فرض في العلوم الطبيعية نص القسم ما بين 0 و 1 صدقوني

[asma1856]

اولا السلام عليكم واشراكم ان شاء الله لاباس مع لقرايا انا راني نص نص علاخاطر هردتاه في هاد الفرض هههه

الفرض المحروس الأول في مادة العلوم الطبيعية

التمرين الأول:
أثناء فحص مجهري لوحظت قطعة من ARNm تتوضع عليها 36 من الجسيمات الريبية ,لا يفصل الواحدة عن الأخرى سوى مسافة نيوكليوتيدة ريبية واحدة.
خلال الثانية الأولى كان أول ريبوزوم قد تخطى 45 نيوكليوتيدة ريبية,هي الأولى من حيث التوضع في الجزيئة .
1-كم عدد الأحماض الامينية الداخلة في تركيب الببتيد المشفر له؟
ما هي سرعة عمل هذه العضيات عند الكائن المدروس؟
التمرين الثاني:
تولي كل الكائنات الحية,بواسطة اصغر مكوناتها,الخلية ,عناية خاصة بتركيب البروتين.
لذلك تسخر لها إمكانيات ضخمة من معلومات و مادة و طاقة.
أنجز رسما تخطيطيا وظيفيا متقنا تبرز فيه ذلك

و شكرا و السلام عليكم

[racha2011]

التمرين الثاني ماعليهش بصح الاول ما فهمتوش نعاود نقراه و نشوف

[asma1856]

المشاركة الأصلية كتبت بواسطة racha2011

التمرين الثاني ماعليهش بصح الاول ما فهمتوش نعاود نقراه و نشوف

هاداك التمرين نتاع التمخميخ

[اسلامي سر حياتي]

على حساب مافهمت :

نقوم بضرب 36*2=72.....ضربنا لانه لدينا في المعطيات : يفصل الواحدة عن الأخرى سوى مسافة نيوكليوتيدة ريبية واحدة.

ومن بعد نقسمو 45/3

نلقاو عدد الاحماض 15

ومن بعد باش نلقاو السرعة

قانون السرعة هو المسافة على الزمن

الزمن نحولوه لدقيقة

....... الحل تابع

[imane1]

لقيتهم 24 حمض أميني \


ماشي 15 ..

اسلامي سر حياتي , علاش قسمتي 45 على3 ؟

نظن هاذيك المعلومة اعطاوهالك لحساب السرعة فقط

المفروض تقسمي 72/3

اللي تمثل مجموع النكليوتيدات ..

[imane1]

التمرين الثاني لا كلام عنه

رسم تخطيطي لمرحلتي الإستنساخ والترجمة ، شيء عادي ..


السؤال تاع السرعة ما فهمتوش مليح ، هل يقص سرعة البوليزوم أم سرعة الريبوزوم ؟

نزيد نخمم


بصح بيناتنا / ساعة بزاف عليه .. راهو بسيط بزاف شوية تركيز فقط

[imane1]

السرعة لقيتها 1620نكليوتيدة/ثا


نزيدو نشوفو إجابات الاخرين وكل شيءيتضح ان شاء الله

[اسلامي سر حياتي]

المشاركة الأصلية كتبت بواسطة imane1

التمرين الثاني لا كلام عنه

رسم تخطيطي لمرحلتي الإستنساخ والترجمة ، شيء عادي ..


السؤال تاع السرعة ما فهمتوش مليح ، هل يقص سرعة البوليزوم أم سرعة الريبوزوم ؟

نزيد نخمم


بصح بيناتنا / ساعة بزاف عليه .. راهو بسيط بزاف شوية تركيز فقط

لكن اختي ايمان قالك:


أول ريبوزوم قد تخطى 45 نيوكليوتيدة ريبية

ماشي 72نيكليوتيدة

[اسلامي سر حياتي]

المشاركة الأصلية كتبت بواسطة imane1

السرعة لقيتها 1620نكليوتيدة/ثا


نزيدو نشوفو إجابات الاخرين وكل شيءيتضح ان شاء الله

كيفاش حسبتي اختي

ممكن تحطي الحل

[imane1]

اختي\\

هده المعلومه لا تخدم السؤال الأول بشيء

هو قالك أن الريبوزوم الأول مشي بمسافة 45 نكليوتيدة في ثانية واحدة

وهذه هي سرعة الريبوزوم الواحد

في واش تفيدك السرعة انتي ؟

انتي باش تلقاي عدد الأحماض الامينية يهمك تعرفي عدد النكليوتيدات

لانو منها اللي راح تجيبي عدد الأحماض الامينية باعتبار أن كل حمض أمينة تقابله 3 نكليوتيدات

فانتي اذا لاحظتي جتبتي عدد النكليوتيدات وما خدمتيش بيه

ما وظفتيهش خلاص ..

رغم انه بعد وصولك الى العدد المفروض خلاص بقالك تطبيق مباشر فقط ، بالقسمة على 3 والناتج هو عدد الأحماض الأمينية


هل فهمتني ؟ وهل اقتنعت ؟

[imane1]

باش تتؤكدي اكثر ، روحي اضربي 15 × 3

راح تلقايها 45 ماشي 72

واحنا عدد النكليوتيدات 72

إذا ثمة خلل

[imane1]

انتي ربما فهمتي ان الريبوزوم مشي 45 نكليوتيدة وما زادش

لذلك اكتفيت بالقسمة على 45 ..


بصح ما تنسايش بلي السائل هنا قيّد هذه المعلومة بالزمن

يعني الريبوزوم هذا قسنا الحركية تاعو في ثانية واحدة ، لقيناها 45 نكليوتيدة

لوكان قالك علما ان الريبوزوم الأول توقف عند النكليوتيدة 45 ، تكون خدمتك صح

لكن ما دام ما قالكش فالريبوزوم مازال يزيد يتحرك ..

[اسلامي سر حياتي]

شكرا كثيرا اختي ايمان

لكن بالنسبة لحساب السرعة كيفاش درتي؟؟؟؟؟؟؟

[imane1]

آه .. تبعي برك

شوفي أنا إذا كان عندي جسم a يتحرك بسرعة معلومة قدرها v في 1 ثانية

فإن جسمين a يتحركان بسرعة قدرها 2v في 1 ثانية


وبالتالي

إذا الريبوزوم الاول مشى 45نكليوتيدة/1ثا

فإن 36 ريبوزوم سيمشون 45*36 نكليوتيدة / ثا

أي 1620 نكليوتيدة / ثا


وهذا باعتبار أن سرعة الريبوزوم ثابتة عند القيمة المعطاة عند جميع الريبوزومات

إذا سرعة هذه العضيات - ولا نقول سرعة البوليزوم كيما قلت انا مقبيل ، خطأ علمي - = 1620 ن/ثا



بصح نتفاهمو

رأيي صوابٌ يحتمل الخطأ

كي اجي أسما والجماعة نتأكدو اكثر ان شاء الله

[imane1]

ربما تتساءلين مع نفسك

كيف تكون للريبوزومات نفس السرعة في 1 ثا

رغم ان الريبوزوم الاول كي راهو في النكليوتيدة 45

معناها الريبوزوم الثاني راهو في النكليوتيدة 44

وهكذا


هنا أن نطرحلك سؤال ، هل إذا قمنا بتوقيف الصورة هنا

أو توقيف حركة الريبوزومات في هذا المشهد

وركزي فقط على الريبوزوم 1 وا 2

قلت هل نجد نفس المجال الزمني لكليهما ؟

أكيد لأ

حين انطلق الريبوزوم الأول كان الثاني لا يزال ينتظر انتقال هذا الاخير الى الرامزة الموالية حتى يأخذ مكانه

يعني نعتبرو هذاك الفرق الزمني اللي كان بيناتهم

معناه أنه فعلا عند 1 ثانية لا بد وأن تصل جميع الريبوزومات الى النكليوتيدة 45

بصح 1 ثا هاذي خاصة بكل ريبوزوم

كل ريبوزوم نبداو نحسبولو من الوقت الذي انطلق فيه ..


فهمتيني والله غير صح ؟