البرك التركية على طريقتي

mounia hse · 2014-01-04, 01:00

اهلا اخواتي
عندي قداه وانا نقول نحطلكم طريقة عمل البرك التركية و تفنيت من رمضان و اليوم نعلت الشيطان و قلت نحطهالكم مدام الصور تاع الموضوع ليكونت راح نديرو في رمضان كاينة و مراحتش
الطريقة هذي نستعملها في اغلب عجائني سيرتو اذا حبيت لعجينة تجي مقرمشة و بالطبقات في بلاست العجينة المورقة كي ماتكونش عندي في البقلاوة تجي بقلاوة رووووعة لكلاوها يدومندي لاغوسات و الطريقة مانطولش عليكم نعطيلكم الوصفة وان شاء الله تعجبكم ( الصور راهم تع رمضان في هذيك الوقت ليصورتها كنت مديسيديا نحطهالكم في هذاك الوقت مي مكتبتش )

المقادير

انا استعملت 2 كيلات فرينة و اذا ماتحبيهاش مبسسة استعملي 4 كيلات فرينة
2 كيلات فرينة
1/2 كيلة زيت

خميرة الخبز عينك ميزانك

ملح

ملعقة صغيرة سكر

ماء دافئ للعجن

نشا

الحشو

فرماج رابي

بصلة مقطعة

ثوم مقطع

دبشة+معدنوس

حبة فلفل حار و حبة فلفل حلو مقطع مربعات

زيتون اخضر "انتبهي للملح لأنو مالح و تقدري ديري زيتون مغلي و لا تستغني عنو كيما تحبي "

ملح
فلفل اسود

تقدري تضيفي اي نوع توابل تحبيه

نحتاج ايضا الى 1/2 بيضة او صفار بيصة + شوية حليب + شوية نسكافي و نخلط مع بعض باش ندهنو الوجه ()

جلجلانية+سينوج
الطريقة

العجينة

نخلط جميع المكونات الجافة مع بعض

و نلمها بالماء الدافئ

و نخليها ترتاح و تتخمر "اذا ديرتيها مبسسة كيما انا مراحش يبان فيها التخمار مليح ولكن تحسي لعجينة نتاعك ريحت و اما اذا ديرتي 4 كيلات فرينة راح يبان عليها التخمار لأنو الأولى مبسسة و الثانية لالا "

الحشو
نقلي البصل و نخليه يذبل شوية و مبعد نضيفو الفلفل الحار و الحلو و الزيتون و نخليوهم يذبلو مليح و نزيدو الثوم باش ماتتحرقش

و مبعد نزيدو اللحو و نتبلوهم و نخليوهم يطيبو كيما راهي موضحة الصور كي يطيب نزيدولو الدبشة+ المعدنوس

[FONT=Lucida Sans Unicode]

نرجع الى العجينة

بعد ماتكون ريحت مليح

نرش على طاولة العمل نشا و ماتكثرش باش ماتيبس العجينة و نحلها و نرش عليها النشا ثاني مانكثرش ( النشا الزايد نحيوه) و نطبقها كيما راهي موضحة في الصور و مبعد نزيد نطبقها باش نتحصل على مستطيل نرقق هذاك المستطيل بسمك حوالي 0.3 ملم

نقصوهم مربعات و نحشيهم بالحشو و ندير فوقو الفرماج و ندهن الأطراف باش كي نطبقو على 2 يلصق و نضغط عليه بالشوكة

الصور تشرح الخطوات

و نغلق الربعات و ندهنها بالخليط البيض و الحليب و النسكافي و نزينها بالسانوج و الجلجلانية و الى الفرن حتى طيب و نحمرها من فوق و نقدمها

و شهية طيبة

شوفو الطبقات و القرمشة تاع العجينة والله بنينة

بالنسبة ل 4كيلات فرينة
لعجينة تخرج كيما هكذا

نكمل بنفس الطريقة

بالنسبة ليا نفضل الطريقة الأولى لأنو تجي مقرمشة كثر و مبسسة و اقرب الى العجينة المورقة

كل ما ديرولها طبقات بزاف كل ماتجي مورقة
نسيت نقلكم كل ماتبقوها تجي فيها طبقات بزاف

ام رزيقة · 2014-01-04, 08:57

اممممممممممممممممممم بارك الله فيك وجعله في ميزان حسناتك

mounia hse · 2014-01-04, 10:39

اقتباس:

المشاركة الأصلية كتبت بواسطة ام رزيقة

اممممممممممممممممممم بارك الله فيك وجعله في ميزان حسناتك

و فيك بركة
فرحني مرورك

soriaalg · 2014-01-04, 10:41

مممممممممممممممممممممممممممممممممممم روعة ما شاء الله بارك الله فيك

أم ماجد · 2014-01-04, 10:44

444444444444444444444

أم إناس · 2014-01-04, 11:03

امممممممممم يعطيك الصحه وأكيد بنيييييييينا

إلهام07 · 2014-01-04, 11:21

والله عندي قريب 3 سنوات تقريبا ملي غزاونا المسلسلات التركية وانا نسخف عليهم وحبيت نديرهم ماشي حبات نديرهم في بلاطو ونقص كيما نشوفهم في المسلسلات هههههههههههههههه حوست في لنت لقيت عشرات الوصفات وكاين اللي بعجينة الفيلو اللي تتباع وتعرفي ماهيش مضمونة
المهم احترت وليت بطلت
حقة قوليلي ياخي مايجيش فيها طعم النشاء لاخاطر هذاك واش نكره

نسيت نقولك يعطيك الصحة تعرفيني نحب طيابك وديما ننتظر جديدك

rofia.sarah · 2014-01-04, 12:11

يعطيك الصحة 444444444

tong2 · 2014-01-04, 12:25

مممممم روعــــــــــة يعـــطيــــك الصحــة حــــبيــبة

أم ياسين الزهراء · 2014-01-04, 12:30

بارك الله فيك

maria sisi · 2014-01-04, 13:26

شكرا جزيلا

الأمنيات · 2014-01-04, 15:07

يعطيك الصحة تبارك الله
وشكرا على الوصفه

besmella · 2014-01-04, 15:21

روعة ما شاء الله بارك الله فيك

أم ريمة* · 2014-01-04, 15:37

ما شاء الله روعة وخاصة كى عادت اطيب فالفور يعنى ما شى مقلية تكون صحية اكثر اللهم اجعلها فى ميزان حسناتك

oum khadidja · 2014-01-04, 17:00

رائع الله يعطيك الصحة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري