تارت الشكولا البسيطة و السهلة و البنينة من مطبخي

[walido2011]

السلامعليكم
اليوم جبتلكم وصفة التارت الشكولا كنت عملت وحدة من قبل لكن هذي مختلفة سهلة بزاف و بسيطة جدا و بصراحة غير تعملوها تخلاص في يومها و نشالله تعجبكم



المقادير :
5 بيضات
2 كيسان سكر
كوب غيرربع زيت
ملعقة صغيرة خل
كوب حليب
ملعقة صغيرة بيكربونات
ملعقة كبيرة خميرة
نص كالس كاكاو
2 كيسان و نص فرينة
ملعقة صغيرة فاني

غلاصاج الشكولا:
طبلات شيكولا
2 علب دانيت شكولا

الطريقة :
ننخل الفرينة مع الكاكاو مع الخميرة و البيكربونات، نحط البيض السكر الخل و الفاني في الخلاط ونديرو على السرعة العالية و نخليه حتي يطلع و يبياض مليح، من بعد نضيف الزيت و بعدها الحليب و في الأخير نضيف خليط الفرينة و الكاكاو و الخميرة و البيكربونات بلعقل و نخلط بملعقة بلعقل، نحطها في مول م دهون مليحو مرشوش بالفرينة، و ندخلها تطيب على درجة 180، لمدة 35 حتى 40 دقيقة كل واحد و الفرن تاعو، المهم نتوما دخلو موس و شوفوها إدا طابت.
نخليها تبرد مليح، هنا هاد المرحلة اختيارية لي يحب يخليها ناشفة يخليها و الي يحبها شويا مشمخة يدير كيما درت قسمتها على 2، و درت نص كاس سكر مع كاس ماء و خليتهم يغلو مدة 5 دقائق و بعد ما بردت التارت شمختها.
نذوب الشيكولا و نضيفلها 2 دانيت الشيكولا و نخلط مليح حتى تولي ليس، نحشي التارت ب الشيكولا من الداخل، و نزيد نطليها كامل من برا،و في الأخير كل واحد واش يحب يزينها أنا درتلها جوز الهند، ممكن ديرولها الكاكو المحمص و المرحي خشين جي بنينة تاني.

شوفوها من داخل



نشالله تعجبكم