🛑 توضيح بخصوص عملية التسجيل ...... 🛑

[〆 بٰٰاولو 乄]

توضيح ......
منقوووول من مجموعة bac 1001

اليوم سجلت.
1- رحت للسيبار.
2- دخلت للسيت تاع progres.
3- دخلت رقم التسجيل والرقم السري.
4- مع دخلت مباشرة خرجتلي اذا بغيت نخلص حقوق التسجيل (200 دج) عن طريق البريد ولا البطاقة الذهبية.
5- درتها ببطاقة الذهبية تاع والدي.
6- اذا متعرفوش مدو لمول السيبار البطاقة وهو يدخللكم الأرقام.
7- كي يدخل الأرقام لي كاين في البطاقة رح يوصل مساج للتلفون تاع صاحب البطاقة، مساج فيه كود.
8- بعد ما تدخل الكود راح يخرجلك PDF لشهادة تأكيد التسجيل، تطبعها وخلاص.

ملاحظة: البطاقة الذهبية أسهل، اذا معندكمش شوفو أي واحد من داركم ولا أقاربكم... اذا مقدرتوش خلاص، كي تدخلو للسيت تخرجلكم بش تخيرو بين البطاقة ولا البريد... كي تخير البريد، راح يخرجلك PDF، اطبعو وأديه للابوست سلكهم ثما، ولازم تستنى 24 ساعة بش يوصلو الدراهم للافاك بش تقدر نتا ترجع للسيت وتطبع شهادة تأكيد التسجيل تاعك.

ملاحظة 2: في هذي العملية مكانش شهادة بكالوريا ولا صور ولا أي شيء... هنا فقط رح تدفع عشرينلف تاعك وتجيب ورقة تدل بلي راك خلصت، هذا مكان.

ملاحظة 3: كاين بزاف لي راحو للابوست بش يخلصو ثما ورجعوهم، قالولهم منعرفوش ccp تاع الجامعة لي راك حابها، هنا الله أعلم.

ملاحظة 4: اللي يعرف يدخل الأرقام لي فالبطاقة الذهبية وعندو طابعة فالدار، ميحتاجش يروح للسيبار، يديرها فالدار عادي.

ملاحظة 5: السيت شوية ثقيل وساعات تخرجلك erreur.. متتقلقوش جربو اخرجو وعاودو ادخلو برك.
#منقول من مجموعة Bac 1001

[نفحات]

واللي كي دخل المعلومات خرجلو بلي حساب متوقف واش يدير؟
كي شغل يقولك بلي راك ماشي مسجل في البروغراس هذا
واش الخلل؟

[ريتال2]

صحا و تاع المعهد كي يديرو الشبه الطبي ؟؟

[أمل أميرة]

قولولي السيت تاع ترونسفار حل ولا لا راهم قالولي في 9 نوفمبر يحل
بارك الله فيك ميدو

[أمل أميرة]

هذاك السيت مانقدرش ندخلوا غير نهار الموعد لي مدوهولي

[〆 بٰٰاولو 乄]

المشاركة الأصلية كتبت بواسطة ريتال2

صحا و تاع المعهد كي يديرو الشبه الطبي ؟؟

والله معلابالي نورمالمو كيف كيف

[〆 بٰٰاولو 乄]

المشاركة الأصلية كتبت بواسطة أمل أميرة

قولولي السيت تاع ترونسفار حل ولا لا راهم قالولي خير في 9 نوفمبر يحل
بارك الله فيك ميدو

والله معلابالي اصبري لوحدة بلاك يفتح
+ وفيككك البركة
موفقة