قصتي مع الخدمة الوطنية اقرأها بموضوعية

[just do it]

السلام عليكم


الخدمة "الوثنية" او الخدعةالوطنية او سمها كما شئت
اولا كلنا يعلم انها هاجس كل الشباب
ثانيا الكل يرغب في الاعفاء
ثالثا الكل يعلم انها خدعة ومضيعة للوقت
رابعا كلنا يعلم ان ابناء فلان وعلان لا يؤدونها
خامسا كلنا يعلم ان هناك ممن ليس من ابناء فالن وعلان واستفاد من الاعفاء
باختصار بالاقرار بكل المعطيات السابقة والتيقن بها لكن هذا لا يفيدك في شيء ما تعتقده يجب ان تستفيد منه
فانا لطالما كنت اشجع على تسوية الوضعية ولكن معظم من هم في داخل القسم خصوصا والجزائريين عموما ليس لديهم رؤية واقعية , نعم انا ابن رجل بسيط واتهموني بالشيتة والمبريزي واني فوتها حاب الناس قع تفوتها والكذاب ووو حتى تركت القسم نهائيا لاني لا احب الجدال العقيم الذي بدون فائدة وانا ماذا ساستفيد حين تذهب انت الى الخدمة انا حتى لا اعرفك , الصراحة اننا نحن الجزائريين نحب من يخادعنا ويكذب علينا ويحشيلنا بالعامية نعم هذا هو الواقع نتتبع كل صغيرة وكبيرة عن الاعفاء والادماج ومناصب شغل ووو وكلها كذب في كذب ولكننا نصدقها
هناك من هو يجري وراء الاعفاء ونعم تحصل عليه ولكن بعد كم من الزمن حتى بلغ الثلاثين شاااارف ولم يبدا عالم الشغل بعد ويقول لك لقد نجحت ههههه والله يضحك على نفسه انا افضل اني اؤديها وعمري 21 سنة وابحث عن عمل وامشي وراسي مرفوع على ان اعيش طيلة حياتي في قلق وخوف من الدرك وكل يوم اقول هذا يومي الاخير وكما قيل الشجاع يموت مرة لكن الجبان يموت الف مرة
المهم حتى لا اطيل نظرتي الى الخدمة الوطنية كانت ولازالت كالاتي
اذا كنت تملك ملفا طبيا فاخرها واهرب
اذا كنت تملك معريفة قوية فاخرها واهرب
اذا كنت تملك ملفا عائليا فاخرها واهرب
اذا لم تكن تملك ايا من هذه الثلاث فانصحك ان تذهب عند اول استدعاء
قصتي اني من مواليد 1989 جامعي لما انهيت دراستي توجهت الى مركز الخدمة ووضعت وثائقي باني انهيت دراستي فارسلو لي الاستدعاء , لا احد ايد قراري ولكن قراري لا رجعة فيه حتى انه كان هناك مساعد في المركز قال لي اذهب حتى تجيك وحدها فقلت له لا امسك الشهادة وارسلي في اقرب وقت
اصدقائي كلهم اعتبروني غبيا واحمقا ولكن لما انهيتها اعتبرو انفسهم هم الاغبياء وكلهم اليوم عصاة ولا روشارشي
دخلت الخدمة وتعرفت بناس وعرفت صوالح بزاف واليوم لدي قرابة السنتين منذ خرجت مع العلم اني اديت عام ونصف اليوم راه عام وراتب جيد مقارنة بنا
بعد خروجي مباشرة استدنت مبلغ مالي واشتريت سيارة واشتغلت كلوندستان كذلك ولا احد ايد قراري والكل قالو لي راك تشكل جامعي وتخدم الكلون لازم تخدم عند الدولة ولكن قراري لا رجعة فيه لاني صراخة اخطط بالقلم والورقة ايجابيات وسلبيات اليوم بعد مرور عامين منذ انهيت الخدمة الوطنية لدي سيارة بقيمة 90 مليون باسمي والحمد لله والافضل في هذا اني نمشي اين اريد دون ان اخاف من حاجز ونفسيتي مستريحة مشي كل يوم ذاهب راجع الى المراكز اتتبع الاقوال
الخلاصة اني افضل ان اضيع عام ونصف واليوم راها غي عام على ان اهرب سنين وسنين حتى اذا وجدت منصب عمل لا تستطيع شغله
ملاحظة اصدقائي كلهم لم يؤدوها ولليوم هم بدون عمل وعصاة ويرغبون في تاديتها ولكنهم لا يستطيعون لانهم ببساطة مثل اكثركم ينتظرون الاعفاء نظن ان بوتفليقة سيعفو علينا كلنا ويترك الجيش فارغ
وفي الاخير هي شر لابد منه ولا اتمناها لاي احد ولكن الباب الي يجيك منو الريح سدو وستريح وكما قالونا فالعسكر الي فوتها راجل والي مفوتهاش وداها باردة راجل ونص
ربي يسهل على كل واحد ولكن ربي اكرمك بالعقل ففكر به ولا تستمع الى المحبطين من حولك
والسلام عليكم

[86pop]

كل واحد و ظروف ديالوا اخي

[moh ag]

معك حق أخي أتفق معك تماما أنا أيضا قررت أن أذهب رغم أني لا أملك أي ملف ولا معريفة لكن قررت أن أتخلص من هذا الهاجس

[just do it]

المشاركة الأصلية كتبت بواسطة 86pop

كل واحد و ظروف ديالوا اخي

انا لم اقل الكل وان كان حتى الذي بظروفه في بعض المرات يجب تسوية وضعيته لانه في نهاية المطاف لن يستفيد شيئا
اتمنى لكل جزائري مسلم ان يتحصل عليها ببرودة ولكنكم تعرفون ان هذا مستحيل

[abdou.wwe]

أكبر حشوة في حيات الإنسان الجزائري البسيط

[أحمد زابانة]

كل واحد و قناعاته أخي .... هناك من يفضل العيش وحيدا و أكل الخبز و الماء طيلة فترة انتظار الإعفاء الذي لابد منه طبعا ... و عندما يحصل على الإعفاء اللهم عمره 40 سنة لم يندم لأنه لم يذهب لتأدية الخدمة الوطنية .... فهي قناعة قبل كل شيء .... و يقولون قعدة برة طول حياتي فالحشيش خير من نجمة يوم فالجيش ....خخخخخخ

[karimjsp]

الاخ الفاضل juste do it
اولا هذه خدمة عسكرية و ليست وطنية ( من يخدم الوطن ليس فقط عن طريق الجيش)
وهل الوطن في حرب حتى نخدمه في الجيش
ثانيا انا استنيا تقول بلي رام عقبتيها و راك في منصبك تخدم و مرسم بمستواك
ثالثا في الوقت لي كنتي تعقب فيها تحكمو ليبوست و كي كملت قالك ماكنش خدمة و انت قلتي بلي صحابك ما عقبوش و هاربين و بلا خدمة حتى انت راك بلا خدمة
ولا عقبيتها باه تبوجي بحرية في بلادك يخي رانا احرار في بلاد الحرية هههه

[جمعي البشاري]

الرزاق هو الله يعني الخدمة مكاتيب قادر ماتفوتهاش وماتلقاش
لي خلق مايضيع
ولكن تبقى دكرى وتجربة لا تنسى وفيه دخل جيد مقارنة بالانام وسنة فقط ... اعتبرها استجمام واستكشاف
بارك الله فيك

[just do it]

المشاركة الأصلية كتبت بواسطة abdou.wwe

أكبر حشوة في حيات الإنسان الجزائري البسيط

اعلم هذا ولا انكره ولكنها شر لابد منه ومن لديه حل فليتفضل مشكورا

[just do it]

المشاركة الأصلية كتبت بواسطة karimjsp

الاخ الفاضل juste do it
اولا هذه خدمة عسكرية و ليست وطنية ( من يخدم الوطن ليس فقط عن طريق الجيش)
وهل الوطن في حرب حتى نخدمه في الجيش
ثانيا انا استنيا تقول بلي رام عقبتيها و راك في منصبك تخدم و مرسم بمستواك
ثالثا في الوقت لي كنتي تعقب فيها تحكمو ليبوست و كي كملت قالك ماكنش خدمة و انت قلتي بلي صحابك ما عقبوش و هاربين و بلا خدمة حتى انت راك بلا خدمة
ولا عقبيتها باه تبوجي بحرية في بلادك يخي رانا احرار في بلاد الحرية هههه

