قصيدة من الشعر الملحون - وصية لشباب

[فارس الجزائري]

السلام عليكم
أضع بين أيدكم هذه القصيدة الشعرية من الشعر الملحون وهي وصية للشباب
لصاحبها الشاعر: الحاج السعيد سبع

وصية للشباب

بسـم الله إبـديت بسمـك يا واحــد*** وألف صلاة على الهادي وأَصْحَابِيه
شبـاب إنوصيك إسمعني وفهــــم*** راي الولديـن كنز إصَـرَفْ بيـه
هُمَا سَاسِـــكْ حِِيطْهُـمْ ما يِتْهــدم*** يطلع صُـورِكْ زيد بَعْمَـلِك عليـه
إِذْكرهــــم ربي أُو هو عالــــم*** شاركهم في طاعتو أُو طاعة نبيـه
هُمَا مفتاحك إذا كان البــاب مـزكرم*** هما صورك ما يدُورِشْ واحد بيـه
هُـمَا إِسْلاحـك بيه للعــدو تَــزْدَمْ*** بيهم تهزم مِنْ راه جاي إحارب فيك
هُـمَا مَـالِك ما تـرُدُوشْ تِذَمَــــمْ*** هُمَا ثَوبِكْ سَاتْـرِكْ تِتْفاخِـرْ بيـه
طايـع والديه عمـروا ما ينــــدم*** في الدنيا رَايِِـحْ وعند الله يرضيـه
نشـرحلك وصايتـي مني أفهــــم*** إنوصيك على الدين زيد إتْأمَلْ فيـه
أقرا في الكتـوب وفسر يا فاهــــم*** أَﭭبَـضْ عَنُـو بِنْواجِذْ لا تِِحْظِيـه
أذكـر الشهادتين الشرط الــــلازم*** صلي خمـس أوقات ومالك زكيـه
هذا في القطـــــاع مولنـا يعلـم*** ثم الإستطـاع إذا طُـﭭتْ عليــه
الشهـر المعلـوم إتْصُمـُـــو لازم*** بالحَـجْ المبرور فرضـك إِتْوديـه
والنافلـة زيـد كثـــر ما تنــدم*** إلي صاب الخيـر ما يِتْقَنـَاشْ عليه
صِلَتْ الرَّحِيم واجب على المسلـــم*** وتهلى في الجـار متغفلـش عليـه
وَصَـى عنـو سيــد الأمة يا فاهـم*** أُو أكد عنو حتى إِنْ ضَنْ إِوَرَثْ فيه
وربي نفسك على إِسْــخَى بيه تعلـم*** وافْتَحْ باب الخير لِلِي قاصـد ليـه
وسكـر باب الشر دَاخْلُوا مِظْلِــــم*** ولي فتحـوا راه لِلْنَــار إِوَدِيـه
أُو ما تْوارِيش بالمال لا عنك يحــرم*** ما تخلطـوا بِشِـي لِي هو يِرْبِيـه
ولي ليهم خال ولي ليــهم عـــم*** إنوصـي و وصايتـي تبقى تنبيـه
ونوصي بيها جميع إلي مسلــــم*** حتى الاقتصـاد إنوصيـك عليـــه
إستحفظ بالمال لا تسرف تنـــدم*** والمُسْـرِفْ معـروف مَنْ هو أخيـه
في مَــالاَ يَعْنِيـهْ لا يسـرف لازم*** مالك بِالمِلِيـمْ إنت مسـؤول عليــه
مِنِيـنْ إِكسبتو أُوين صرفتو يا مسلم*** إمسجـل مكتوب عمـرك ما تخفيـه
إِحْيِِـي قلبـي يا الله إنـت تعلــم*** وعرفني بالشـي إلي إنـت تِرضيـه
وفقـني للخير عليــــه إِنَّجَــمْ*** وغلبني على النفس والشيطان إخزيه
ونقـي قلبـي من كل مكروه إِفَسَـدْ*** ولا تجعلنـي للمسلـم ناذيـــــه
ما نَحْسـد مِنْ راه في مالـوا زايـد*** هذا مَعْطـى خالقـي هو جاد عليـه
مِنْ جُـودُو يِغْنِينِـي ويِغْنِي كل واحد*** كنز إِلاَّ يفنـى راني نُطْلُـبْ فيــه
شاهي نصبر ونْكُونْ قانـع بالواجـد*** فرحني بالشـي إلي ربي يعطيـــه
ونْعَانِدْ مِــنْ راه في الدنيـا زاهـد*** قانع منها قالي جاتـو تكفيــــه
ويعمـر في الـدار إلي فيها يخلــد*** إِخَمَـلْ في لِعْويِـنْ راه إسبق فيـه
ما يرﭭـد إبـات في ربي يعبــــد*** عارف هذي الدار لا مِنْ دَامِتْ ليـه
البــاقي الله سبحـان الـواحـــد*** يرجـع كل ما خْلِـقْ إلاَّ إليــــه
تِتْســالِكْ لَدْيــان أمام الواحـــد*** كل لاَ خُـرْ فعلـو راه إِﭭابِلْ فيــه
أَعْضَــواتِكْ حاضــرة عنك تشهـد*** أقرا جوابك بنفســك ورِيِــــه
عتيــد أُو رقيــب عليك إمجــرد*** ما ينقص ما يزيد راه الأمْرُ ليــه
يرحمـنا برحمتـو الربّ الواحـــد*** والمقبول إِنْ شَاء الله نتوسـل بيــه
الوسيلـة بالنبـي طـه لمجــــد*** إلي يتوسـل بيه مولنـا يرضيــه
والصلاة عليـــه حَسْبــاً لا تُعَـدْ*** حِسْبِـتْ خَلـقْ الله شي لا نِحْصِيـه
ألـف مع ألـوف إِمْيَـة و اَلْزَايــِدْ*** صلى الله عليه عـدد ما يرضيــه
وثْنُـوا بالصــــــلاة على محمد*** يِرْبِحْ مِنْ سَمَعْنَا بِالصــلاة عليـه

