![]() |
|
قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
اطباق بحرية متنوعة + اطباق جانبية متنوعة فقط من مطبخي ...ما تفوتوش الفرصة
![]() |
|
أدوات الموضوع | انواع عرض الموضوع |
![]() |
رقم المشاركة : 1 | ||||
|
![]() ![]() + + واش راكم لبنات ؟ ان شاء الله تكونو لاباس المهم اليوم جيت و معايا مجموعة من التخليطات ههههههه و نتمنى يعجبوكم + + من الصورة الاولى يمكن فهمتو المضمون المهم انا عندي اخ عاااااااشق للبحر و كل ما فيه سباح و صياد و يحب بزاااااااااااف الحوت بكل انواعه هو يحب الحوت و انا نحب نخلط هههه المهم في الايام لي فاتت جاب كمية و انواع من الحوت و انا درت بيهم بعض الاطباق ايا اتفضلو معايا تشوفوهم + + ![]() ![]() ![]() ![]() ![]() ![]() ![]() ![]() ![]() و هدا يقولولو شليف شلاف ....علابالي غريب انا وحدة صاحبتي جيجلية قالتلي عليه مالا كي قتلو جابهولي مي انا نسيت الوصفة حتى نعاود نعيطلها ههههه شليف شلاف هو كوكتال من الاسماك ماش نوع واحد ![]() و هدا chien de mer و هوما يقولولو القرطوس و هنا بعد التنظيف.....عييت واحد 2 ساعات و انا في الكوزينة و الرييييييييحة ولات الدار مسمكة ![]() و انا نفتح الحوتة من تحت و ما نحيلهاش الراس.....حفاظا على الجمال برك ماش ناكلوها هههه ![]() ![]() و هادي الطريقة هنا ![]() شوفو بالمقارنة مع لي منزوعة الرأس ![]() و هنا القرطوس بعد نزع الرأس و الاحشاء ![]() و هادا نوع من تاع شليف شلاف ما علاباليش كيفاه اسمو يشبه للكروفات مي من داخل ما فيهش لحم ....يعني ما يصلحش طيبيه بلا قشورو و شوفي الصور ![]() يعني فقط تنحيلو الزوائد لي من تحت و الذيل ![]() و هنا في النهاية حطيت كل كمية في بلاستيك و الى البورط مونجي و الثلاجة فصلت بيناتهم لانو بعد ما يجمدو مستحيل نفصلهم ![]() ![]() و الان نبداو الطبخ الروجي مقلي الطريقة جد عاااااادية ...هداك النهار كنت مزروبة و ما كسرتش راسي بزاف مي نعتلكم كيفاه تعملو فيليه الروجي شوفو مع الصور ![]() ![]() ![]() ![]() ![]() ![]() و هنا القارص لي رح نستعملوه في الخلطة كي يكون يابس ما تقدرش تعصريه مالا نحطو في ماء ساخن مدة من الزمن و من بعد نبقا ندعك فيه بيدي حتى يطرى شوي ![]() ![]() ![]() و هنا السمك متبل تقدري تحطي دبشة مقطعة سنة ثوم ...ما يحبوش الثوم في الحوت على هادي ما كثرتش ...بهارات السمك رح نحط صورتهم من بعد...موتارد ..صوص صويا ...توابل و ملح ...كل وحدة كيفاه و هنا في المقلاه الروجي من الاسماك البيضاء ماش كيما الساردين لحم تاعو احمر لازم يكون الزيت قلييل لانو ادا كان زيت غزير رح يتفتت و يروح كامل لانو طري بزاااف انا حطيتو في سميد و فرينة و حمرتو في شوية زيت ![]() و جااااااااااااااااااااااااااااااااااااااهز ![]() ![]() ![]() chien de mer فيليه + بروشات اولا ننزعو الهيكل و نطلقوه ![]() و نتبلوه التتبلية هي نفسها لي فوق و انت كيما حبيتي ![]() ![]() ![]() ![]() انا قسمت الكمية على 2 نص بروشات و النص فيليه ![]() تجيبي صينية فرن تغلفيها بالالمنيوم و تستفي فوقها البروشات انا هنا ما كانش عندي الامنيوم عملتها بدونو ![]() و تسخني الفرن و تشعليه من فوق القرطوس ايضا من الاسماك البيضاء و كلها سرييييييييييييييعة الاستواء و جد هشة ياخد حوالي 10 دقايق في هادي الاثناء انت حطي قطعة فحم فوق النار حتى تولي جمر و حكيها في قطعة المنيوم و بعد ما تطفي الكوشة حطي شوي زيت فوق الفحمة و دخليها الكوشة ...