قاطو رولي بالتمر اقتصادي و بزاف بنين على ضمانتي

[MAMISSA]

السلام عليكم اليوم جبتلكم وصفه بزاف بنينه اقتصاديه شابه و تحمر الوجه تقدرو حتى تديرو بيها الواجب كي تروحو دياف تبعوا معايا المقادير العجينه 4 عبارات فرينه 1 عبار خليط مارغارين دايبه + سمن انا نستعمل مارغارين فلوريال لانو ما فيهاش الماء بزاف ملعقه صغيره فانيلا 1 كيس خميره كيميائه اخليط ماء +ماء الزهر الحشو ثمر غرس مفور كمشه كاوكاو محمص و مرحي متوسط ملعقه كبيره سمن او مرغرين دايبه ملعقه صغيره فانيلا طريقه التحضير ندير الفرينه مغربله +فانيلا +الخميره الكيميائيه نخلطهم مليح ثم نضيف خليط السمن و المرغرين الدايبه تكون دافيه ماشي سخونه نحكها مليح بين يدينا ثم نضيف تدريجيا مهء + ماء زهر بلا ما ندلكوها يعني نطموها برك بالاك تجيك بالعبار لي تعبري بيه سوهءا كان كبير او صغير شويه فوق نصف عبار نتاع ماء +ماء زهر نخلوها ترتاح مليح و الان نحضرو الحشو ننقيو مليح تمر الغرس من الاحسن نتاع الميزان ماشي هداك المرحي لي ينباع plastifié لاخر خير نفوروه و نميكسيوه انا نستعمل le bras mixeur باش يجيني pommade نزيلو الفانيلا +الكاوكاو +المرغارين الدايبه كيما راكم تلاحظو ما درتش ني قرفه ني قرنفل و هدا هو السر في البنه ديالو نحكم العجينه نحلها بالحلال ماهي رقيقه ماهي خشينه نشكل مستطيل نحكمو هداك الخليط نتاع التمر و مشيه مليح فو ق العجينه غير ب زوج صباعتين تقدري لان الحشو يكون كي المرهم ساهل و yeglissi بسهوله ثم نبداو نروليو قي العجينه حتي نتحصلو عتى حربوش نسويوه مليح و الجيهه لي نغلقوها نديروها ملتحت باش ما ينحلش ثم نحكمو موس نتاع منشار و نقطعو مقروطات صغار لانهم رايحين ينتفخو فيهم الخماره نباعدهم شويه فس صينيه الفرن بلا ما نديرولها والو ني زبده ني زيت و ندخلوها للفرن درجه متوسطه كي يطيبو و يبردو نحكم بالوحده نغطس الهجه ديالها في شويه عسيله عاقده و نرمدها في كاوكاو مرحي ب قشورو يكون محمص و شويه خشين صدقوني منظر رائع و بنه اروع ما عرفتش كيفاش ننقل الصور شوفو معايه للامانه راني شرحتلكم بالتفصيل الممل و ىقولكم حتى شحال يقطع كيلو فرينه و كيلو تمر غرس قطعلي 45 حبه نتمنى تجربوها و ردولي الخبر وصفه مضمونه مائه بالمائه تحياتي الحاره

[ام رشدى]

بارك اللهفيكي على الحلوي الرائعة وياريت كي تقدري حطيلنا الصور وشكرا على الشرح فقط فهميني في طريقة لقلاساج مافهمتش

[MAMISSA]

شكرا حنونه على التشجيع و بالنسبه لسؤالك ماشي غلاساج لاله كي يطيب تحكمي الحبه تغطسيها ملفوق برك يعني الوجه ديالها في عسيله تكون ثقيله و تزيديلها ملفوق تانيت كاوكاو محمص بقشورو و مرحي شويه خشين و ربي يوفقك انشاء الله

[ام رشدى]

شكرا على الرد وربي يوفقك

[أم ناصر لوزة]

YA3tik assaha raki kima ana odhw jdid w andi les recettes chabine bazaf bassah ma 3raftch kifah ntala3 les photos

[sandibal]

chokran okheti yban hayya
rab ya3tik wache tatmanay

[hiba hajer]

يعطيك الصحة انشاء الله نجربه و نقولك ربي ايجازيك

[أم ريمة*]

شكرا على الوصفة باينة بنية واقتصادية والاهم صحية مادام فيها الغرس ربى يجعل تعبك فى ميزان حسناتك ويرزقك خير الدارين امين

[idron0]

تبارك الله عليك

[mina0718]

ان شاء الله الليلة نجربو و شكرا

[MAMISSA]

المشاركة الأصلية كتبت بواسطة أم ناصر لوزة

YA3tik assaha raki kima ana odhw jdid w andi les recettes chabine bazaf bassah ma 3raftch kifah ntala3 les photos

merci hanouna nchalah rabi ywefekna w nelkaw hal kifech ntal3ou les fotos ida 3raft kifech rani nkhabrek

[MAMISSA]

المشاركة الأصلية كتبت بواسطة أم ريمة*

شكرا على الوصفة باينة بنية واقتصادية والاهم صحية مادام فيها الغرس ربى يجعل تعبك فى ميزان حسناتك ويرزقك خير الدارين امين

الله يحفضك حنونه بارك الله فيك

[madie]

Merci beaucoup pour la recette

[اسمهان79]

بارك الله فيكي حبيبتي

[lahna moka]

يعطيك الصحة حبيبتي و جعلها الله في ميزان حسناتك