ساعدوني في وصفات الارز مع صلصةالدجاج او اللحم

noha_ali31 · 2013-01-28, 12:13

اريد وصفات الارز مع صلصةالدجاج او اللحم التى تعمل في المطاعم كمااريد المساعدة في التوابل اللازمة في المطبخ وتجي مع كل الاصناف

noha_ali31 · 2013-01-30, 13:10

كل هده المشاهدات ولا رد ,متبخلوش عليا وصفة واحة تكفيني والف شكر

شهـرزآد · 2013-01-31, 10:45

ان شاء الله يفيدوك

oum ayyoub · 2013-02-03, 23:27

اختي نعطيك وصفة هندية كليتها في مطعم هندي و من بعد درتها في البيت جات بنينة
ارز بسمتي او اي ارز اخر ديري مقدار ارز بسماتي مع مقدارين ماء خلي الماء يغلى ثم ضعي الارز و ورقتين رند و مغرف صغيرة كمون حب و عود قرفة و ملح و زيت و خليهم 8 دقائق و من بعد نحيهم من فوق النار و غطي الكاسرونة
بالنسبة للصلصة هادي تقدي دريها مع جمبري او لحم خروف او دجاج كيما تحبي
3ملاعق كبار زيت
بصلة مفرومة ناعمة
3 سنات ثوم مفروم
3 ملاعق صغار زنجيبل طري مفروم
65 غ لوز مطحون اختياري
2ملاعق كبار نواة كوكو اختياري انا درتو
3ملاعق كبار كاري حلو
مغرف صغيرة كركم
نصف مغرف صغيرة فلفل احمر حلو
ملح
فلفل اسود
نصف كاس ماء ساخن
كريمة طازجة 250 ملل
ياوورت طبيعي باش تجيك لاصوص بزاف كيما تحبي
لحم كيما تحبي 500 غ او 700 قطع صغيرة
مغرف صغيرة طماطم مصبرة
للتزيين اختياري بصح يجيك شباب كون كاين الضياف شبحيهلهم باللوز الافيلي و نواة كاجو او بيتاش

طريقة التحضير بالنسبة للحم و الدجاج قللي اللحم و الدجاج كيما متعودين و من بعد اضيفي الكريمة
اما الكروفات قللي البصل و الثوم و الزنجبيل و ديري التوابل و من بعد الكريمة و مين يسخنو كامل ديري الكروفات و خليها طيب على نار قليلة
اختي ننصحك باش ديريها راهي ساهلة بزاف برك التوابل هما للي يبنو على الاقل نوعو لعائلتنا و نديرولهم اطباق اجنبية
هذا طبق هندي مئة بالمئة ا
اسمه Korma d'agneau ou poulet ou crevette
راني جربته بالجمبري و لحم الخروف حتى نديرها في مواضيعي ان شاء الله و صورته بالجمبري اما بالخروف نسيت
ان شاء الله راكي فهمتيني اي حاجة ما فهمتيهاش قوليهالي نشرحلك باذن الله

salahmilano · 2013-02-05, 15:38

هذه وصفة مثل الكبسة السعودية
1-أولا اغلي الأرز قليلا ومن بعد فوريه وكي يطيب خليه على جنب
2-ثاني حاجة اقلي البصلرقيق مع اللحم او الدجاج مع نصف حبة طماطم والقلي يكون بالزبدة والزيت
3-التوابل ملعقة كمون راس الحانوت وقليل من القرفة واكيد الا حبيتي ديري أصوص حمرة ذيري فلفل عكري وفلفلة حمراءوالرند
4رابعا كي يطيب اللحم والدجاج ننزعهم من القدر ونخلي شوي أصوص تقريب كاس ونرمي الأرز الي فورتو مع الزعفران من فوق ونغطى القدر حوالي 5دقائق
5-خامسا االلم او الدجاج الي نزعتهم الاحبيتي حمري الدجاج في المقلات وكذلك الحموعند التقديم قطعي حبات زيتون من فوق والا حبيتي رفقي معها سلطة الفلفل مع الطماطم والبصل الي حاب يزيد من فوق
انشاء الله انكون وفقت في الوصفة ادعلي لبناتي بالصحة وطول العمر

noha_ali31 · 2013-02-05, 16:35

شكرا على الوصفات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري