عندي هذه الوصفة اتمنى تعجبك.
tartelette au caramel
500غ مارغرين +200غ سكر ناعم+1ملعقة فانيلا+2حبات بيض+1خميرة نضيف الفرينة حتى نحصل على عجينةطرية نحلها رقيقة ونضعها في قوالب التارتولات رقم 8 نثقبها بالشوكة وندخلها الفرن تطيب.
الحشو
نحضر الكراميل بوضع 250غ سكر عادي في كسرونة خفيفة نفتله بشوية ماء (2او 3 ملاعق ) يوضع على نار هادئة حتى يذوب السكر ويصبح لونه ذهبي مش بني .نبعده عن النار ونضيف له علبة قشدة ( crème fraîche)ونحرك بسرعة ثم نضيف 50غ مارغرين (1ملعقة كبيرة)نحرك جيدا نعيدها للنار تغلي غلية واحدة ونطفئ. بعدما يبرد نضيف المكسرات (كمشة لوز+كمشة جوز+كمشة بيستاش الكل مكسر خشن) .
الكريمة
كاس غبرة الشانتيي (chantilly)+كاس ماء بارد جدا نضرب حتى نحصل على كريمة.
نذوب 2علب شكولا ونتركها تبرد (تكون ذائبة وباردة) نفرغها على الكريمة ونحرك دورتان فقط لنحصل على شكل رخامي(marbrée).
نحشي التارتولات بالكراميل والمكسرات.
نعع الكريمة في كيس مخروط la poche a douille ونزين بها الحلوى ثم تزين بحبيبات الشكولا les pépites de chocolat .