الخطبة و ابي

[مشكلتي]

السلام عليكم و رحمة الله تعالى و بركاته

انا فتاة متخرجة مؤخرا و احب شاب و هو يحبني و هو ليس من الولايه التي اسكن فيها و كانت تربطنا علاقة يعني كنا نهدرو في الهاتف المهم قطعت العلاقة بيه و حبيتها تكون في الحلال لاني تبت لربي و ان شاء الله يتوب عليا لاني اقتنعت بلي العلاقات هذه محرمه حتى و ان كان في الهاتف فقط و بعض اللقاءات في الاماكن العامة
الحمد لله
القضية هي ان اخت هذا الشاب اتصلت بي و قالت لي انهم جايين يخطبوني في العيد الكبير و هدرت لماما لان امي كانت على علم لاني مدايرتها كي صديقتي و نحكيلها كلش
انا محتارة هل نقوم باخبار ابي باه يكون عندو علم و حتى حنا حايريين كيفاه نوجدو روحنا و نشريو المستلزمات بحيث ان الوقت مازال بعيد من لحتى العيد الكبير و زيد تجيهم ظروف و ما يجيوش كيفاه يكون موقفي امام ابي
ربي يخليكم ردو عليا

و شكرا مسبقا

[melissa73]

ma3lihach sarhi babék rahi haja flhlél w matkhafi mawalou madamha f la7lél haja matkalkék w rabi m3ak nchallah

[❀عنْفُوَاפּ طُمُوحْ❀]

افضل حاجة تقدري ديريها تصارحي باباك

و امبعد كلشي يتوضح

[ياربي اني راضية]

اولا اختي عجبتيني كي قطعتي علاقتك بيه وحبيتيها في الحلال انا براي ماتقوليش للوالد اي شئ خاصة ان الشاب ليس من ولايتك والخطبة يجي الوالد نتاعوا يطلبك من والدك او امه تتكلم مع امك ويتفاهموا هاك احسن والمهم امك تعرف وربي يجيبلك الخير

[ivaoran]

السلام عليكم

انا من رأيي أخيتي انه ما تتقلقيش باخبار الوالد
لانه سوف تحسين بضغط كبير
و كذا ستصبحين مقيدة
تشكين انهم يقيدونك و يراقبونك رغم حدوث العكس

المهم منا للعيد الكبير ربي و رحمته
كي يقرب موعد المجيء هو يتصل بالبيت و يعلم الوالد
و من ثم تتدحل الوالدة ان استطاعت

المهم الله يجيب التسهيل و التوفيق
و ما تتقلقيش و ما تخميش بزاف

[الصديق الذهبي]

أختي مين يحددولك موعد نيشان

ويبقى يومين أو ثلاث باش يجو يخطبوا

خبري باباك وديري كانك ما تعرفيهمش

[*:.شذى الورد:.*]

السلام عليكم ورحمة الله تعالى وبركاته
****
أختي بظني أحسن حل هو أنك تقولي للشاب يجي هو وباباه يخطبوك منو وكي يقبل من بعد يجيبوا النسا وتكون خطبة رسمية
هكذا تتهناي من الضغوط
وباين من كلامك أنك خايفة من ردة فعل باباك..يعني أحسن شيء تخلي الشاب هو الي يتصرف
...
الله يوفقك اختي

[الامل في الله]

لم لا تطلبي من اخت الخطيب ان تطلب من والدها او احد الاخوة الحضور الى ولايتكم و اعلام اهلك

[اسيل]

انا رايي لا تبلغي والدك فالوقت لم يحن بعد واطلبي منه ان يأتي هو وابوه اولا ويتحدتون مع والدك وعند تمام الاستعداد للخطبة تاتي والدته وبقية افراد العائلة