♦○• "مُشاآركتي في تحَدّيات و إبْـدآاع في رِحَآاب رَمَضَآان 彡•○♦ [[○أم_فراز ]]

[أم_فراز]

بسم الله الرحمن الرحيم
صح رمضانكم انشالله تكونو بألف خير,جزيل الشكل لجميع القائمين على هذه المسابقة الرائعة لما تحمل من تنافس بين المشتركات و المرح الذي أضفى

البهجة في قلوبنا

**************** التحدي الاول*****************

الطبق الرئيسي اللي هو كفتة او المثوم

حبة بصل . 4سنات ثوم. ملح.فلفل ابيض او اسود .زعفران.افاح.جومبو. 3ملاعق زيت.كرافس اختياري.طرف دجاج



نرابي البصل والثوم رقيق ونضيف باقي المكونات ونحطهم فوق النار نقيلهم, بعد مانقليهم نضيفلهم شوية حمص و نمرق بالماء مانكثرش ونخليها حتى تنقص

المرقةوتخثار .بعد ماتخثار نضيفلها فطر كنت قليتو في شوي زبدة

من جهة اخرى نحضر الكفتة



لحم مفروم.فلفل اسود.ملح.دبشة او معدنوس,سنة ثوم.بيضة.ملعقة او 2 من غبرة تاع الفريك تعطيها بنة مليحة للكفتة

نخلطهم و نشكلهم كويرات ونقليهم في الزيت شوية برك قيس مايحمارو ونصبهم في المرقة الي كنت حضرتها يغليو غلية ونطفي عليهم

و ماننساش نحمر الدجاج في الزيت او الزبدة

وقدمهم بالصحة و الهنا






التحلية

كريمة العصير


حضرت تحلية سهلة و بسيطة و غير مكلفة بالمكونات الي كانت موجودة

كاس عصير اي ذوق تختارين .1ملعقة نشاء.

انا اخترت عصير عنب و عصير برتقال

حطيتهم فوق نار هادية و بقيت نحرك حتى خثارت الكريمة وضفتلها مشمش مقطع مبعات وفرغتها في اكواب وزينتها بالشانتي وقطرات من سيرو احمر

وحطيتها تبرد في الثلاجة بالرغم من انها بسيطة بصح بنتها هايلة

[أم_فراز]

*******************************التحدي الثاني************************

السلام عليكم عساكم بخير انشالله

كروكات الأرز باللحم المرحي




قراتان البطاطا باللحم المرحي والبيشاميل





السلطة

[أم_فراز]

*******************************التحدي الثالث************************
اهلا ومرحبا و صح رمضانكم

انا جد متاسفة لان الروبو تاع العصير فسدلي وماقدرتش نعمل عصير الفراولة

بصح راح نشارككم بصورة الفراولة وطريقة تحضير العصير دون الصورة ياريت تعذروني و خاصة الاخوات المشرفات راني خايفة لاتنحيوني من المسابقة

عصير الفراولة

في وعاء خاص بالخلاط نحط كمية من الفراولة, كاس ماء, بضع ملاعق سكر على حسب ذوقك. ونخليهم يمتزجو مع بعض مليح و نضع العصير في الثلاجة يبرد ثم نقدمو بالصحة والهنا,




الحلويات

غير اليوم الي بديت موالفة نبدا روطار ههههه لاني مانحبش الحلويات يبقاو مدة طويلة يعني مازال اسبوع و زيد بعد العيد يقعدو شوية و مع السخانة هداك هو,

خدمت المقروط بالتمر

3 كيلات دقيق خشين استعملت دقيق عمر بن عمر الشكارة الي فيها الشريط الاسود, كيلة وشوية سمن وتقدري تخلطي الزبدة, شوية ملح, نبلل بشوية ماء زهر والماء

ونكون وجدت الغرس اللي ضفتلو شوي قرفة و زيت وعجنتو ,







وهذي ليكم قسمتكم بدون عسل لانو زيارتكم راح تعسلو,




انشالله يعجبوكم

[جنة الفردوسْ]

ماشاءالله كل شيئ في قمة الروعة والتحلية ساهلة جدا لازم نجربهاممممم...سلمت يمناك وموفقة

[أم_فراز]

المشاركة الأصلية كتبت بواسطة جنة الفردوسْ

ماشاءالله كل شيئ في قمة الروعة والتحلية ساهلة جدا لازم نجربهاممممم...سلمت يمناك وموفقة

الله يسلمك حنونة مرحبا بيك وشكرا لمرورك العطر,

[حاملة المصحف]

[حياة نور الدين]

بارك الله فيك بالتوفيق وما احخلى البساطة

[انا هي رزيقة]

بارك الله فيك اختي حظ موفق

[حياتي كلها امل]

بارك الله فيك وحظ موفق

[ميمي ناصر 22]

سلام
يعطيك الصحة حنونة
موفقة ان شاء الله

[omelbanin]

يعطيك الصحة، ختي. و. بالتوفيق.

[زهر التوليب]

ما شاء الله بالتوفيق

[ام حمزة22]

السلام عليكم

ام فراز راني لبيت الدعوة بارك الله فيك


مممم كلش يشهي والمتوم اول مرة نشوفو بهاد الطريقة باين بنين راه يشهي
بالتوفيق ان شاء الله

[sofia dj]

يعطيك الصحة اطباق شابة موفقة

[أم سدرة]

بالتوفيق اختي كلشي هايل