مساعدة في اقرب وقت

[اسيل الجنة]

السلام عليكم ورحمة الله تعالى وبركاته
واش راكم جماعة الباك لاباس
حبيت نسقسيكم و نتمنى تعاونوني
انا قبل ما نرجعو نقراو كنت نسهر اخر و كانت العزيمة قاوية اخر
مي بعد ما رجعنا لا نقاط تبشر بالخير و الأستاذة ينشعو فينا
طيحولنا المورال و بعضهم طلعو لنا المورال
لا علينا و انا كنت من النوع اللي يسهر بزاف بصح ليام هدو مانجمتش نسهر وليت العشرة نحب نرقد و الصباح نصلي نرجع نرقد
اعطيوني الحل
الباك قرب و الإرادة نقصت و النعاس غلبني مالقيت بيها وين

[sousou toutou]

ولله اختي واش نقلك غير رانى كيف كيف في اول العام وبداية الثلاثي الثاني كامل ناشطين ونقراو بالنفحة ولاقيين رواحنا غير كملت الاختبارات لولا بدا الفشل وبالرغم الضغظ كاين الا انو لازم ديما نتذكر عدد الايام الي مزالو نلقاهم مايسحقوشي باش نفشل ونتفكرو ثقة نتاع والدين ونتفكرو الاشتهاد نتاع اول العام كامل يغيضنا بش نفشلو عن هكا ننشطو شوي فيكي ديري طريقة هاذي وكل ماتحسي فشلتي استرجعي الكلمات هادم هه مقاومة النعاس يلطيف مانقدهاشي بسح لازم المنبهات لولاها كنا راقدين ديما وبالتوفيق والنجاح لينا كامل

[آلم̝̚عﭠم̝̚ﮃ علے آلله]

سلآم عليكم ورحمة الله ...~..~

أولآ عليك أن تعرفي نقطة مهمة وهي ان جميع التلاميذ في هته المرحلة يشعر بالتعب حتى ومن لم يدرس العام كله
ولذلك تعتبر هته المرحلة الأخيرة المرحلة الحاسمة ، لأنه يمكن لأي شخص أن يتدارك فيها كل ما فاته بل ويتفوق حتى
ولكن هذا فقط اذا تجآوز الحاجز النفسي الذي تشعرين به حاليا ويشعر به الجميع ، نظمي وقتك واستغليه أحسن استغلال
وضعي دآئمآ هدفك آمآم عينك ،،، وستصلين ان شاء الله الى مرآدك ،، موفقه ان شاء الله

[اسيل الجنة]

بارك الله فيكم
ان شاء الله راح استفيد من نصائحكم
ربي ينجحنا كامل
شكرا

[اميرة قلبي]

تخيلي اختي أنو الاضراب دام ستة اسابيع و بلا أسبوعين الخاصين بالعطلة ، و مع ذلك لم أدرس شيئاً يذكر ، كنت أحل تمارين و أدرس بطريقة عشوائية لدرجة أنني لا أعرف ما راجعت و ما لم أراجع ، بدأت بالنهوض باكراً هذا الأسبوع احيانا على 5 و احيانا على الرابعة ، و لكن النعاس ف القسم كان يتمكن مني ، لدرجة أني كنت أكتب و عيناي مغمضتان ـ و أتخلف عن المدرسة في المساء و أنام لشدة التعب الذي اهلكني . أعلم بان هذه فرصتي الأخيرة في تنظيم نفسي و دراستي رهنٌ لها لذلك أنا احاول ان ادرس بالوحدات و احل جميع بكالوريات الوحدة الواحدة ، دقيقة أعطيك شرح مفصل .
مثلا وحدة تركيب البروتين ، درستها من قبل لكن بقي لدي بعض الاشكال ، اقوم بوضع ملخصات لها ، و اراجعها طيلة اليوم ، في الطريق عند ذهابي او رجوعي من المدرسة او في وقت الراحة ، بعدها احل جميع البكالوريات الخاصة بها. يعني اكون اغلقت ملف هذه الوحدة ، و انتقل للوحدات الاخرى ، لو حدث و اكملت الوحدات كلها في الوقت المناسب ساعود لحل تمارين مقترحة في كل هذه الوحدات بالترتيب أيضاً . أرى بانها طريقة منظمة جداً ، على الاقل " تعرفي واش درتي وواش مزاللك "

[..DJOUMANA..]

مكلاه تنشغلي بالهدرة لمندهاش معنى رانا كيف كيف يقولولنا مكلاه تعقبوه السنة في 2016 خير

و انا لا علاقة داخلة من خارجة من ليه

لا حساب الارهاق انا تبعت واه الهدرة قالوهالي لعقبو الباك قبل قالولي كل صباح مع كي تنوضي و في اليل مع كي ترقدي اقراي صورة من القران راح تنحيك الطاقة السلبية

و فعلا جربتا و راني الحمد لله

و انا بصراحة لنشطني هو الاعضء قسم العلوم التجريبية باركة لله فيهم

و على النشاط لازم تقولي "انا قادرة ندير كلش حتى حاجا لي توقفني"

هههههههه و مع كي يروحلك النشاط تفكري نتائج الباك و نتي راكي تسناي فيها

و مكلاه تخمي في الهدرة نتاع الاساتذة

علابالي بلي راكي قادرة ترجعي النشاط الروحك

بالتوفيق اختي

[khadidjahiroi]

السلام عليكم اختي هاذي حاجة عادي يعني كامل مرينا بيها
والسسب في انك تنعسي و ترقدي بكري هو مخك
كيما ديري في بالك بلي راكي مقبلة على حاجة كبيرة و هامة و صعبة (البااااااااااااااك ) مخك يولي يتهرب وكيفاه يتهرب ؟؟
يولي يعطي اشارات بلي راكي عيانة وحاصة النعااااس و الرغبة في النوم وهاذي حاجة طبيعية
نتي ضرك اقراي كيشغول راكي تقراي لاختبار متكبريش الباك في بالك انسايه
قبل كنتي تقراي مليح وتسهري لاخاطر كان مازال الحال ماحسيتيش بالقلق و التوتر
و ضرك كي قربالباك اكل يجينا التوتر لكن كل واحد كيفاه يسيي ينساه كيما انا ضرك راني نقنع في روحي بلي راني ساجية و نقدر غدوة نروح نعقبوا (رغم انو مانيش حافظة)
بصح مطلعة المورال لروحي و نقرى بكل راحة ساعات نسهر ساعات مانسهرش اذا كنتي مقلقة ديري يوم اخرجي فيه (روحي ربعي شوفي شوية خضورة ارقدي على الحشيش ديري اي حاجة تريحك نفسيا خاصة المشي حافية فوق الحشيش روعة °_° ) و غدوة من ذاك تشوفي روحك ريحتي و شهيتك مفتوحة على الدراسة
المهم بلتوفيق