أنا رجل 34 سنة تاجر و ميسور الحال , كنت قد تزوجت بامرأة لمدة 6 سنوات ككرهتلي حياتي كانت سحارة تسحرني و خسرتلي علاقاتي مع اهلي و اصدقائي و خلاتني عبد عندهاو الحمد لله طلقتها و تهنيت منها لكنها خلاتلي صدمة و كرهت النسا , تكفلت يما بزواجي للمرة الثانية و خطبتلي بنت صغيرة 19 سنة , انا ما شفتها ما حوست عليها لاني كنت كاره , و كي شفتها صعقت ماشاء الله عليها قمر بصح باين لي تزوجتني ذراع عليها خاطرش عايلتهم فقراء و زوجوها بيا فقط ليرتاحوا من مسؤوليتها , ضرك راهي في داري و راني فرحان بيها بلبزاف بصح مشكلتي ماناش عايشين كزوجين لانها صغيرة و مانيش حاب نجبرها على شي مراهيش حاباتو خاصة و انها ديما تبكي خفية عني , و شي لي نطلبو ديرو بهدوء , هي امراة كاملة من كل النواحي عاقلة و راكزة و زينة بزاف و الكمال لله . حاب تقولولي وش ندير معاها باه نخليها تحبني و تقبلني كزوجها لاني كبير و حاب نجيب اولاد و ايضا حبيتها و منيش حاب نطولو هاك .
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية