راكم تحسبو معايا ولالا

ام عبودة · 2013-09-14, 09:36

السلام عليكم البارح كان نهار حافل بالتطبيقات والله ماحسيت برجليا حتى حطيت راسي على المخدة ما عليش من اجل المائة
الوصفات اللى جربتهم كانو الكل ناجحين الا الباربي تعبتني شوي بالعجينة تاع السكر
المهم نبداوووو على بركة الله
جربت المحاجب تاع الغالية على قلبي ام كوثر. وهذا واش صحلي باش نصور على خاطر حنا كي نعودو نطيبو في المختومة الغاشي كامل يهزها من الطابونة سخونة

بصح جات روووعة ومقرنشة المشكل اللى صبتو فيها شوي الحشو يتعبني ويخرج ساعات

الرابط

لام اماني الغالية على قلبي العجينة السحرية روووعة وساهلة ماهلة وتعطيك الطوع في العمل وتخليك مبدعة في المعجنات راهي افكار كثيرة تدور في راسي ومن بعد نبلورها في مواضي اصبرو نولي ارنب ههههههه

الرابط
https://www.djelfa.info/vb/showthread.php?t=1305317

وبهذه العجينة طبقت بيتزا تاع حبوبتي اللهومة ما كانش عندي الفورماج غير تاع الباطا واولادي حكمتلهم على البيتزا ما لا درتها والله رووووووعة ننصحكم جربوها والذوق هااااااايل راهو ريقي يسااايل عليها بلاك نعودها

الرابط

و بقاتلي العجينة درت بيهم كرواصون تاع ام اماني صاحبة العجينة. وانا حشيتهم بالفورماج والله غير روووعة وطري من برى وطايب من الداخل

وندورو الى الحلويات راهي عزوجتي حلفت فيا قالتلي والله ما تزيدي تخدمي حبة حتى تكمل هذه البورتمونجي يزيك تعبتي على خاطر من بعد الظهر اللى اللليل وانا في الكوزينة

اولا للغالية ام رامي الصابلي صحيح الجينة تتكسر لكن ديرتها ما بين السيلوفان وحليتها عادي بصح البنة هباااااال يذوب في الفم وزاااكي

الرابط
https://www.djelfa.info/vb/showthread.php?t=1000487

وتاني للغالية الصوامعية ما نكذبش عليكم عمري ما كنت نتخيل انه فيه قاطو بلا زبدة ولا سكر قلاصي ممكن يكون يهبل هذا راه يذوب في الفم وجاني يشبه للصابلي وهشوووووش رووووعة ننصحكم غير جربوه وما تندموش انا ونخدم فيه غير نتخيل فيه كيفاش يخرج لكن هاها النتيجة

الرابط
https://www.djelfa.info/vb/showthread.php?t=657965

والحلوى الرائعة لحبيبتي باتيبيييييي قلوب قلوب قلوووووووب الالماس والله غير اسم على مسمى زاكية وتنفع تاع منسبات لكن المشكل الوحيد اللى فيها انك طيبيها منا تسربيها منا ما تنفعش تتخبا في بورتمونجي او انتم صيبونا حل

الرابط

واخييييييييييرا الرائعة باربي للرااائعة فلة فود ارت الحاجة اللى تعلمتها منك انه لا خوف لا خوف لازم نديرو القلب ونتعلمو انا فقط تعبتني عجينة اللوز الاصطناعية ثمثم تشقق وتسيح المرة الجاية نخدم بالحقيقية والحمد لله فرحت بيها بنتي والله من المغرب وهي على راسي تستنى وتفصل معايا في الروبة هذا ذوقها واش رايكم

الرابط
https://www.djelfa.info/vb/showthread.php?t=1322159

وفي الخير والله غير تعبت البارح هيا قيموني وكثرو ردودكم باش تنحو عليا تعبي تاع البارح

انا حبة سكر · 2013-09-14, 10:20

الله يبارك
وتبارك الرحمان عليك
يعطيك الصحة
كلش نتاعك هايل
هذا راكي تاعبة ولكن لكش نتاعك متقوووون
وقلوب الماس هايلين واش رايك يصلحولى نديرهم في عرسي ولالا
مشاء الله والباربي ختامها مسك صح

انا حبة سكر · 2013-09-14, 10:21

راني مزهارة انا الاولى امممممممممممممممممم

بنت غليزان · 2013-09-14, 10:27

الله يبارك و يزيد

tong2 · 2013-09-14, 11:00

الله يبــــارك ما شــــــــــاء الله

تـــــطبيـــقات ممـــــتازة

بـــــصحــــتكم

أنواار الإيماان · 2013-09-14, 11:20

الله يبــــارك ما شــــــــــاء الله

انتي بلون الورد · 2013-09-14, 12:58

يعطيك الصحة
كلش هايل سخفتيني .

المستغفرة · 2013-09-14, 13:33

اهلا ام عبودة الله يبارك ويزيد. بصحتكم
قوليلي لقيتي سوبر كريم حابة نجرب قلوب الالماس
فحلة راكي شرفتينا

serine alger · 2013-09-14, 13:52

ما شاء الله كل التطبيقات هايلة.فيه تعب أكيد بصاح يهون مع فرحة أطفالنا وعيد ميلاد سعيد

ريتان · 2013-09-14, 14:41

روووووووووووووووووووووووعة

رضاك ياربي · 2013-09-14, 15:10

y3tik saha kolech tohfa mmmmmmmm

oumjiji · 2013-09-14, 16:06

راكي ستار ام عبودة ورواية احلى من الباربي ربي يطول عمرها وبصحتك كلو على بعضو حلو ربي يهنيك

*رفيقة الدرب* · 2013-09-14, 16:12

ماشاء الله عليك حبيبتي
سعد عجوزتك بيك راقدة و تمانجي و واش تمانجي غي لميمة و البنون ههههههههه
ري مقلشتهم واصلي واصلي
قلوب الألماس خرجو تحفة تحفة

*رفيقة الدرب* · 2013-09-14, 16:14

راكي 51 تطبيق صح

*سماح 94* · 2013-09-14, 16:52

راااااائع يا ام عبودة راكي جاية بقوووووووووووة ههههههه ماشاء الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري