حابا الرجال يفهمونى في موقف مهم

[عاشقة الوفاء]

السلام عليكم
انا كتبت موضوع عن الخيانة صبت الاجوبة مبعثرة
على هديك حبيت نقص قصتى ونحب الرجال يجاوبونى بصراحة عييت نفهم بصح مفهمتش علاش بصح حسمت الامر وقررت انو واحد فيكم يجاوبنى




عندى مدة عام ونصف مخطوبة والانسان لخطبنى يعنى مكاش حتى علاقة معاه يعنى زواج بالصدفة وثانية انو صديق اخى
المهم كتب ربي وخطبنى وبديت نحكى معاه في التلفون كانت الامور غير موضحة يعنى كنا في بداية التعارف ادي ومد
بعد فترة بديت نراقب في تصرفات غريبة يعنى كنت كيما نصيبو يحكى بالساعات فالنهار مندي مانجيب نجينى الامر عادي بعدها طورت الامور عدت نصيبو على 00.00 و01.00 تاع اليلل يحكى منقول والو كانو شيء لم يكن يقولى كنت مع صاحبي نفوتها عادي بعدها عرفت بلى عندو وحدة وتأكدت عدت نتصرف باحكام منحاسبوش ابد بالعكس ستعملت سياسة اخرى انى نبعدو عليها بلما يحس يعنى نجدبو ليا صدقونى مكنتش نحسو بلى رانى حاسة عندو غيرى بالعكس كنت نلعبها نيه بغرض انى مندخلش المشاكل في علاقتنا تميت بهدي العقلية لمدة 6 اشهر تخيلو انو انسانة تعرف بخيانة زوجها ليها وتسكت غرضى كان نحافظ على زوجى والمهم امو مع المدة يندم ويصفى لي توسخ
المهم بعد مدة من العداب بينى وبين نفسي في يوم من الايام دخلنى رقم غريب ترددت انى منهزش بعدها صدقونى كانى حسيت انو الوقت لحكاية وصل ودعواتى لربى ستجابو هزيت سمعت صوت بنت حكيت معاها شكون شكون حكاتلى قصتها انا باش منزيدش الطين بلة عيطتلو بالهداوة قتلو راها وحدة عيطتلى تسقسي عليك كنت حابا يصارحنى بصح ظهر العكس تعمد يغم كلش قالى نحى لابيس درت روحى معلباليش محبيتش نقولو راها حكاتلى كلش سكت
بعدها نضغطت بزاف عيطتلو قتلو انا انسانة هدى حكاتلى كلش وطا طا طا
المهم هدي كان يعرفها قبلى يعنى قبل مايخطبنى كان معاها بعدها وهو معاها خطبنى هي كان علبالها بلى خطب واصلت معاه كان دايرها لزهو كيما قال هو بصح فهمونى كيفاش صرا هاك وعلاش مع العلم صدقونى لو تشوفوها ماتشبه لوالو انا نعرف واحد كى يحب يزها ودخل فالحرام وعماو عينيه على الاقل يتبع الزين وحدا يخرجها معاه في اماكن فسق على الاقل يمشي معاه وحدا لاطاي ولا زين بصح هدى والو وااااااالو مفهمتش زعما كان شيء يربطو بيها يعنى حب والحب خلاه اعمى ولا انسانة
وتخيلو معايا وش قالى قالى خلينى نحكى معاها مين داك بغرض انو ينتقم منها ههههههههه تخيلو كاين وحدا تقبل بهدا الشيء بصح انا سكت خليتو على هواه خليتو كمل يحكى معاها
درك احكمو و
فسرولى .اشرحولى.علاش خانى علاش خانى ومع هداك الكل مزالنى معاه ونحافظ عليه عفست على كرامتى وعزة نفسي غير باش نوفر الهدوء العائلى
هو فالاخير حبس معاه وداخلت يماه وقفت هدي المسخرة بصح انا راه شك يقتلنى رانى نتعدب دخلانى معدتش نثيق فيه بصح منقدرش نبينلو بلى رانى شاكة فيه ومنثيقش فيه مزالنى نضحى مع انى مانيش مضطرة نضحى عندى فرص في حياتى بصح انا تاقلمت مع عايلتو حبيتهم
حبيت نوضح ياجماعة السيد حبس منها خلاص اصلا الامور ساءت بيناتهم وهي فضحاتو عند اهلو وهو ستعرف بغلطتو بصح الشيء لكنت حابا نفهمو هو وشنو شيء لخلاه يواصل معاها
بيناتنا حتى هي معندهاش درة كرامة هي مجرد انو حبيبها خانها وخطب وخلاها علاش مفقدتش الامل بالعكس حاولت تبعدو عليا باي طريقة لدرجة انها اتصلت بيا غير باش يكون ليها كيفاش حبيتونى انا نفرط فيه بهدي سهولة

[سجل أنا جزائري]

أنا في رأيي كون من لول حبستيه عند حدو بصح كي شافك متساهلة زاد عليها هو ثاني

كون قوتلو يا هي يا أنا خير وحدة برك مش على جال باش تحافظي عليها تسمحي في الكرامة تاعك

أسمحيلي أنا اللي يدير هكذا في أيام خطوبة عندي ما يتامنش خلاص

مبعد املا كي طولي معاه وش يدير ؟؟

لازم تحطي نقاط على الحروف معاه ....