الشاعر: الحاج السعيد سبع.

اللهم صلي على سيدنا محمد وآل سيدنا محمد وسلم

[نايل الهضاب]

[أسامة تلمساني13]

شكراااااااااااا لك

[messaoud08]

شكرا جزيلا

[فارس الجزائري]

المشاركة الأصلية كتبت بواسطة نايل الهضاب

السلام عليكم
الله اعافيك أخي نايل الهضاب وشكرا على المرور

[فارس الجزائري]

المشاركة الأصلية كتبت بواسطة كرانتيكا

شكراااااااااااا لك

العفو أخي كرانتيكا وشكرا على المرور

[فارس الجزائري]

المشاركة الأصلية كتبت بواسطة messaoud08

شكرا جزيلا

السلام عليكم العفو أخي messaoud08 وشكرا على المرور

[مسلمة جزائرية]

السلام عليكم
الله الله رااااااااااائع
بارك الله فيكم

[فارس الجزائري]

المشاركة الأصلية كتبت بواسطة مسلمة جزائرية

السلام عليكم
الله الله رااااااااااائع
بارك الله فيكم

وعليكم السلام
وفيك بارك الأخت مسلمة جزائرية وشكرا على المرور

[فرحات المدائني]

الله أكبر، من أفضل ما سمعت.
جزى الله خيرا الشاعر و الأخ الكريم الذي نقل القصيدة

[فارس الجزائري]

المشاركة الأصلية كتبت بواسطة فرحات المدائني

الله أكبر، من أفضل ما سمعت.
جزاك الله خيرا الشاعر و الأخ الكريم الذي نقل القصيدة

السلام عليكم
شكرا الأخ فرحات المدائني على المرور

[meriouma15]

انا بحب الشعر بشكر على على الشعر الرائع

[فارس الجزائري]

المشاركة الأصلية كتبت بواسطة meriouma15

انا بحب الشعر بشكر على على الشعر الرائع

السلام عليكم
العفو الأخت meriouma15 وشكرا على المرور