السلام عليكم و رحمة الله تعالى و بركاته
نتمنى راكم كامل بخير و ان شاء الله تفرج على كل واحد
في الاول اردت ان افسر لماذا قمت بإخيار هذا العنوان
الخدمة الوطنية تعتبر العقبة الاولى في وجهة اي شاب مقبل على عمل او بعد التخرج المهم منين تروح لازم تكون بالرغم من سحبها في مسابقاتالتوظيف عامة الا ان يتوجب عليك ارفاقها بالملف ادا كنت من الناجحين - تسمى مانحاوهاش مجرد ذر الغبار فالعيون - المهم انا كنت من ضحايا هاته الخدمة او هاته الورقة منذ تخرجي من الجامعة سنة 2010 ...
المهم هنا اردت ان اسرد حكايتي او اقول رحلة و ما ادراك ما هي ؟ عانيت فيها الامرين وصل بي الامر الى ان اصبت بالقولون العصبي من كثرة القلق و التفكير في الحل و السبيل اليه
بادئ الامر كنت من المنسيين و لكن عندما تخرج للواقع المر يجب تسويتها هنا لاحت لي فرصة عمل و لكن يجب كما اسلفت بالذكر ان ترفق هاته الوثيقة بملف الناجحين ..
تقدمت لمكتب التجنيد بقسنطينة سنة 2012 شهر اكتوبر لدفع شهادة التخرج و الحصول على تأجيل من اجل المشاركة و التقدم لتلك الوظيفة - و يا ليتني لم اقم بها - لماذا ؟ لانني هنا اقدمت على تغيير وضعيتي من منسي الى لائق للخدمة الوطنية
المهم حصلت على التاجيل و قمت بالتقدم للوظيفة ...
هنا عند انتهاء مدة التاجيل وصلني استدعاء الالتحاق الاول و الثاني و في الاخير ** أمر بالالتحاق ** او سيكون مصيري دخول العصيان و بالفعل مادرتش عليهم لانه كان لدي عمل و مسؤوليات كيف لاذهب لكل تلك المدة علابالي بلي رايحة تروح بلا فايدة و اترك كل شي ورائي لانه هنا كان مستقبلي يتوقف على عملي هدا و وضعيتي الحالية ؟
هنا كانت الحشوة الثانية بالرغم من كل ذلك لانو ماتقدر تخرج ماتحوس ما والو ملي تخرج و انت يديك على قلبك يهزوك يحكموك ... المهم لم يكن لي اي شي و لكن بعد مرور سنة وصلت الى امر انه يجب تسويتها هكدا و لا هكدا هنا بديت نحوس من واحد لواحد و تحير انسان من فاميلتك و مايدير والو تجري ليه تحاول معاه مي والو - ن***ك العايلة -
المهم درت كفالة و رحت للكازيرنة بالضبط المعتمدية في البليدة ... زعما رايح ندخ بامر الالتحاق هداك بصح المشكل منين وقفت و شفتها تما قلبي حبس - هاته المدرسة كانت السنة الاولى لي تفتح كانت مركز تكون لضباط المعتمدية cfti - المهم كي تشوفها زريبة يا زحي الحيوان مايقدرش يعيش تما حشاكم .. المهم نهار وصلت لتما التليفونات و الناس لي وعودوني واحد مالقيتو لي نعيطلو مكانش مغلوق و لا ما يردش المهم هنا كان وليد البلاد يخدم تما عيتلو في اخر لحظة و الحق وعدني و كل شي بلي يقدر مي مانكدبش ماهناتش روحي و قلت ساهلة المهم قالي ولي بعد سمانة و ندخلك و تخرج فائض المهم كانت تحويسة سمانة فالعاصمة من بلاصة لبلاصة و فالاخير روحت للدار.. في يوم الجمعة على 11.30 عيطلي قالي لازم تجي اليوم باه تدخل غدوة و لا يغلقو البيبان ايا قلتلو بارك الله فيك و شكرا يا خويا تاع الصح لقيتها فيك و مافي وحد من عيلتي و لا لي وصلتهم من طريقهم و لا واحد بخلاف .. تما قفلت على تخمامي و قلت خلي منين راشية تتقطع .. من بعد فاتو شهور و خرجت عاصي هنا كمان تخفيض مدة الخدمة تما ولا لي القلقة و التخمام كيفاه تما مرضت تاع الصح قريب هبلت لانو التحريكة ماكانش تما نويت بلي نروح للمحكمة العسكرية بأعالي قسنطينة -- شفتو كي توالي و تخليها على ربي و دعوات الوالدين - هكاك صراتلي انو بمجرد نهار رحت للمحكمة صبت وحد جاري يا خوتي جاري و يخدم ممرض و فقط يعني مايكلش مع وجوه الهم المهم هداك تلاقيتو مورا ما حكمت موعد دفع ملف الكفالة .. المهم نهخار وصل التاريخ رحت و فت على الاجراءات كامل - نحي التليفون و طفيه، و فوت على السكانير ... المهم لازم تضرب الدوا و تدخل باه مناتشوفش العيب و التطياح شياب و كبار و العيب لي يخرج يا لطيف تقول كلاب قدامهم الكرف .. المهم كون تدير عليهم تدابز و تعشي فالسيلونة و هنا لي كرهتالكلمة هادي و لا الوثيقة هاذي ... المهم فت و دخلت للزريبة هادي قاعة تهز 30 هوما حاطين فيها 100 -_- شغل اسطبل يا زحي .. المهم ستنيت حتى جا وقت دفع الملف و هدا شاف سيرفيس تاكل فيه مافهمتش كي يرجل علاه -_- طيط مو .....المهم فت و حكمو عليا الكفالة كي فت عن وطيل الجهورية لدى المحكة العسكرية قالي ماش فلابل الدوسي تاعي لانو كي تشوف صح معدا انو انا الكبير فالاخوة و عندي خويا دركي مي ماقلوهاش المهم شاف معايا قالي دير خيرة تاع العينين ( كنت حاط النظارات و نظري ناقص 15/20 بكلتا العينين ) المهم هنا خرجت و استنيت حتى 15.45 من ال 9 صباحا لا ماكلة لا دخان الما و ماكاش يا عجابة يا ربي ... المهم روحت و نهار نويت نروح للمستشفى العسكري خليت روحي نستنى وحد الشهر لانو بحكم معرفتي بهدا الجار قالي نشوفو كيفاه .... نهلار رحت ياربي وحد النص ساعة هزلي القيس و قالي ربي يسهل الطبيب... هنا خرجت وكنت نتمنى نعرف مي حتى نهار وصل موعد العودة للمحكة للقرار النهائي من زهري هداك الشهر كل من فات على المحكة داها كامل ... المهم رحت و دخلت و استنيت حتى عيطولي و تما المفاجاة الكبرى انه لم يتم قبولي بسبب ضعف النظر ... تما وحد الراحة نزلت مانحكيش خرجت و مشيت لمكتب التجنيد دخلت و مديتلو الظرف البريدي هداك قالي زعما تفتحوش مي صح مافتحتوش لانو كي مدولي قالي مبروك عليك ... المهم مديتو فالشباك هداك كلي ماشتاش يا زحي بالتشناف قالي هات شهادة ميلاد و 2 صور شمسية ايا مديتهملو و قلتلو في قلبي ****** المهم رحت استنيت و صح تبدلت العقلية تما على لي كانت لانو صح تهلاو فالشبيبة و القدر و كل شي على لي كانت عليه العوام لي فاتت .. المهم وحد الساعة و جابهم و جا تما كي عيطلي و قالي هاك ... ماصدقتش عينيا خرجت نجري هكداك في نهار كان الثلج و البرد و النو و حمدت ربي على خيرو و مازالني نتفكرو مليح 25/02/2015 المهم تهنيت صح و رتحت من عزيرنها
المهم يا الخاوة ان شاء الله ان طولت مي تاع الصح تمرض هاني بعد علم ماتبدل والو بيها و لا بلابيها تما تعرف بلي اي مغشوشة لانو هي برك تكبل يديك ومخك و عقلك
فالاخير ربي يفرج على كل واحد و صح لعدويا ومانرضالوش يروح
سلام عليكم
( تقرير عن مشاركة سيئة )، و الموجودة أسفل كل مشاركة .
2016-04-07, 14:19
رحلة البحث عن الامل المغشوش
العرض العادي