[محب بلاده]

بداية قصتك انك مخطوبة وبعدها متزوجة به

فهمينا الاول هل انتي راكي مخطوبة او متزوجة ؟

[عاشقة الوفاء]

المشاركة الأصلية كتبت بواسطة محب بلاده

بداية قصتك انك مخطوبة وبعدها متزوجة به

فهمينا الاول هل انتي راكي مخطوبة او متزوجة ؟

مخطوبة وعاقدا مزال غير العرس

[محب بلاده]

اذا كنتي مخطوبة فأظن وحسب رأيي الخاص أنك مخطئة

لأن الدين وضحنا كل الامور ( لانسير وفق حضارة الغرب والتقدم) وديننا وضحنا كلشي على ضوابط الخطوبة

أي رجل يرى الي يخطبها تتكلم عادي امعاه ولمدة طويلة أكيد تتدخلوا الوساويس أنو راح يفكر نفس الشيء تعملوا مع واحد آخر

[محب بلاده]

اذن مادام انكِ مخطوبة وعاقدة كان يلزم اعليك من اول مرة توقفيه عند حدوا باش ما يتمداش في تصرفاتوا

واكيد مادام حصل هذا الشيء ( شاف شيء معين ناقص فيك وموجود الأخرى )

شوفي وش جذبوا للبنت الأخرى تلقاي الحل

ان شاء الله ربي يهنيك ويبعد عنك الوساويس


كثيري من الدعاء وصلاة السحر

[محب بلاده]

واعذريني هاذي اول مرة انقول رايي في مشاكل مثل هاذي

لأنوا كل واحد اكيد راه عارف السبب احسن من الي يقرأ فيه او يسمع به

احنا نقول في رأينا على حسب ما نقرؤه فقط لا غير

ممكن نصيب وممكن نخطئ

[محب بلاده]

واذا كان الزواج بدايته الخيانة فمن الاحسن عدم اكماله

لأنه لن يدوم طويلا

والله اعلى واعلم

[nouna-12]

يا اختي نصيحة
وعلاش تضحي مع انسان من هدا المستوي يخونك فيك عيني عينك و راكي صابرة عليه
واش اللي يجبرك ماعندك اولادك اللي تخممي فيهم ماوالوا
هدا خانك و تمادي و السبب انك انتي هي اللي خلااته يزيد في عماه
و اسمحيلي علي هاد الجملة
واش معناته ينتقم منها حرام عليه و عليك انتي ثاني عارفة وساكتة و الساكت عن الحق شيطان اخرس
و اسمحيلي علي هاد الشئ لازم توقفيه علي حده و قوليلوا انعل ابليس عندك خواتات و عرض و خاف عليه
في المستقبل ثاني يكون عندك بنات هل تحب واحد ينتقم منهم
و خيرييه بينك و بينها و الا فافسخي خطبتك لان مادام انسان بهدا المستوي و عارف بلي ساكتة كي يخونك و انتوما مخطوبيين
صدقييني هدا النوع ممكن جدا و لا استبعد انه يجيبهالك للدار و عيينييك يشوفواا و انتوما متزوجيين
ديري حل لروحك و ماتسمحيش في حق كيما هادا و نظن بلي علي واش احكييتي بانه انسان مايصلحلكش
وبالنسبة لاهله عادي يا اختي ماراكيش رايحة تتزوجي بعايلة رايحة ترتبطي بشخص واحد
و يلا غبنك و ماهناكش هو يعني هوما و الله لوكان يحطوك فوق رؤوسهم ماتكوني مرتاحة
لانه الصح في الزوج كي تكوني مرتاحة معاه ماشي انتي قاعدة معاه و الشك قاتلك
و ربي يجييب الخير
و اخر نصيحة ليكي اختي صلي صلاة الاستخارة و اتكلي علي ربي و ماتنسايش تزيدي تخبري ماماك و خدي بنصيحتها
و ربي يوفقك و يسهلك امورك
و اسمحيلي لاني دخلت روحي

[محب السلف الصالح]

أسأل الله أن يبارك فيكم ويجمع بينكم بخير

[سحر الغروب]

فكك منو باين جايح وماراهش شاريك لوكان شاريك ما يخونكش مع

وحدة مزينها الشيطان في عينو


انا نقولك اخطيك منو راح يدمرك ويدمر كرامتك

بخخخخخخخخخخخخخخخ باين عليه مش راجل

وزعمة راه صاحب خوك نورمالمون يحاقظ عليك

وعلى مشاعرك

رجال اخر زمان

عيب عليه

[اللؤلؤة النادرة]

والله قصة محزنة، وكأنك تشاهد مسلسل تركي أو مكسيكي ......... يا أختي قبل كل شيئ صلي صلاة الإستخارة وألحي في الدعاء عسى الله أن يفرج عنك ......أنت مقبلة على حياة زوجية وليست لعبة ........أخيتي الزواج ميثاق غليظ تسوق إليه الفطر القويمة وتدعو إليه الشرائع الحكيمة وما زالت نفوس البشر تنساق فيه مع الفطرة وتجيب به داعي الحكمة فبالزواج تحصل الرحمة والمودة والسكن، وبه يُلمُّ الشعث ويجتمع القلب وتُبتغى الذرية ففضائل الزواج متعددة وبركاته متنوعة. ويقول تبارك وتعالى ( وَمِن آيَاتِهِ أَنْ خَلَقَ لَكُم مِّنْ أَنفُسِكُمْ أَزوَاجاً لِّتَسْكُنُواْ إِلَيهَا وَجَعَلَ بَينَكُم مَّوَدَّةً وَرَحُمَةً)

ففي هذه الآية إشارة إلى معنى الطمأنينة والأمان، وذلك لا يكون إلا في السكن إلى الزوج، وعلاقة الرجل بالمرأة عن طريق الزواج تهدف إلى السكينة والطمأنينة النفسية، ولا تأتي السكينة والطمأنينة إلا بالمودة والرحمة، والمودة والرحمة في حد ذاتها نعمة من الله لا تساويها نعمة. أختي إذا لم تتحقق هذه الأمور في الزواج فالأفضل أن تبتعدي عن هذا الرجل لم يعرف قيمة ما يملك امرءة صابرة على كل مالاقته من زوج مهمل لايقدر الحياة الزوجية فإذا لم يتب توبة نصوح فالأفضل ابتعدي عنه قبل الدخول وإنجاب الأطفال

[الواثق]

المشاركة الأصلية كتبت بواسطة عياد محمد العربي

أسأل الله أن يبارك فيكم ويجمع بينكم بخير

وان يهديكم الى الصواب وان يبعد عنكم الفتن ماظهر منها ومابطن وان يوفقكم لما يحبه ويرضاه..

امين...............امين........................امي ن

[جوهرة الغرب.]

اخر زمان هذا هو .......ربي يستر
اختي هذا زواج ماشي لعبة وضحي امورك مدام راكي في دارك باباك
وفقك الله

[- بصمة خير -]

السلام عليكم و رحمة الله تعالى و بركاته

وعلاش مع العلم صدقونى لو تشوفوها ماتشبه لوالو

هذا الكلام راكي غالطة فيه و كلامممممم كبير بزاف لانك تتكلمي على خلق ربي
و تاني شي الجمال شي نسبي انت ماتشوفيهاش مليحة و هو يشوفها مليحة
و لكن ماتقوليش ماتشباه لوالو لانها خلق ربي و راهي تشبه

---------------------------------------------------------------------
بالنسبة الى قصتك

السؤال موجه الى الرجال و لكن جابة نمدلك رأي و الا وجهة نظري للقصة تاعك ممكن تفيدك

الجملة اللي لاحظتها نحافظ على راجلي مليح وحاجة مليحة و لازم كل زوجة تحافظ على زوجها و لكن
ماشي راهو يخون فيها و بعلمها و الكرامة تاعها تحت 0
لانو الاحترام قبل كلش

لااحترام و لا ثقة تعيييشي قوليلي وين راكم رايحين ؟؟؟

و انتما عاقدين قصتك لازم توصل للأهل تاعك و لازم حل جذري

و ماتقوليلوش با انا يا هي ماتحطيش روحك في موقف مقارنة معاها

دوركا راكي تعرفيه على الاقل شوي بينك و بين روحك شوفي اذا هذا الانسان تقدري تعيشي معاه و الا لالا

الزواج مليح و لكن نتمني ماتكونيش كي نوع من البنات نزوج و خلاص و من بعد على عام يطلقو و كتاه يزيدو يتزوجو ربي يعلم بعيد الشر عليك

و الاستخارة كل يوم كل يوم و قبل ماديري اي قرار مصيري

و نتمانلك من قلبي ربي يهديه و يكمللكم و يبطل من الطفلة هذه و كي هذا النهار تكتبينا هنا و تقوليلنا رانا حددنا نهار العرس و تكونو حلييييتو جميع المشاكل و تكوني مقتنعة هذا هو الراجل اللي نعيش معاه حياتي


ربي يوفق و صلو عليه