لي بغات دعوة خير تدخل و تساعدني

[himoprence]

السلام عليكم
عقدتي سلاطة الارز بالرغم تعجبني بزاااااف مي جامي تصلحلي،جربتها شحال من خطرة وواااالو مافهمتش وعلاه
تعيشو و ربي يحفظكم لي عندها وصفة مضموووونة تعطيهالي و راح ندعيلها
و ثاني فينيقرات اديرها مرت سلفي بالخيار لمبصح مش حابة تعطيلنا الوصفة الصحيحة كل خطرة تخرط علينا
ربي يحفظكم و يوفق وليداتكم في دراستهم جاوبوووني

[*وردة الشرق*]

ان شاء الله تصلحلك قوليلي كيفاش راكي تحضري فيها ممكن نساعدك اختي بادن الله

[himoprence]

المشاركة الأصلية كتبت بواسطة زينب66

ان شاء الله تصلحلك قوليلي كيفاش راكي تحضري فيها ممكن نساعدك اختي بادن الله

ربي يحفظك اختي زينب نغلي الروز و نضيف للماء ملح و زيت ولمبعد نفورو و نظيفلو المايونيز و الطون و فينيقرات هدا ما كان

[*وردة الشرق*]

شوفي حبيبتي هي بالتقريب نفس طريقتي لكن الروز طيبيه مليح وخليه يقطر نهائيا من الماء يعني حتي ينشف خلاص
ديري صوص فينيقرات لكن ما تكتريش لازم يكون المايوناز اكتر بكتير يعني تحطي المايونيز وتخففيه شوية برك بلاصوص لانو كون ديري لاصوص اكتر رايح يجيك مفرق على بعضاه وفي السلطة هده المايونيز هو اللي يلمها وزيدي معاه حبة بيض مسلوقةو مبروشة في السكرفاج الرقيق وبادن الله تنجحي فيه
ممكن تضيفي جزر مفور ومقطع رقيق وخيار وبصل ايضا يضيفولو نكهة رائعة ادا ما فهمتينيش نعاود نشرحلك اختي ممكن احنا اللهجات تاعنا يختالفو

[أم فاطيمة]

شوفي اختي
غلي الروز نتاعك مليح و من بعد شليه بالماء البارد و خليه يقطر و تقدري تغلي معاه حبات جلبان زروديو
مقطع صغيرة بطاطا كذلك و تخلطي لفنيقرات خل و ملح وزيت زيتون بصح غير شوي
و من بعد ديري المايونيز و لميه بيه و بصحتك

[himoprence]

المشاركة الأصلية كتبت بواسطة زينب66

شوفي حبيبتي هي بالتقريب نفس طريقتي لكن الروز طيبيه مليح وخليه يقطر نهائيا من الماء يعني حتي ينشف خلاص
ديري صوص فينيقرات لكن ما تكتريش لازم يكون المايوناز اكتر بكتير يعني تحطي المايونيز وتخففيه شوية برك بلاصوص لانو كون ديري لاصوص اكتر رايح يجيك مفرق على بعضاه وفي السلطة هده المايونيز هو اللي يلمها وزيدي معاه حبة بيض مسلوقةو مبروشة في السكرفاج الرقيق وبادن الله تنجحي فيه
ممكن تضيفي جزر مفور ومقطع رقيق وخيار وبصل ايضا يضيفولو نكهة رائعة ادا ما فهمتينيش نعاود نشرحلك اختي ممكن احنا اللهجات تاعنا يختالفو

شكراا حبيبتي الشرح واااضح تسلمي ،ربي يباركلك في وليداتك و يفرحك بيهم و يوفقهم في قرايتهم انشاء الله

[himoprence]

المشاركة الأصلية كتبت بواسطة أم فاطيمة

شوفي اختي
غلي الروز نتاعك مليح و من بعد شليه بالماء البارد و خليه يقطر و تقدري تغلي معاه حبات جلبان زروديو
مقطع صغيرة بطاطا كذلك و تخلطي لفنيقرات خل و ملح وزيت زيتون بصح غير شوي
و من بعد ديري المايونيز و لميه بيه و بصحتك

بارك الله فيك على الاجابة مشكووورة حبيبتي و ربي يحفظلك فاطمة و ينجحها

[هبة الرحمان انشراح]

اختي نمدلك طريقتي في طياب الروز معتمدتها ووارثتها من عند لميمة كل كاس روز معاه كاسين ماء حبيتي اتديري معاه الخضر كيما قالولك الاخواة ولا لا المهم ديريه في لاكوكوت مع زيت ومللللللللللللح واغلقي عليه لما تصفر الصفارة نقصي عنو اي خلي النار هافتة جدا وخليه مدة 20 دقيقة بالضبط لا زايد ولا ناقص ولما تفتحي عليه ما اتحركيهش حتان يبرد ومن ثم استعملي اللي تحبي معاه طون او مايونيز اوسردين وبالتوفيق ان شاء الله وسلفتك الله يهديها الله يرحم من نفع واستنفع

[حنان السنين]

شوفي هادي لقيتها في الفايس بوك و جربتها و خرجت هايلة https://store1.djelfa.info/vb/2015-05/1431435860863.jpg https://store1.djelfa.info/vb/2015-05/1431435866765.jpg انتمنى نكون ساعدتك

[ام ايمان16]

بالتوفيق في تحصيرها

[أمنية غفران]

مرحبا أختي البنات كفاو او وفاو صحيتو كامل حبيباتي
طريقتي كيما الاخت زينب
تحياتي