*حصريا الوصفة الناجحة لطاجين الجبن *
من مطبخي **مطبخ فاطمة البتول **
***************
المكونات: (ل 6 أشخاص )
*6حبات بطاطا كبار
*1صدر دجاج (blanc de poulet) (كاين لي يديرو لحم بصح باللحم يجي دسم جدااا و بزاف ثقيييل )
* 6 حبات بيض
* 16 حبة تاع فرماج
* 200 غرام تاع جبن مبروش (fromage rouge, fromage griere )
**مقادير مرق طاجين جبن **
*لتر ماء مغلي
* 2 بصل كبير
* مكعب مرق دجاج جومبو
* فلفل اسود
* ملح
**للتزيين **
*2 حبة طماطم كبار
**التحضير**
*نقشر البطاطا و و نقطعها على شكل مكعبات و نضعها في إناء به ماء و بعض الخلافات و شوي ملح و نغليها لمدة دقيقتين ثم نصفيها ثم نضعها في الثلاجة لمدة نصف ساعة
(هذه الطريقة اللتي إتبعتها لكي تأتي البطاطا مقرمشة و متشربش الزيت بزاف )
و نقطع الدجاج ثم نحضر تتبيلة الدجاج و كل واحد و ذوقو و تتبيلة الدجاج اللي توالموا، بالنسبة لتتبيلة الدجاج اللي نديرها هي (2 ملاعق كبيرة موطارد (motard ) ، نصف مكعب طبخ مرق دجاج جومبو، ملعقة صغيرة فلفل اسود ، و ملعقة صغيرة تابل فلفل احمر حلو ، ملعقة كبيرة خل، ملعقة كبيرة زيت نباتي ، ) و نخلو الدجاج يمتص التتبيلة لمدة ربع ساعة على الأقل و كي نديروه في المقلة مع شوي زيت على نار هادئة حتى يطهى تماما و نضعه جانبا ، نحضر المرق : نحمر البصل في ملعقة زبدة و ملعقتين زيت ثم نتبلو بالجومبو و الفلفل أسود ثم نضيف الماء المغلي و نخلوها تطيب مليييح،
نجيبو 16 حبة تاع الفرماج و نقطعوها مكعبات و نجيبو الطماطم و نشرحوحا دوائر و نفقصو البيض و نخفقوه كيما الأومليت و نجيبو الدجاج و الفريت و الفرماج اللي قطعناه و نبرشولو الفرماج روج و شوي مرق (مالازمش يكون بزاف بش ما يجيش الطاجين جبن مايه ) ، نختار بلا تاع زجاج تاع فرن الطبخ و نخيرو شكلو على حساب كمية المكونات و نصبو خليط طاجين الجبن في الإناء و نزينو واجهة الطبق بالطماطم و نديروه في الفور على درجة حرارة 180 و نخلوه يطيب مليح حتى ينشف مبعد راهو يجي بنيييين و هاااايل
و نقدم معه مرق الدجاج اللذيذ لكي مايجيش بزاف ناشف و بالهنا و الشفا
**أعطوني تعليقاتكم و اقتراحاتكم **
( تقرير عن مشاركة سيئة )، و الموجودة أسفل كل مشاركة .
2018-02-19, 21:43
خبزة طاجين جبن هدية لأخواتنا اللي يحبو طاجين جبن **مطبخ فاطمة البتول**
العرض العادي
