من عادات وتقــــــــــــاليد الشاوية ....

[أمجد الجلفـة]

في الأوراس "بلاد الشاوية" تتمتع بعدة عادات وتقاليد اعتبر بعضها خرافات عجائز لكن البعض الآخر قمة الجمال والروعة وهذه لمحة عن بعض عادات ونبدا بالاعراس: عند الذهاب الى دار العروس يوم الاربعاء يحنيولها اهل العريس وبفرغو في سينية القشقشة (حلوى- جوز – لوز- كاوكاو ...)يحطو فوق راس العروس شاش وتهز وحدة من أهل العريس حفنة حلوى وتحطها فوق هذا الشاش والحبات اللي طاحو من راسها هي عدد الاولاد اللي حتجيبهم في المستقبل، ولازم تخبي العروس هذي الحلوى. ونهار الخميس لما تجي العروس لدار عريسها لازم تكسر برجلها بيضة أو تلصق فوق الباب قطعة زبدة وتدخل الدار بالرش بماء الزهر والحلوى والزغاريت.أما بنهار الجمعة اللي نسميوه "الصباحة" لازم تعمل العروس قطعة من الغرايف (البغرير) اذا ماوسختش روحها فهي فحلة واذا سيحت فهي خايبة، او عند بعض الناس يديوها تسقي الماء من البير سابقا بصح ضرك يديوها للحوش وتعمر بدون ماء، وهذه تبقى كلها عادات ممكن تظنوا انها لا معنى لها لكن اكبر معنى لها هو الاستمتاع و المرح..
ويوجد عادة أخرى فيما يخص الأسنان: لما طفل صغير ينحي سنيه تقولو جدته يرميها في السما ويقول "يا شمس هاكي سنين لحمار (حاشاكم) واعطيني سنين لغزال" باش يخرجو سنيه معدولين لكن هذه فعلا خرافة لامعنى لها.وكلك ساعات يتجرثم الفم فتظهر حبات على اللسان(هذا هو التفسير العلمي) لكن تفسير جداتنا هو انه لما تظهرلك هذي الحبات فانه كانت عندك حصة طعام مخبية ليك وكلاها غيرك علابيها ناضتلك حبة أو لما تنوضلك سخانة في فمك فانك سخفت على حاجة ولازم تاكلها.
أما بالنسبة للمواليد الجدد فمن عاداتنا أن الجدة ترفع هذا المولود في السما من رجليه وتحسب ل7....
والله في الحقيقة كل هاته العادة عفوية وجميلة ممتعة و عندها أكيد تفسيرات ...
أرجو أن تعجبكم لمحتي عن عادات الشاوية وهذه فقط قطرة من بحر ومن يعرف غيرها فلا يتردد بمشاركته معنا فالأوراسيون لهم عادات كثيرة لايمكن الاستغناء عنها لانها تعبر عن شخصيتنا العربية والامازيغية ......

ساعدنا بحث الاخ :k-h من باتنة

[نسيم الجود]

بلاد الشاوية جميلة جدا


شكرا لك

[اميرة @الشرق]

شكــــــــــــــــــــــــــــــراااا

[عادل الجلفاوي]

موضوع رائع وصور اروع .............شكرا لك ولصديقك

[taha178]

بارك الله فيك أخي الكريم
تقبّل الله منّا ومنكم الصّيام والقيام

[rafika1988]

جزاك الله خيرا اخي الكريم

[RaNiA 02]

سخفني الغرايف ههههه

في الأوراس "بلاد الشاوية" تتمتع بعدة عادات وتقاليد اعتبر بعضها خرافات عجائز لكن البعض الآخر قمة الجمال والروعة وهذه لمحة عن بعض عادات ونبدا بالاعراس: عند الذهاب الى دار العروس يوم الاربعاء يحنيولها اهل العريس وبفرغو في سينية القشقشة (حلوى- جوز – لوز- كاوكاو ...)يحطو فوق راس العروس شاش وتهز وحدة من أهل العريس حفنة حلوى وتحطها فوق هذا الشاش والحبات اللي طاحو من راسها هي عدد الاولاد اللي حتجيبهم في المستقبل، ولازم تخبي العروس هذي الحلوى. ونهار الخميس لما تجي العروس لدار عريسها لازم تكسر برجلها بيضة أو تلصق فوق الباب قطعة زبدة وتدخل الدار بالرش بماء الزهر والحلوى والزغاريت.أما بنهار الجمعة اللي نسميوه "الصباحة" لازم تعمل العروس قطعة من الغرايف (البغرير) اذا ماوسختش روحها فهي فحلة واذا سيحت فهي خايبة، او عند بعض الناس يديوها تسقي الماء من البير سابقا بصح ضرك يديوها للحوش وتعمر بدون ماء، وهذه تبقى كلها عادات ممكن تظنوا انها لا معنى لها لكن اكبر معنى لها هو الاستمتاع و المرح..

هاذو العادات غريبة شوية
اول مرة نسمعها


اما تاع السنين اول مرة نحيت سنتي جداتي هزتها وقالت هاكي سنت الفضة واعطيني سنة ذهب ههه


شكرا على المعلومات المفيدة
يسلموو

[milta]

بارك الله فيك أخي الكريم
تقبّل الله منّا ومنكم الصّيام والقيام

[HANYSAT2009]

[اميمة الصديق]

والله نحب الشاوية لحرار الله يعزك خويا موضوعك قمة

[samyr-68]

شكــــــــــــــــــــــــــــــراااا

[mimi batna]

صح صح صح يا الفحلة هكدا نستعرف بيك شاوية ونص و نستعرف بيك

[NEWFEL..]

مشكور أخي على هذا المجهود الطيب...........

[ريتاج 41]

وابنني لست اصلي شاوية من ام البواقي لكن مكان ولادتي قسنطينة فانني اعتز بهذا

[omo mazen]

allah ijazik koul khir wa ana chaweiya wa lakine a3iche fi alghorba wallahi sakhftni aloklate achahiya wa fakartni fi la3ress