تحت البروشات و شوفي هادااك الدخاااااااااااااااااااان لي يجي يعني باه تدخني البروشات و يجي فيه ريحة الشواء ![]() المرة راهي داخل الصينية تحت لي بروشات ...شوفو مليح ![]() و قدميييييييييييه ساااااااااااااااخن مع عصرة قارس حقا نسيت نقولكم مي تبلو السمك خليوه يرتاخ في الثلاجة على الاقل ساعة ايا اتفضلو ![]() ![]() ![]() الان نرجعو ل نص الاخر تاع الفيليه قطعتو فيليه و عملتو بنفس التتبيلة و خليتو يرتاح في الثلاجة و من بعد حطيتو في فرينة و حمرتو في شويييية زيت و من بعد عملتلو صوص بالزبدة و الليمون و الصوص صويا ....ما يبانش مليح في الصورة لكن لاحظو في الصورة انو السمك ماش ناشف و يلمع شوي للاسف كنت نزرب برك و ما صورتش التفاصيل لكن راهي سهلة و عملت معاه روز قليتو مع بصل و بهارات ...الروز خليتو يتقلى و من بعد ضفت كمية من الماء كافية باه يستوي يعني ماش بزاف و من بعد فورتو ضفتلو زبدة و زعفران اتفضلو ![]() ![]() ![]() ![]() شوربة السمك بالكريمة اولا رح نقولكم بلي هي فيها بزاااااااف مقادير لكن انا كانو ناقصين و تاني تقدري تعمليها بصوص حمراء او بالكريمة لانو ما يحبوش الاكلات و الشربات الحمراء المهم نبداو لازملك حضر حبة متوسطة بطاطا حبة لفت ...انا ما كانش عندي حبة او اثنين زرودية كراث كرفس زيت زيتون حبة طماطم زعتر رند زنجبيل كركم و بهارات و اسماك مشكلة تحطي الخضر تتقلى مليييح لانو السمك سرييييع الاستواء و الخضر تطول و من بعد ما تتقلى ضيفي الطماطم المرحية و خليها تتقلى حطي السمك في قطعة شاش و معاه قارس و من بعد حطيه مع الخضر و خليها حوالي 20 دقيقة و من بعد انزعي السمك و فتتيه و انزعي الشوك و ارحي الخضر و من بعد خلطي السمك مع الخضار المرحية و ادا حبيتي ارحيه و ادا عندك كروفات و لا فيليه ابيض و ما فيهش الشوك ضيفيه الان انا ضفت شويا كروفات و خليها تغلي حوالي 10 دقائق و من بعد طفي عليها و ضيفي الكريمة السائلة و خلطيها و الى التقديييييييييييييييييم و الان مع الصور ![]() ![]() ![]() ![]() ![]() ![]() ![]() ![]() ![]() ![]() و ادا حبيتيها حمراء ضيفيلها ملعقة طماطم مصبرة ![]() كروكيت السمك سمك ابيض مفور قطعة خبز منقوعة في الماء ثم تعصريها مليح من الماء....ممكن تعملي في بلاستها روز مغلي طماطم مكعبات....اختيارية دبشة مقطعة بيض ...حسب الكمية ملح و توابل للتغطية فرينة بيضة مخفوقة شابلور+ م ك جلجلان غير محمص تعجني كل المكونات ثم تشكلي كويرات تغمسيهم في الفرينة ثم البيض ثم خليط الشابلور و الجلجلان و تقليهم ![]() ![]() ![]() و راهي واجدة ![]() قدمت معاه bruschetta و هي مقبلة ايطالية عبارة عن خبز محمص بالزبدة و تدهنيه بشوي زيت زيتون و تحطي فوقو طماطم و جبن و زعتر و كورنيشو هادي صور من النت تزيدو تقولو واش راهي تخلط [IMG]https://www.simplyrecipes.com/wp-*******/uploads/2005/08/bruschetta.jpg?ea6e46[/IMG] ![]() و نرجعو لتااااعي ![]() ![]() ![]() ![]() بيتزا سمرااااااااااااااء بالكروفات و الطون بيتزا سمراء....يعني ماش لي خدمتها اسمها سمراء مي بالقمح الكل يعرفو يديرو بيتزا لكن انا هتا درت كاس دقيق القمح و كاس و نص فرينة مع ملح و اعشاااب و م ك خميرة + م ك سكر + حليب دافيء نعجنها و هنا باش نضيفلها زيت الزيتون ....راه ما يبانش طعمو و كي تزيدي الزيت بعد العجن افضل تجي خفييييييييييييييييييفة و ادا حبيتيها تجي خفيفة بزااااف زيديلها بيضة في الاول و رشة خميرة قاطو و الباقي الكل يعرفو انا عملت نوعين وحدة بالكروفات المقلي مع الثوم و صوص صويا و وحدة بالطون تاع زيت ![]() ![]() ![]() ![]() ![]() ![]() ![]() ![]() و ديريها طرية لانو القمح يشرب بزاااااف ....طرية مي ماش بزااااااااف كيما الفطير هنا قبل ما ندخلها الفرن ![]() و هنا بعد ما خرجتها ![]() ![]() ![]() ![]() و هنا عند التقديم حطيت نص من وحدة و نص من وحدة ![]() ![]() ![]() ![]() روجي مفور على التاي ايه مفور على التااااي هادي وصفة اسيوية عالابالكم من عندهم جاي التاي سااااهلة خلاااااص و ما تديش الوقت انا شفتها في موقع اجنبي ايا اتفضلو ديري حوال م ك تاي في الطنجرة و في الكسكاس حطي الحوت ملح توابل ليمون و رند و خطيه و خليه حوالي 15 دقيقة ![]() ![]() ![]() ![]() ![]() ![]() سمك محمر في الفرن مع صلصة الليمون و الزبدة هاد الوصفة من الاحسن تكون ب الفليه الابيض لكن انا استعملت نوع اخر فتحتو و تبلتو من قبل بموتارد و زعتر و توابل و من بعد في بلاطو حطيت زيت زيتون .....كامل الوصفات استعملت زيت زيتون و حطيت فوقو شرائح قارس و حمرتو ![]() ![]() و لتحضير الصلصة كاس ماء ساخن زنجبيل ..انا استعملت زنجبيل جاااف ..ربع مكعب مرق دجاج شرائح بصل رند عصير ليمونة + اللب الداخلي....لي حبت نكهة قووووووووووية لليمون تحط القشور تخليها تغلي حتى ينقص حجمها و ت تبرد شوي و صفيها من بعد تضيفي كريمة سائلة و تخلطي و من بعد تضيفي قطع زبدة و ترجعيها للنار حتى تذوب الزبدة و في الاخير رشة ملح و فلفل اسود ![]() ![]() ![]() ما صورتش كي حطيت الكريمة تزربت و هادي عند التقديم ![]() ![]() ![]() ![]() قدمتها مع ارز بالزبيب ![]() و الان الى الاطباق الجاااااانبية لي قدمتها معها ارز بالزبيب تقلي بصلة محكوك و من بعد تضيفيلي شوي زبيب و من بعد الروز و التوابل و قليهم مدة دقيقتين ومن بعد غطيهم بالماء يطيب نص طياب و من بعد زيديلو زعفرااان و فوريه ![]() ![]() ![]() ![]() ![]() ![]() سلطة ماسيدوان بيتية + باذنجان محشي بالجبن ![]() ![]() ![]() غراتان بطاطا بيري على شكل بيتزا بطاطا مفورة تضيفيلها زبدة او جبن و اعشاب و ملح و تطرحيها في بلاط و ديريلها حشو البيتزا و دخليها الفرن 10 دقائق ![]() ![]() ![]() ![]() لي شو تاع البطاطا بطاطا مغلية تزيديلها ملح و توابل كيما تخبي و زبدة و من بعد تبداي تضيفي في صفار البيض حتى تولي طرية تحطيها في لا بوش ادوي و تشكليها كيما لي شو و تحطيها في الفرن حتى تتحمر من فوق و من تحت ![]() ![]() ![]() ![]() ![]() ![]() شوربة الكاااااااااااااااااابوية رايحة ندير موضوع من بعد خاص بالكااابويا هااااااااااااااااااااايلة و الله ما تعرفوها لاكان