الدرس رقم 30 من دورة تعليم الحلويات

[islam1aya]

السلام عليكن احلى اخوات

ان شاء الله تكونو في احسن حال


الدرس رقم "30"من دورة تعليم الحلويات

بعد الغياب وبعدحلوة الشاراك المطلي والمسكر اتيتكم بحلوة تقليدية لذيذة وبحشوة اممم وهي
حــلـــوة الــكـــــفــــة
بحشوة الجنواز وكريمة الزبدة

مقادير الشاربات
كاس ماء
نصف كاس سكر عادي
عصير ليمونة صغيرة

نحط المقلدير في كسرونة ونتركهم يغلو حتى تصبح شاربات شوية عاقدة ولونها رايح للاصفر

مقادير الجنواز
6بيضات كاس فرينةكاس سكر نصف كاس نشاء ملعقة قهوة فاني ملعقة قهوة خميرة كيميائية
نضرب البياض مع نصف كمية السكر والصفار مع النصف الاخر للسكر والفاني نمزج الخليطين ونضيف الخميرة والنشاء والفرينة منخولين ونحرك بملعقة من اسفل الى اعلى ونسكب الخليط في مول مدهون بالمرغرين ومرشوش بالفرينة والى الفرن
للامانة هذه جنواز ام رامي انا اعتمدها
بعد ما اطيب الجنواز نتركها تبرد ثم نرحيها في الروبو

مقادير كريمة الزبدة
كيلة فوندون
كيلة زبدة
مثلا 125غ زبدة 125غ فوندون
فاني
عطر الكرامال

اختاري نوع المارغرين الي مافيهاش الريحة مثل بلاط الحرة ماشي رابحة او ماتينا
اذا كان الفوندون جامد حطيه في كسرونة ودريه شوية في حمام مريم غير شوية ونحيه ماتتركيهش يسخن لانه يذوبلك الزبدة
خلطي الفوندون والمارغرين بالباتور مليح اضيفي نكهة الكرامال والفاني
الكريمة واجدة

اضيفي للجنواز كمية من اللوز مطحون متوسط

نجمع الجنواز بكريمة الزبدة وهذه حشوتنا جاهزة

مقادير عجينة اللوز
كيلة لوز مطحون ناعم ومغربل
كيلة سكر رطب
انا كيلت بالصحن الشربة متوسط
ملون غذائي انا استعملت الوردي
ملعقة كبيرة زبدة

نجمع عجينة اللوز بالشاربات الليمون المحضرة مسبقا
وهذا شكلها اعجنها شوية بيدك

طريقة التحضير
نرش فوق طاولة العمل سكر قلاص
نحل عجينة اللوز السمك يكون متوسط
نعمل حربوش من الحشوة ونحطوه فوق عجينة اللوز

نسوي الحربوش مليح

نقطع معينات بالسكين وكل مرة نحطوه في السكر الرطب باش الشكل اجي مليح

ناتي الى عملية التزيين
نحضر عجينة اللوز ب3 الوان انا استعملت هنا المشرية

نصنع ورود واوراق

نزين الكفة نثبت الورود والاوراق ببياض البيض نمسحها بالناكري
وانا ننصحكم بالناكري قوس قوزح
arc en ciel

راه يباع في المحلات تع الحلويات يعطي منظر هايل
هنا الكفتة جاهزة متقدميهاش في الحاويات حتى تنشف باش ماتزيتهمش

طريقة التقديم

ان شاء الاخوات الي حبين يتعلموها انكون توفقت في الشرح
وهي لذيذة جدا وتخرج كمية مليحةوتقعد طرية مدة طويلة والكريمة لفيها ماتفسدش بسرعة مافيهاش البيض
لاتنسوني بصالح الدعاء
مع تحيات اختكم أم إسلام وآية ويوسف

[ماما ليث]

جزاك الله خيراااااااااا

[*عاشقة الجنة*]

جزاك الله الف خير امنا الغالية

شرح كاف وواف .........بوركت

سلامي ل إسلام و آية و يوسف

[habiba12]

تسلم الايدك

[liliane24]

الله يبارك أختي أم إسلام و آية و الله مبدعة، هذا قمه الإبداااااع

[natacabell]

choukran lah yabrek rabi yahafdak ala fikra tabakt tcharek dyalak gateaux taa chocolat ou les ammandines jawni gaa hayline diitlak rabi yatik matatmenay rabi yahfadlak wlidatek islam aya youcef machkoura hanouna

[الصوامعية]

يعطيك الصحة بارك الله فيك عزيزتي أم إسلام وآية توحشنا دروسك

[لمسة حنية]

تسلم ايديكي راااااائعة وفي القمة وخاصة لما عملتي الحشو بلجينواز
فكره ملييحه وشكل تاني يهبل
عجبني بزااف واااصلي ومنكي نتعلم ربي يحفظلك اولادك ويجعلهم من حافظين القران

[rahma1996]

merçiiiiiiiiiiii

[بشرى2008]

بارك الله فيك

[&أسيل&]

روعة ماشاء الله
قوليلي باش ترحي اللوز باش يجيك غبرة انا دايما ماننجحش سيرتو الكوكاو الا عندك فكرة قوليهالي تعيشي
هذي الكمية وشحال جاتك من حبة ؟؟

[fifiarch]

الف شكر على الشرح
مبصح قوليلي كون نحب نعملها بعجينة اللوز لي تتباع في السوق كيفاه ندير

[ام عصام]

يعطيك الصحة حنونة راني جربت مرة الكفتة الحشوة جاتني الله يبارك لكن اللوز جاتني فيه بنة معجبتنيش معرفتش من نواش

[**نور اليقين**]

فكرة جديدة
يعطيك الصحة
وربي يحفظلك اولادك

[yousra26]

merciiiiiiiiiiiiiiiiiii baraka lahou fik