*-*قاطو النيسلي للأعراس والمناسبات هشوش و بنين امممممممممم من مطبخي*-*

[*بيتي مملكتي*]

اليوم كملت قاطو النيسلي عملتو لعرس سلفي ربي يكملو و يهنيه

و ذلك بمساعدة حبيبات قلبي شقيقتاي أم زياد (اسم عضويتهاLOSIANO)و sihem nrdn (هذا اسم عضويتها معنا) نقلهم ربي يعطيك ما تتمناو في الدنيا و في الآخرة


لذلك حبيت نحطهولكم تستفادو منو ا حصريا على منتدى الجلفة

لنبدأ على بركة الله

المقادير:

راح نعطيكم مقادير نتاع 110 حبة و انت تقدري تعملي النصف أو الضعف حسب الرغبة وحسب المناسبة


العجينة: هي عجينة الصابلي السكر فيها قليل لمعادلة المذاق الحلو مع الحشو لأنو حلو بزاف

- 500غ مرغرين طرية (أفضل صول على لابال لأنو لابال في القاطو تطلق ليدام بزاف)
- 4 ملاعق كبار معمرين سكر رطب
- 2 حبات بيض
- ملعقة صغيرة فاني بودرة (تحبي تضيفي زاست الليمون إختياري)
- 2 ملعقة صغيرة خميرة الحلوى
- فرينة للم العجينة


الحشو:

- 2 علب نيستلي
- كمشة لوز محمص و مرحي رقيق كيما نتاع البقلاوة
- علبة نتاع 400غ pate à glacé (عبارة عن شوكولا خاصة بالقلاصاج)

للتزيين: (البيستاش المخادع)


- 200غ كاوكاو محمص و مرحي رقيق كيما نتاع البقلاوة
- معطر الفستق (البيستاش)
- ملون أخضر فستقي (vert pistache) من الأفضل سائل
- قطرات ماء




هذي هي pate à glacé







طريقة التحضير:

العجينة : امحري باستعمال راحة يدك (كفك) المرغرين مع السكر جيدا حتان تعطيك كريمة ضفي البيض واحدة واحدة مع المحر دائما ثم ضفي الفاني ثم الخميرة مع الفرينة حتان تعطيك عجينة طرية












خذي كويرة قد حبة الجوز و قرصيها في يدك و أدخليها المول نتاعك سواء مربع أو دائري الشكل حسب رغبتك

و سوي الجوانب و القعر نتاع المول بالعجينة
أكملي الكمية كاااااااملة ثم ثقبي الوسط نتاع لي مول بالشوكة باش ما تنتفخش العجينة و تفسدلك الشكل





ثم ضعيها في فرن مسخن مسبقا على درجة 180° في الوسط حتان تصبح وردية اللون على حواف لي مول

دعيها تبرد ثم أنزعيها من المول برفق حتى لاتتكسر









الحشو:

ضعي النيستلي في لاكوكوت و ضفي الماء بحيث يوصل لمنتصف العلبة نتاع النيستلي

أغلقي عليه و كي تبدا تصفر الكوكوت أحسبي ساعة ثم أطفئي و انزعي العلب منها و ضعيها تحت الحنفية باش تبرد شوية

أتركيها مدة ساعة حتان تبرد العلب مليح ثم أفتحيها و ضعيها في صحن عميق راح تكون هناك تكتلات بواسطة الملعقة أخلطي جيدا حتان تروح التكتلات

ثم ضفي اللوز المطحون كميته حسب رغبتك و حركي جيدا



ثم احشي القاطو نتاعك حوالي ملعقة صغير فلي مول المربعة و ثلاثة أرباع ملعقة صغيرة فلي مول الدائرية الشكل

تكوني ذوبتي الpate à glacé على حمام مائي
حذاري ما تضيفيلها والو من السوائل راح تجمد معاك

ضفيلها فقط ملعقة صغيرة نيسكافي بودرة حكيها بين يديك باش تولي غبرة و ضفيها للشوكولا (pate à glacé) وهي ذايبة و حركي بالخف

التزيين: (البيستاش المخادع)


هي وصفة الغالية الحبوبة أم زياد ربي يحفظو



الكوكاو المرحي ضيفيلو ملعقة صغيرة معطر و قطرات ماء و الملون إذا كان سائل ضفيه مباشرة و إذا كان بودرة حليه في شوية ما

ثم حكي الكوكاو بين يديك باش يتلون بالملون و يتعطر مليح
إذا جاك ناقص ملون ضيفيلو حتان تلحقي للون المطلوب و اللي هو لون البيستاش

ثم أفرشيه في بلاطو وأدخليه للفرن ساخن مدة 5 دقائق (فكرة الفررن كانت للغالية فايزة 44 شكرا حنونة مواح)

كي تخرجيه خليه يبرد شوية و حكيه مرة أخرى بين يديك باش تتنحالو التكتلات

راح يخرجلك هكذا



ثم غطي النيسلي اللي درتيه في القاطو بالشوكولا اللي ذوبتيها وهي سخونة لأنو كون تخليها شوي راح تنشف ليه ليه و مباشرة حطي البيستاش المخادع نتاع التزيين بالطريقة اللي تعجبك
أنا مثلا عملت أنصاف مربعات (أو دوائرحسب شكل المول) بالبيستاش المخادع و الأنصاف الأخرى خليتها شكولا






ثم زينتها في الأخير باللماع الفضي ووضعتها في كيسات البرودي ثم في كيسات فضية مزخرفة
ما عندي ما نقولكم جربوه و احكموا بانفسكم

تقدرو تعملو نصف الكمية تمدلكم 50 أو 60 حبة

و هذي هي الصور النهائية






















وهذا محمد زياد حبوبي أول وحدة ترد تاخذ الحبة هذيك من إيديه الحلوين





شكرا لك أم زياد حبوبة (LOSIANO)
شكرا لك حبيبتي الغالية سهام (sihem nrdn)

مواح حنوناتي ربي يخليكم ليا


شكرا لكل من فتح صفحتي

و لا تنسوني من صالح الدعاء أخواتي لي و لأختاي الحبيبات

[ميار صهيب]

رووووووووووووووووووووووووووووووووووووعغة
اممممممممممممممممممممممممممممممممممممممممممممممم
شهتيني
جزاااااااااااااااااااااااااااك الله خيرااااااااااااااااااااااااااااااااااااااااااااااا ااااا

[عبير ORAN]

ما شاء الله موضوع في القمة

شكرا على الكيفية

تحياتي

[touta2010]

ممممممم الله يكون في عونك وشكرا على القاطو

[أم ياسمينdz]

الله يبااااااارك روعة تسلم الايادي اختي

[ikhlasse25]

روعةةةةةةةةةةة يعطيك الصحة وخاصة على البيستاش المخادع

[ام إثري]

الله يبارك
يعطيك الصحة ام اياد وربي يكمل فرحكم بالصحة والهنا
راني خبيت الوصفة نديرها في عرس خويا باذن الله

[ليلى اماني]

الله يبارك يعطيك الصحة و شكرا على الوصفة

[*بيتي مملكتي*]

المشاركة الأصلية كتبت بواسطة ميار صهيب

رووووووووووووووووووووووووووووووووووووعغة
اممممممممممممممممممممممممممممممممممممممممممممممم
شهتيني
جزاااااااااااااااااااااااااااك الله خيرااااااااااااااااااااااااااااااااااااااااااااااا ااااا

المشاركة الأصلية كتبت بواسطة عبير oran

ما شاء الله موضوع في القمة

شكرا على الكيفية

تحياتي

المشاركة الأصلية كتبت بواسطة touta2010

ممممممم الله يكون في عونك وشكرا على القاطو

المشاركة الأصلية كتبت بواسطة الأميرة الساندريلا

الله يبااااااارك روعة تسلم الايادي اختي

المشاركة الأصلية كتبت بواسطة ikhlasse25

روعةةةةةةةةةةة يعطيك الصحة وخاصة على البيستاش المخادع

المشاركة الأصلية كتبت بواسطة ام إثري

الله يبارك
يعطيك الصحة ام اياد وربي يكمل فرحكم بالصحة والهنا
راني خبيت الوصفة نديرها في عرس خويا باذن الله

المشاركة الأصلية كتبت بواسطة ليلى اماني

الله يبارك يعطيك الصحة و شكرا على الوصفة

شكرا لكن حبيباتي تشجيعاتكن هي سبب اجتهادي

أم إثري حنونة ربي يكمل عزيزتي

[أم محمد تاج]

روووووووووعة حنونة ويسلم ذوك اليدين وربي يبارك في خواتاتك حنونة

[oum ibrahim]

يعطيك الصحة يا الغالية الف الف شكر على الحلوى الرائعة تهبل راني خبيتها بنفس الطريقة الي علمتيهالي ايضا ربي يخليك ويكمل فرحكم بالصحة والهنا
سلامي للبوبون زياد وامه بلا ما ننسى سهام ربي يخليهملك

[لمسة حنية]

ماشاء الله رووووووووووعة وتحفه
ربي يجزيك الله خيرا ويفرحك اختى ويجعل ايامكم كل افراح

[hanane220]

شكرا يعطيك الصحة حبيبة على التطبيق رائعة قاطو جميل

[om anous]

ما شاء الله .....يعطيك الصحة ومبروك على سلفك
وربي يخليلك خياتك بارك الله فيكن

[أم عامر]

ما شاء الله وصفة هااايلة
يعطيك الصحة و يبارك فيك