سمحلي خويا بصح رك غالط مركش دور بحرية بدليل انك وينما تروح خصك العسكر وكالي رفدوه فلبراج انا تلاقيت زوج اباؤ فالمحكمة العسكرية ولادهم رافدينهم ف براج
زيادة الخدمة مكن حتى وحد خدم من صحابي راهم قع لانام وانا رني لانام
والخدمة مكتوب بيد ربي فوتت العسكر ولا لاالا ولكن الواحد يدير الاسباب ,ديجا كانو معانا زوج رابحين كونكور عند بريفي وكي جات للعسكر مكنش بدلوهم
انا فضلت اني نفوتها لاني لست مثل اغلبكم يستنا غي الخدمة عند الدولة ولا مكنش ياربي لوكن يعيش مرمد عند الدوله بمليون وميخدمش عند روحو انا كان لدي مشروع طاكسي والحمد لله خدمت كلون بصح حققت مرادي
والصراحة اللي مبغيتش نقوللهالكم على الخدمة اني نجحت ف هذ الكونكور تع هذ العام معلم ابتدائي لاني كنت ماجور د برومو هاهي جات ساهلة والحمد لله باه رني نقولك الارزاق بيد الله
ملاحظة شكرا على النقاشات والردود الايجابية لان فوحد العام ردود جاهلة كنت اتلقاها غير مؤسسة على كلام منطقي
وتبقى كل واحد ونظرته وليس وظروفه لان حتى واحد مبغى العسكر

[just do it]

المشاركة الأصلية كتبت بواسطة أحمد زابانة

كل واحد و قناعاته أخي .... هناك من يفضل العيش وحيدا و أكل الخبز و الماء طيلة فترة انتظار الإعفاء الذي لابد منه طبعا ... و عندما يحصل على الإعفاء اللهم عمره 40 سنة لم يندم لأنه لم يذهب لتأدية الخدمة الوطنية .... فهي قناعة قبل كل شيء .... و يقولون قعدة برة طول حياتي فالحشيش خير من نجمة يوم فالجيش ....خخخخخخ

اخي متحكيليش على واحد كمل قرايتو مولا 28 ولا 29 عام هذك حاجة بينا يهرب ختى 30 انا اتحدث عن الصغار عامة انا لما كملت الجامعة كان عمري 22 سنة يعني باقيلي 8 سنين اذا ربي حييانا فانا قناعاتي اني اضحي ب عام ونص على ان اخسر 8 سنين هارب مقلق خايف مخدام لا عند روحك لا عند الدولة تتجول دائما ف النت والجرائد تبحث عن الاعفاءات تخسر كل خطرة دراهم ونت طالع لا ريجيون باه تشوف ,,ووووو وش من معيشة هذي وفي الاخير احتمالية انك تفوتها والله صدقوني اغلب الي كانو معايا يفوتوها 27 عام وكاين 28 وكاين 29
علاه بيك ؟
ومن قال لك غير نادم انه تفكير سلبي نعم هو غير نادم لانو مفوتهاش نججح ولكن لم يندم على السنين التي ضيعها
اما عن نجوة فالجيش ,,,, هذيك ياخويا للي اكتيف يعني خدام وان كان اكثر من يقولها منا غي يمني روحو لانو ملقاهاش برك الي ميصولش للعنقود يقول حامض
وفي الاخير ليس كلها وقناعاتو وانما كلها والمحيط الي عايش فيه لاننا منفكروش بانفسنا نديرو على هدرة الناس اكثر لاننا نشوفو وحد ف الالف عفاو عليه قع نبغيو يعفيو علينا

اشكرك كذلك على الرد الايجابي اخي
وشكرا لكم
والله غرضي النصح فقط لان انا الحمد لله تحشاتلي ولا متحشتليش خدعة ولا مش خدعة انا عارف قبل كل شيء انها مكتوب ربي وقدر الله خير من دك الي مدار والو وجبر روحو فالحبس ههه وراهم كاينييين بزاف ووالله كي تنحيها تحس روحك الاااااز
انا كما قلت كذلك كانت عندي مشاريع خاصة مطمعش عند الدولة صح نشارك بصح نبغي ندور باه نخدم عند روحي بغيت كي نقلع منحبسش على جال العسكر
والحمد لله راني استاذ درك والعاقبة ليكم نشالله باه قلتلك ديرها فيد ربي والله متخف تيقن ان الله كاتبلك كلشي واذا ره كتبلك باه تفوتها والله الظيم غي تفوتها ولوكان تكوةن ولد القايد واذا كتبلك متفوتهاش واللله متفوتها ولوكن يرفدوك من الدر هذي انا الي نعرفها مليح

[just do it]

المشاركة الأصلية كتبت بواسطة جمعي البشاري

الرزاق هو الله يعني الخدمة مكاتيب قادر ماتفوتهاش وماتلقاش

لي خلق مايضيع
ولكن تبقى دكرى وتجربة لا تنسى وفيه دخل جيد مقارنة بالانام وسنة فقط ... اعتبرها استجمام واستكشاف
بارك الله فيك

بارك الله فيك هذي الي بغيت نوصلها بصح للاسف الشباب حاسبين قع دوك يعفيو عليهم اذا عفاو على الف تفوتها 10 الاف
وربي يوفق كل واحد
امين وصحا فطوركم

[Amer 18]

المشاركة الأصلية كتبت بواسطة just do it

اخي متحكيليش على واحد كمل قرايتو مولا 28 ولا 29 عام هذك حاجة بينا يهرب ختى 30 انا اتحدث عن الصغار عامة انا لما كملت الجامعة كان عمري 22 سنة يعني باقيلي 8 سنين اذا ربي حييانا فانا قناعاتي اني اضحي ب عام ونص على ان اخسر 8 سنين هارب مقلق خايف مخدام لا عند روحك لا عند الدولة تتجول دائما ف النت والجرائد تبحث عن الاعفاءات تخسر كل خطرة دراهم ونت طالع لا ريجيون باه تشوف ,,ووووو وش من معيشة هذي وفي الاخير احتمالية انك تفوتها والله صدقوني اغلب الي كانو معايا يفوتوها 27 عام وكاين 28 وكاين 29
علاه بيك ؟
ومن قال لك غير نادم انه تفكير سلبي نعم هو غير نادم لانو مفوتهاش نججح ولكن لم يندم على السنين التي ضيعها
اما عن نجوة فالجيش ,,,, هذيك ياخويا للي اكتيف يعني خدام وان كان اكثر من يقولها منا غي يمني روحو لانو ملقاهاش برك الي ميصولش للعنقود يقول حامض
وفي الاخير ليس كلها وقناعاتو وانما كلها والمحيط الي عايش فيه لاننا منفكروش بانفسنا نديرو على هدرة الناس اكثر لاننا نشوفو وحد ف الالف عفاو عليه قع نبغيو يعفيو علينا

اشكرك كذلك على الرد الايجابي اخي
وشكرا لكم
والله غرضي النصح فقط لان انا الحمد لله تحشاتلي ولا متحشتليش خدعة ولا مش خدعة انا عارف قبل كل شيء انها مكتوب ربي وقدر الله خير من دك الي مدار والو وجبر روحو فالحبس ههه وراهم كاينييين بزاف ووالله كي تنحيها تحس روحك الاااااز
انا كما قلت كذلك كانت عندي مشاريع خاصة مطمعش عند الدولة صح نشارك بصح نبغي ندور باه نخدم عند روحي بغيت كي نقلع منحبسش على جال العسكر
والحمد لله راني استاذ درك والعاقبة ليكم نشالله باه قلتلك ديرها فيد ربي والله متخف تيقن ان الله كاتبلك كلشي واذا ره كتبلك باه تفوتها والله الظيم غي تفوتها ولوكان تكوةن ولد القايد واذا كتبلك متفوتهاش واللله متفوتها ولوكن يرفدوك من الدر هذي انا الي نعرفها مليح

3andek lhak khouya,lwahed ki ykhalls kraya 3la bakri yfawathe khir ..Manchoufouch hna l weld flan may3agabch wana n3agab parce que koullach ydour 3lik fi la fin w talga arouhak bla biha matakder dir walou..hada ila habbit takhdem 3and doula bien sûr..w koul wahed w dourouf dialou hadi bayna....khouya ana ngoullak mabrouk 3lik le poste w 3oukbal l ma khir nchallah..w nchallah khir l koul la jeunesse algérienne...saha ftorek

[just do it]

amer 18
بارك الله فيك هذي هي الناس الي مغلطتها يشوفو لفلان داها باطل يقولك والله منفوتها حتى انا
ياو ديرو حاجة في بالكم الدولة والله مخسرا معاك اليوم تخليك نتا تجري باه تمشي تفوتها تطلقلك لحبل وكي تجبدك تمرمدك
الحمد لله الذي يسرني لاتخاذ القرار الصحيح اليوم عامين ملي خرجت والي كانو فهاذ القسم منذ سنين مزالهم هنا يحوسو على الاعفاء

[عبد الغني زين]

لا حول ولا قوة الا بالله