كابوية فقط شوفو الصور ![]() ![]() شيبس البطاطا بالبيت و هادا تاني راح يكون موضوع بالصور ![]() ![]() ![]() ![]() ![]() للديسير قدمت كرطوس بالعسل الحر ![]() ![]() ![]() ![]() و تفاح مشوي مع لا كريم و صوص نوتيلا مع نيسكافي ![]() ![]() ![]() ![]() ![]() ![]() و فلان الكاااااااااااااااااابوية ![]() ![]() ![]() ![]() من بعد راح نديرلكم موضوع كيما هادا خاااااص بالكابويا و رح ندير تاع التفاح و تاع الشيبس استنااااوني و الان راح تشوفو الموائد ![]() ![]() ![]() ![]() راح الاخ مازال راح يجيب الحوووت انوااااااع ايا قولولي راكم باه نزيد نحطلكم هادا ادا عجبكم اكييييييييد انا درت لي عليا الان الباقي عليكم تقييم رد او شكر على الاقل و الله تعبت بزاااااااف على هاد الموضوع فماتخليوش تعبي يروح هاكاااااااااااااااك ايا ما تكونوش بخيلات و فرحوني في انتظاااااااااااااااااااار اراااااااااااااااااائكم ![]() ملاحظة ...هاد الموائد و الاطباق 100 ب 100 من تحت يدي
|
||||
![]() |
![]() |
رقم المشاركة : 2 | |||
|
![]() يعجز اللسان عن الكلام كل ما استطيع قوله ماشاء الله 0 |
|||
![]() |
![]() |
رقم المشاركة : 3 | |||
|
![]() موضوع رائع اختي ووصفات مميزة |
|||
![]() |
![]() |
رقم المشاركة : 4 | |||
|
![]() ماشاء الله ماشاء الله
لازمك وسام والله كلها يشهي معرفتش كيفاش حتى نعلق يلهوي ايه الحلوة دي على قول المصاورة دانتي مصيبه يبانتي كل شيء يشهي تسلم يديكي ياقمر |
|||
![]() |
![]() |
رقم المشاركة : 5 | |||
|
![]() واااااو ثقفتينا و شهيتينا و سخفتينا ربي يعطيك ما تتمناي موضوع يستحق الشكر و التميز |
|||
![]() |
![]() |
رقم المشاركة : 6 | |||
|
![]() الله يبارك موسوعة يعطيك الصحة يا الشاطرة |
|||
![]() |
![]() |
رقم المشاركة : 7 | |||
|
![]() هاي هاي واش نقولك يا العزيزة اشنو هادا الخير اللي عطا الله |
|||
![]() |
![]() |
رقم المشاركة : 8 | |||
|
![]() الله يبااااااارك |
|||
![]() |
![]() |
رقم المشاركة : 9 | |||
|
![]() قوليلي قداش نعطيك وتعطيني خوك هذا راهو أفار :d؟ |
|||
![]() |
![]() |
رقم المشاركة : 10 | |||
|
![]() واااااااااااااااااااااااااااااااااااااااااااااو فرحتووووووووووووووووني |
|||
![]() |
![]() |
رقم المشاركة : 11 | |||
|
![]() ياسلااام ياسلااام |
|||
![]() |
![]() |
رقم المشاركة : 12 | |||
|
![]() بارك الله فيك اختي أطباق في غاية الروعة تسلم الايادي |
|||
![]() |
![]() |
رقم المشاركة : 13 | |||
|
![]() وشي هذا يا سرسوووووووووووووووورة غبتي غبتي ومبعدا جيتي و معاك الخير ولخمير رووووووووووووعة يعطيك الصحة |
|||
![]() |
![]() |
رقم المشاركة : 14 | |||
|
![]() موضوع رااااااااااااااااااااااااااااااااااااااااااااااااا ااااااااااائع اختي ووصفات مميزة |
|||
![]() |
![]() |
رقم المشاركة : 15 | |||
|
![]() الله اكبر روووووووووووووووووووووووووووووووووعة ما شاء الله ولا قوة الا بالله موسوعة ربي يحفظك جزاك الله خيرا |
|||
![]() |
![]() |
الكلمات الدلالية (Tags) |
اطباق بحرية سمك |
أدوات الموضوع | |
انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc