبذريش اشري قيسك واذا حبيتي نعملك ليسته بالمشتريات
وارجعي للبيت جيبي 4 كراطن (كرتون ) وقسمي القضيان بالتساوي على الكراتين وخبي 3 واجبدي وحدة حطيها في متناولك هاكا كل اسبوع اجبدي كرتونة
يبقالك 500 الف خيرات قسمي 400الف على 4 كل اسبوع اقضي خضرة اسبوع ب 100 الف تكفيك نضن
تبقالك 100 الف اتصرفي فيها مثلا شونبوى وجال دوش يعني صوالح الحمام واقتصدي انا والله غير الشونبوى وهادوك الصوالح غير نشريهم كل 2شهر او اكثر
تبقى النفقة مين داك هو يجيبها مرة جاج مرة لحم مرة حوت كي عاد دخلكم قليل ما تكبريش كرشك وكرشالدراري عوديهم على الاقتصاد كيما يقول المثل علم ولدك الشدة والرخى
واي استفسار انا في الخدمة

Lili Rose · 2012-05-24, 15:57

اقتباس:

المشاركة الأصلية كتبت بواسطة ام مرية

ما شاء الله عليك ليلي يعطيك الصحةمي حبيت نسالك انتي قلتي نحطو البوراك في ساش صفرا لازم صفرى والا نقدرو نديروهم في لون خلاف هههههههههه ههههه ههههههه

ايه لازم ساشيه صفرا كما تعنا والا ماتصلهش الطريقة

والله ضحكتيني لالا ديرو كما تحبو غير باه نفهمكم بالي ساشيات لنستعملوهم صغات و عادة يجيو صفر ولا بيض بصح نتوما خيرو الصفر كما تعناااااا والا

ام سيلينا · 2012-05-24, 16:23

سَلْسَبِيّلْ · 2012-05-24, 17:33

اقتباس:

المشاركة الأصلية كتبت بواسطة ام مرية

عندي ليك حل اعملي ميزانية اي تساعدك يعني ديري 500 الف بجيه ولخرى روح لحانوت مواد غذائية واصرفي قضيان الشهر من كلو ولكن ما تبذريش اشري قيسك واذا حبيتي نعملك ليسته بالمشتريات
وارجعي للبيت جيبي 4 كراطن (كرتون ) وقسمي القضيان بالتساوي على الكراتين وخبي 3 واجبدي وحدة حطيها في متناولك هاكا كل اسبوع اجبدي كرتونة
يبقالك 500 الف خيرات قسمي 400الف على 4 كل اسبوع اقضي خضرة اسبوع ب 100 الف تكفيك نضن
تبقالك 100 الف اتصرفي فيها مثلا شونبوى وجال دوش يعني صوالح الحمام واقتصدي انا والله غير الشونبوى وهادوك الصوالح غير نشريهم كل 2شهر او اكثر
تبقى النفقة مين داك هو يجيبها مرة جاج مرة لحم مرة حوت كي عاد دخلكم قليل ما تكبريش كرشك وكرشالدراري عوديهم على الاقتصاد كيما يقول المثل علم ولدك الشدة والرخى
واي استفسار انا في الخدمة

شوفي حبيبتي وش نقلك التبذير متربيتش عليه وانا مرة اقتصادية 100 ب100 لكن............... وش نقلك خلي الهم يرقد واللهلولاد كبرو ومصروفهم كبر معاهم صدقيني ابسط الامور مانيش موفرتهم لولادي لكن ما عسايا ان اقول ربي يكون في العون ومع كل مومن المهم راني رايحا ندير كما قلتي وربي يقدرنا الف شكر

سَلْسَبِيّلْ · 2012-05-24, 17:39

الف شكر على النصائح

سَلْسَبِيّلْ · 2012-05-24, 17:39

الى صاحبة البوراك الغريف يخي جاري كفاه نقر ندهزو قطعة ونطيبو عيشك فهميني اكثر

نيفرتيتي. · 2012-05-24, 19:02

اقتباس:

المشاركة الأصلية كتبت بواسطة hanadi193

الى صاحبة البوراك الغريف يخي جاري كفاه نقر ندهزو قطعة ونطيبو عيشك فهميني اكثر

اختي اذامنت تحوسي على طريقة عمل الديول وتكون جارية اليك هذا الرابط لديول ام لميس
https://www.djelfa.info/vb/showthread.php?t=789633

مريم سلسبيل · 2012-05-24, 20:11

سلام اخواتي والله غيرتوحشتكم حبت نسالكم على العجانة وaspirature علىالماركة المليحة ولازمين ف الدار ام لا خاصة للي عندهم يكلمونا على عيوبهم ومحاسنهم واذا كنتم تكنجليو الكورجات يعني بقية الخضر غير الفلفل والجلبانة