زوجي لا يحترم وعوده ساعدووووووني

[مشكلتي]

السلام عليكم اخواني
أنا فتاة متزوجة و لكن مازال مادرت العرس (العقد المدني فقط) مشكلتي مع زوجي و منذ وقت طويل و احنا مخطوبين أنه لا يفي بكلمته و انا في هذا اواجه معه مشكلة كبيييييييييىرة كل مرة يوعدني بحاجة مايديرهاش حتى نكررررررررررره و انا نقارع
مثلا كي خطبني قعد عام و نصف باش دفعو الدراهم و هو كل مرة يقولي هاذ السمانة هاذ الشهر هاذ الويكاند؟؟؟؟؟؟
و دفع الدراهم نفس الشي بالنسبة للعقد كل مرة يعطيني تاريخ للعقد
و نفس الحكاية راني نعاني منها بالنسبة لموعد العرس قالي في جوان ثم بعد رمضان مباشرة ثم بعد رمضان ب3 أسابيع و الآن قالي ممكن في أواخر سبتمبر
ممكن تقولولي ما يحبكش و ماهوش حاب يتزوج انا متأكدة من العكس تماما لكن هذه هي طباعو و عندو ظروف عائلية و مادية تمنعه لكنننننن أنا عيييت من الوعود الزائفة
حتى يوميا كي يعيطلي يقولي صبري دقيقة دوك نعاودلك يقعد ساعتين و لا نص نهار و لا حتى نهار باه يعاود
أنا ماقدرتش لهاذ الوضع و يقولولي البنات قريباتي و صديقاتي شباب هاذ الأيام قاع هاك ما يلتزموش بالكلمة نيشان و ممكن أنا من طبيعة المنطقة لي نسكن فيها (صحراوية) و التربية لي تربيتها أنه الكلمة كي تخرج لاااااازم تتنفذ مهما كان الوضع حتى صحاباتي كي كنت في الجامعة يقولولي عند الكلمة و عمرك ما تخلفي هدرتك و مواعيدك، حتى في عملي في الجامعة معروفة أني أستاذة ملتزمة جدا، أنا هاك كبرت و تربيت و الوالد نتاعي هو لي غرس فينا هاذ الشيء لذلك زوجي راه يبانلي انسان غريب بهذه التصرفات و صرااااحة عيييت نفسيا من هذه المشكلة
كل مانشكيلو يقولي الله غالب ظروفي تمنعني و طبيعة عملي و طبيعة حصوله على دخله كذلك (غير محددة لا بوقت و لا بحجم)و عدى هاذ المشكل هو انسان خلوق و وفي ومتمسك بي لأبعد الحدود
شكون الغالط أنا و لا هو و ما هو الحل فانا لم أستطع التأقلم و أفكر كثيرا في أولادي مستقبلا كيف سأغرس فيهم خصلة غير موجودة في والدهم؟؟؟؟؟
أعنوني و أجركم على الله

[hajour]

عندو مشكلة صغيرة مقارنة مع عيوب شباب هذا الوقت أنا مثلك أختي صارمة و أحترم الوقت..... و زوجي يشبه زوجك إلى حد كبير هدرت معاه هو تغير قليلا و أنا كذلك تغيرت من أجله.

[abdel02]

مشكلة زوجك ليست في الكلمة
وإنما مشكلته مادية ...فإذا
انحلت هذه المشكلة فستحل الأولى
بإذن الله.

[mouhaned]

ana tani kima huoi hadi mahuch mochkila hada tab3 nta3o kima hak hawli t3awnih khti madia mafiha walou

[moha75]

يا أختي احسني عونو،
وإذا ما لقاش العون والصبر والمساعدة منك أنت،
مع من راح يلقاها؟؟؟
أنت قلتي عندو ظروف عائلية و مادية تمنعه،
هذا يعني أنو صادق ونيتو حسنة،
صدقيني أحيانا الظروف تكون اقوى من الإنسان،
يكون حابب يعمل ألف حاجة،
لكن ما باليد حيلة،
ما دام خلوق وطيب تمسكي بيه لأخر لحظة،
أصبري عليه ودائما فرجيها عليه وما تضيقيهاش،
أنت من الأول عارفة ظروفوا مليح،
فلازمك تتحمليه وتصبري عليه،
هو ما كذبش وما خباش عليك،
هو صريح وصادق معاك،
فقط المواعيد في وقتنا صعب أنك توفقها 100%،
هذا لا يعني انو لازم يبطل يواعدك باش ما يخلفش وعدوا،
نقولها دائما ونعاودها المرأة بإمكانها تغيير طباع الرجل للأحسن،

في الاخير نقولك
ربي يوفقكم ويجمع بينكم في الخير إن شاء الله،
أمين أمين.

[بسمة تحدي]

المشاركة الأصلية كتبت بواسطة moha75

يا أختي احسني عونو،
وإذا ما لقاش العون والصبر والمساعدة منك أنت،
مع من راح يلقاها؟؟؟
أنت قلتي عندو ظروف عائلية و مادية تمنعه،
هذا يعني أنو صادق ونيتو حسنة،
صدقيني أحيانا الظروف تكون اقوى من الإنسان،
يكون حابب يعمل ألف حاجة،
لكن ما باليد حيلة،
ما دام خلوق وطيب تمسكي بيه لأخر لحظة،
أصبري عليه ودائما فرجيها عليه وما تضيقيهاش،
أنت من الأول عارفة ظروفوا مليح،
فلازمك تتحمليه وتصبري عليه،
هو ما كذبش وما خباش عليك،
هو صريح وصادق معاك،
فقط المواعيد في وقتنا صعب أنك توفقها 100%،
هذا لا يعني انو لازم يبطل يواعدك باش ما يخلفش وعدوا،
نقولها دائما ونعاودها المرأة بإمكانها تغيير طباع الرجل للأحسن،

في الاخير نقولك
ربي يوفقكم ويجمع بينكم في الخير إن شاء الله،
أمين أمين.

بارك الله فيك ربي يجزيك خير

اعملي بصيحة الاخ موح

[islam02]

مشكلة زوجك كبيرة بزاف ايسموها التهرب من المسؤولية .وهذا النوع راح تعياي امعاه بزاف انا انظن انك اخطات في الاختيار.

[mohaa47]

اتخذي لأخيك عفوا ( لخطيبك ) سبعين عذرا.....................ربما الظروف المادية تعيقه على تنفيذ وعده ..............

[moha75]

المشاركة الأصلية كتبت بواسطة بسمة تحدي

بارك الله فيك ربي يجزيك خير

اعملي بصيحة الاخ موح

وفيك بارك الله ،
أتمنى من كل قلبي أن أرى الجميع هنا سعداء،
وجميعنا هنا نتناصح ونتعاون في الخير،
وربما تجد ضالتك في نصيحة لأحد الاعضاء،
وتجد فيها الفرج والمخرج لمشكلتك،
ربي يبلغ المقاصد لكل قاصد إن شاء الله.
شكرا جزيلاااااااااااا لك.

[جمعي البشاري]

المشاركة الأصلية كتبت بواسطة moha75

يا أختي احسني عونو،
وإذا ما لقاش العون والصبر والمساعدة منك أنت،
مع من راح يلقاها؟؟؟
أنت قلتي عندو ظروف عائلية و مادية تمنعه،
هذا يعني أنو صادق ونيتو حسنة،
صدقيني أحيانا الظروف تكون اقوى من الإنسان،
يكون حابب يعمل ألف حاجة،
لكن ما باليد حيلة،
ما دام خلوق وطيب تمسكي بيه لأخر لحظة،
أصبري عليه ودائما فرجيها عليه وما تضيقيهاش،
أنت من الأول عارفة ظروفوا مليح،
فلازمك تتحمليه وتصبري عليه،
هو ما كذبش وما خباش عليك،
هو صريح وصادق معاك،
فقط المواعيد في وقتنا صعب أنك توفقها 100%،
هذا لا يعني انو لازم يبطل يواعدك باش ما يخلفش وعدوا،
نقولها دائما ونعاودها المرأة بإمكانها تغيير طباع الرجل للأحسن،

في الاخير نقولك
ربي يوفقكم ويجمع بينكم في الخير إن شاء الله،
أمين أمين.

جواب كافي وشافي
وربي يصلح الامور ويكمل بالخير

[وسيمツ]

أختي لازم تشوفي للجانب المملوء من الكأس، ما أدراكي أنه تغير من أجلك لأنه يحبك ؟؟؟ اي أنه ليس من طباعه اعطء وعود زائفة خاصة و ظروفو

المادية، أي راه يقولك هاكذا باش يطيبلك خاطرك و راهو يسعى جاهدا باش

يوفر الدراهم، هذا هو الأرجح أي لو كانت وعوده زائفة لما جاء و نفذ أكبر

وعد بعقد القران ، الزواج تضحية شوي من عندك و شوي من عندو و تأسسو أسرة سعيدة.

و ربي يكون معاك

[صالح القسنطيني]

معجبمش اضربيه

و ثم يعطيك وعد و شوفي اذا مزال ميوفيش بالوعد و لا طول اوفي بوعدو

[kawtar koukou]

فرج الله همك اختي
طولي بالك عليه
واتخذي له 1000 عذر
موفقة

[moha75]

المشاركة الأصلية كتبت بواسطة boudjamaa08

جواب كافي وشافي
وربي يصلح الامور ويكمل بالخير

أميييييييييييين يارب العالمين.
شكراااا لك.

[ابتغي الجنة]

اخرجي انتي مالحكاية ..لادات تاع العرس يحددوها لكبار ...يجو عايلتو لداركم ويتفاهمو
قوليلو هادي هيا الاصول