Les crèpes **Les crèpes ** من مطبخي

[ladymillion]

بما أني غبت بزاف عن قسم الحلويات قلي خلي ندير Les crèpes نفيدكم بالوصفة نتاعي وطرق تقديمها حلوة لان راح نديرها مالحة غدا ان كنا من الاحياء ونوريلكم طرق تقديمها مالحة أيضا في قسم المقبلات


بسم الله
أولا المقادير الاساسية للكريب كما يلي :
الكاس لي كيلت بيه 250 مل
-3 بيضات كاملة
- نصف ملعقة ملح
- كأس فرينة
- نصف لتر حليب
- 2 ملاعق كبيرة مارغارين ذائبة
- عصير ليمون حوالي 2 م ص
- 2 ملاعق كبيرة سكر + فاني
((( كي ديريهم مالحين نحي السكر والفاني فقط )))


الطريقة :

اخفقي البيض مع الملح حتى يطلع شوي + المارغارين ذائبة


+الفرينة على مرتين + الليمون واخفقي و ويكون هكذا القوام نتاعو ثقيل




من بعد أضيفي الحليب على 3 مرات واخبطي أنا هنا استعملت fouet

هاذا هو قوامو بعد اضافة الحليب يكون سائل


دورك حطي المقلاة على نار متوسطة خليها تسخن أنا معنديش مقلاة مخصصة للكريب نستعمل دائما هاذ المقلاة لازم تكون متلصقش والحمد لله يجيو ملاح والاهم البنة
متحطيش بزاف من الخليط في المقلاة باش يجيوك خفاف وكي الورقة كي تحطي كمية أحكمي المقبض نتاع المقلاة ودوري حتى تتخطى بالخليط كيما في الصورة


كي تشوفيهم حمارو من الاطراف قلبيهم شوفي كيفاش حومر وخليهم يزيدو يطيبو من الجهة الاخرى ونحيهم من المقلاة وحطيهمفوق منشفة ولازم تخطي عليهم


ها هم طايبين من الجهة الاخرى




هاذو هوما لكريب نتمنى ستفدتو من وصفتي



الان رح نمدلكم طرق تقديمهم حلوين
كريب بمعجون الفراولة والفواكه :

حطي شوي معجون وندهن حبة الكريب ونروليها ونقطعها ونرشقها في الكوردون مع الفاكهة لي تحبي





تارتة الكريب بالشوكولا :
نحط حبة كريب وندهن بالشوكولا ذائبة ستعملت منى مع شوي ماء بعد ما تذوب باش تسيل شوي



ونزيد حبو ثانية وندهن هكذا وحطي كيما تحبي الحبة الاخيرة حطيها على وجهها الاحمر وزينيها كيما تحبي انا خدمت كريمة الشانتيي وحطيت حبات كرز كيما في الصورة





هاهي بعد ما قطعتها هايلة بطبقاتها الرقيقة والشوكولا ذايبة



وهاذي طريقة اخرى سهلة جدا تدهني حبة الكريب بالمعجون لي عندك وطبقيها على 2 ثم على 4 وقدميهم بشكل بسيط مع كريمة الشانتيي ولا كيما تحبي



وهاذو بنفس الطريقة لكن بالشوكولا




وهاذو الاطباق في 3 نتمنى يعجبوكم وتقيموني لأني درتهم على جالكم

[*رفيقة الدرب*]

ما شاء الله هذي السجاوة ولا خلي تقولي شاركتي في مسابقة هههههه غيرتيي شوف ليكراب واش دارو هههه

[*رفيقة الدرب*]

++
ahla takyiiiiiiiiiiiiiiiiiiim

[ladymillion]

لك ألف شكر وربي يعطيك صحتك بارك الله فيك

[*رفيقة الدرب*]

يا ختي راني نقرى في وصفاتك ما شاء الله عليك ياريت وصفة كيكة الهرم

[بثينة 123]

رائع جدا بانتظار المزيد من الابداع

[ladymillion]

المشاركة الأصلية كتبت بواسطة dadou mascarienne

يا ختي راني نقرى في وصفاتك ما شاء الله عليك ياريت وصفة كيكة الهرم

راني درت عليها موضوع كامل فتشي في قسم الحلويات تلقايها حطيت الوصفة مع الخطوات

[*ام رامي*]

ماشاااء الله تسلم الايادي
عمل متقون ومتعوب عليه

[ام راضية]

يعطيك الصحة عمل متقن ومحهود تشكرين عليه

[linat]

يعطيك الصحة رائع

[أم ياسين الزهراء]

امممممممممممم هايلين يعطيك الصحة بنتي تموت عليهم راح نخبيلها الوصفة تتعلم منها شرحك ممتاز بارك الله فيك

[أم عامر]

يعطيك الصحة أبدعت في التزيين و التقديم

[oum ibrahim]

يعطيك الصحة لادي طريقة مبسطة وواضحة و افكار جميلة للتزيين بارك الله فيك

[besbes]

الله يعطيك الصحة

[لمسة حنية]

ماشاء الله رووووعة كروعتك اختى راهو يشهي وجاري التطبيق ع قريب ان شاء الله