يا حراير كيفاش نعمل الصوص تاع puré

amina92 · 2013-06-19, 20:22

قولولي على أحسن طريقة لعمل الصوص ويعطيكم الصحة.

محبة الكتاب · 2013-06-19, 20:52

شوفي اختي هذاي تطلع بنينة ان شاء الله وكان تحبي ضيفي شوي فرينة باش تعقد شوي لاصوص انتاع البيري اللي طابت فيها البطاطا والا خلي شوي بطاطا من اللي طيبتيها في الكوكوط ضربيها مع لاصوص اللي طابت فيها باش تعقد ولبنات ايزيدو ايقولولك اذا عندهم وصفات اخرى ان شاء الله
https://www.djelfa.info/vb/showthread.php?t=1327089
www.djelfa.info/vb/showthread.php?t=886356

panpouna · 2013-06-19, 23:32

جيبي شوية لحم مرحي ولا اي نوع لحوم وما تهمش الكمية سخني الزيت ولا سمن ولا مرغرين في كسرونة و زيديلو اللحم +واحد مكعب ماجي دجاج و شوية ثوم مرحي +ملح+فلفل+ 2 مغارف فرينة حركي مليح وكي يتقلاو زيدي كاس ماء و نقسيلها النار وكي تعقد نحيها وبالصحة ولهنا
وعندي تاني وصفة واحدوخرا تجي بصدر دجاج ولا داند تقطعيه تزيديلو 3 مغارف كبار مرغرين واحدة فرماج شاف+ معدنوس+ ثوم+ملح+فلفل خلطيهم مليح و ديريهم في مقلة على نار قليلة وقلبيها خطرة على خطرة لازم تبقى الصوص بيضة وتقدري تزيديلها عصير قارص ادا حبيتي..ان شاء الله تعجبك

mzzmimi · 2013-06-21, 15:38

بالنسبة للدجاج حطي مغرفة بصلة مرحية مليح و كثري الثوم انا نحط 4سنات كبار شوي فلفل اكحل شوي زنجبيل ملح و مفرفة كبيرة دهان انا نستعمل المدينة او زبدة و قلي مليح الدجاج حتي تتكرمل لاصوص ثم صبي كاس ماء و ذلي النار اي طيبيها على نار هادية و في كل مرة قلبي الدجاج باش يطيب مليح لازم يطيب في ماء قليل من بعد كي يطيب حمري الجاج و تتحصلي على لاصوص خاثرة

touta2010 · 2013-06-21, 17:44

444444444444444444444444444444444444444444444

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري