|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[أنا هي رزيقـة]]
|
أدوات الموضوع | انواع عرض الموضوع |
2016-06-12, 17:32 | رقم المشاركة : 1 | ||||
|
♦○• "مُشاركتي في تحَدّيات و إبْـدآاع في رِحَآاب رَمَضَآان 彡•○♦[[أنا هي رزيقـة]]
السلام عليكم هذه هي مشاركتي المتواضعة في هذه المسابقة الجميلة التي اشكر جزيل الشكر المشرفات على فكرتها جازاكن الله الف خير اخواتي في هذ الشهر الكريم
هي اطباق بسيطة بساطتي و غير مكلفة لا للجيب و لا للجهد و الاهم الاهم انها هي الاطباق نفسها التي احضرها لعائلتي التي تحبذ الاكل البسيط فقط درت طاجين كفتة محشي بيض بصوص زيتون ايفلي و رافقته بكريات البطاطا رمدتها في شابلور و قليتها . و التحلية فلان فانيليا بكرامال منزلي .بما ان المشرفات قالو وصفات دون تكليف سمعت كلامهم ... خخخ فقدمت مااقدمه في بيتي لعائلتي و حظ موفق للجميع . فيما يخص الطاجين درت بصلة كبيرة و سنينات ثوم في الروبو و طحنت كلشي ثم حطيت نص الخليط في المرميطة تاعي مع ورقتين رند و عيدان معدنوس مقطعين و ملح و كركم و فلفل اكحل و قرفة و ملعقتين زيت و نصف ملعقة سمن و حبتين زرودية مقطعين رقاق و قليت الكل مليح ثم مرقت بحوالي كاسين ماء مغلي و زدت فوقهم كمشة زيتون ايفلي من جهة اخرى اخذت الكفتة تاعي داويتها بنصف خليط البصل و الثوم لي بقالي زدت نصف بيضة مضروبة و ملح و فلفل اكحل و معدنوس و قرفة و ملعقة شابلور و خلطت الكل مليح و زدت غليت بيضتين و قطعت كل وحدة على اربعة و شكلت بولات بالشكل الظاهر في الصوورة و رميتهم في الصوص و في اثناء طهي الطاجين كنت غليت حبة بطاطا و زدت عليها البيض لي بقالي من البولات و شوية معدنوس و نصف خليط البيضة لي هدرت عليه الفوق و شكلت كريات صغيورين و مرمدتهم في الشابلور و قليتهم في زيت غزير و زينت بهم الطبق التّحليـــة بالنسبة للتحلية اظن ان الصور واضحة درت فلان فانيلا عادي و حضرت لي رامكان تاعي و حطيت في كل واحد ملعقة كبيرة كرامال تحضير منزلي و فرغت عليهم الفلان و هو سخون التّحدي الثّــــاني ...~ السلام عليكم صح فطوركم حبيباتي هذه مشاركتي في تحدي الاسبوع الثاني الخاصة بالسلطة و المقبلات و نسيت مصورتش في المجموعة كروكات الارز فيها ارز مطبوخ مليح مخلط مع فرماج ابيض و بيضة و باتي بيتزا حار و معدنوس وشوية من خضار الماسيدوان و مرمدتهم في شابلور و مقليين ايضا في زيت عزير هذي صورة جماعية للسلطة والمقبلات اولا السلطة المشكلة فيها خضار مشكلة من مسيدوان خضر درت فيها جلبانة و بطاطس و جزر خلطت فيهم شوية فقط مايوناز و عصرة ليمون و حشيش معدنوس و فيها ارز مخلط مع شوية طون و طماطم مقطعة قطع صغيرة و مايوناز و عصرة ليمون و البيض ميموزا فيه صفار بيض مخلط مع شوية مايوناز و بصل مقطع رقيق و معدنوس و عصرة ليمون وحضرت ايضا فيرين السلطة فيهم ايضا روز و مسيدوان خضر و جزر و هذو ميني كوكا بالعجينة المورقة محشيين بشكشوكة من الفلفلة و البصل و الطوماطيش لاحظي معي اختي من الضروري ان تشكلي الكوكا بهذا الشكل و درتا ايضا نوغاتس دجاج قطعت دجاج شرائح و خليتهم نص نهار في خليط من الحليب وملح و حشيش معدنوس و رشة كمون و رشة ثوم بودرة وعصرة ليمون و فلفل اكحل و شوية موطارد و شوية هريسة ثم رمدتهم مباشرة في خليط من الشابلور و الفرينة و الفلفل الاحمر و قليتهم في زيت غزير و رافقتهم بصوص بيضاء مكونة من جبن و حليب درت ايضا فريت مكعبات خلطتها هكذاك سخونة بمعنوس و بصل مقطع رقيق
آخر تعديل •~ندية الجوري~• 2016-06-21 في 07:59.
|
||||
2016-06-12, 17:33 | رقم المشاركة : 2 | |||
|
امممم زقزوقتي روووعة بسيطة و جيلة كيما نتي والله قمة روووعة كالعادة دمتي متالقة |
|||
2016-06-13, 09:59 | رقم المشاركة : 3 | |||
|
السلام عليكم و رحمة الله تعالى و بركاته
مممم ما شاء الله عليك أختي رزيقة ربي يأجرك على المجهود لبدلتيه الله يدوم عليكم النعم و يحفضها من الزوال أمين ربي يوفق و بالنجاح
|
|||
2016-06-13, 10:01 | رقم المشاركة : 4 | |||
|
سلام عليك |
|||
2016-06-13, 10:36 | رقم المشاركة : 5 | |||
|
يعطيك الصحة رزيقة كلشي رووووووعة موفقة إن شاء الله |
|||
2016-06-13, 11:06 | رقم المشاركة : 6 | |||
|
ما شاء الله عليك أختي |
|||
2016-06-13, 11:23 | رقم المشاركة : 7 | |||
|
ماشاء الله رزيقة حلاوتها في بساطتها بالتوفيق |
|||
2016-06-13, 11:33 | رقم المشاركة : 8 | |||
|
اااممممممم رزيقة كلش يشهي بالتوفيق ان شاء الله |
|||
2016-06-13, 12:42 | رقم المشاركة : 9 | |||
|
السلام عليكم |
|||
2016-06-13, 12:46 | رقم المشاركة : 10 | |||
|
|
|||
2016-06-13, 12:55 | رقم المشاركة : 11 | |||
|
الله يبارك رزيقة |
|||
2016-06-13, 12:59 | رقم المشاركة : 12 | |||
|
ماشاء الله طبخك يشهي |
|||
2016-06-13, 12:59 | رقم المشاركة : 13 | |||
|
يعطيك الصحة رزيقة أطباقك تحفة بالتوفيق |
|||
2016-06-13, 13:37 | رقم المشاركة : 14 | |||
|
يعطيك الصحة، ختي، موفقة انشالله. |
|||
2016-06-13, 13:48 | رقم المشاركة : 15 | |||
|
ما شاء الله بالتوفيق |
|||
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc