وصفات من حراير مطبخ وش طيبتي اليوم

[الأمنيات]

الاخت idron0
يعطيك الصحه على المجهودات في نقل الوصفات هنا معظمهم غير انتي بارك الله فيك كلمه شكر لاتكفي

[ام سهام 02]

اهلا بيك ايدرينو ليك وحشة حبيبتي ان شاء جوزتي عطلة ممتعة مع الاهل بصحتك ماذابية تشاركي معنا في الكوزينة معليش بلا صور على كامل يحبوك ربي يجازيك كل خير

[ريماس وصهيب]

السلااااام عليكم

[idron0]

معجون الصفرجل ام محمد تاج

قشري السفرجل بالحبة وبرجيها واعصري عليها القارص وحكي مليح باش مايكحالش يعني تخدمي بالحبة حتان تكملي الكمية لي عندك وحطيه يتفور مليح مليح ومبعد حطي الابراج تاعك في كوكوط ثقيلة وديري كيلو سفرجل بكيلو سكر وعصير قارصة وحطيه يبات في مكان بارد والغدوة من ذاك طيبيه حتان يتنحاو منو الرغوة البيضاء وخليه غير يدفا وارحيه وبالصحة.

[idron0]

الخفاف ام ساجد

كاس ماء دافئ + ملعقة طعام خميرة خبز +ملعقة سكر نخلطهم مع بعض ونخليها 10 دقائق ونضيف كاس ونصف فرينة وملح ونخلط بملعقة خشبيةونخليها تخمر ولما تخمر نهبطلها الخمور بمغرفة الخشبونكرر العملية مرتين والثالثة نشكل طول نبلل يدي بالماء ونهز بالشوي عجينة ونحط في الزيت سخون وبالصحة .


إضغط هنا لرؤية الصورة بحجمها الطبيعي.

[idron0]

مسكوتشو بالكاكاو ام رحاب

4حبات بيض وكاس سكر وكاس زيت وكاس ماء و2خمارة تاع الحلوة وزاست تاع القارص و2 مغارف كاكاو واتخلطيهم مليح ودزيدي 2كيسان تاع الفارينة والكاس الي درتي فيه السكر اتكملي اتكيلي بيه كلش واخلطي مليح وادخليهم للفرن وكي اتخرج ديريلها الشيكولا وباطة تاع دانون تاع شيكولا واطليها من الفوق وان شاء الله تعجبك راهي خفيفة لدرجة ماتتصوريهاش .

إضغط هنا لرؤية الصورة بحجمها الطبيعي.

[أم ماجد]

من طلبو وصفة قاطو كحلوشي زهرة قاطو الشمعة متخافيهش اسهل حاجة التزين نتاعو ساهل كي ديري حربوش نتاع نوع اي قاطو ميطيبش قطعيهم مستطيلات وديريهم يشدو روحهم في الثلاجة ومبعد اعدلي الحبة بصبعك من فوق على شكل شمعة ذايبة ومبعد وقفي المسطيل فوق طبسي وكبي الشيكولا البيضة بالمغرف فوقو وبالموس ديري حرابش برك وعود قرنفل من فوق او فارميسال سوداء جربيه راهو زاكي بزاف ويطيح كمية مليحة انا كيلت بكاس نتاع قازوز برك طيحلي 25 حبة الحشو درت نواد كوكو ونيسلي وفاني واول مرة نجربوجا بنين بزاف
قاطو كحلوشي:
المقادير : 500غ زبدة اي نوع + كاس زيت + كاس سكر ارطب + 4 حبات بيض زوج مجمولين وزوج صفار وحدو + 3 مغارف كاكاو + فاني +باكي خميرة + فرينة تلمي بيها لعجين
الحشو نواد كوكو ومعجون مخلطين او تقدري ديري كاوكاو ومعجون انا درت نواد كوكو مع معجون
التزين: شيكولا سوداء مكسرات او حسب الرغبة
طريقة التحضير : تخلطي جميع المقادير وتلمي بالفرينة لعجينة تجيك طرية نوريلكم طريقتي انا نستعمل صاشي نتاع نيلو نشد نحط فيها قرصة نتاع لعجين نقفل من فوق بصاشي اخرى ونحل لعجين بالحلال ونقطع دوائر بكاس تاي كي تهزو الحبة تتنحالكم بسهولة وعجينتك تبقى طرية ماشي حبات طرين وحبات يابسين خطراه كي نحلو القاطو بالفرينة ونطبعو حبات القاطو الحبات لخرين دايما يبسو بصح الصاشي تبقى لعجين كامل طري كي يطيب بلاكش كاين لي يعرف هاذي الطريقة مبعد تشدي تحطي الحشو بالمغرف صغيرة فوق دائرة وتقفلي بدائرة اخرى وتعدلي حبة القاطو على لحواشي بيدك هو الشكل يجي بومبي يعني حبة القاطو تجي عالية شوي مع لخميرة يزيد يطلع انا راهو جاني شوي هابط زربتو في الخدمة خطراه درتو قبل منديوه بنهار لي مفهمتش اي حاجة تقلي مكان حتى مشكل

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[أم ماجد]

تاجو و ام رجاء زهورة عويناتكم الحلوين يا حلوات
ام تاجو الطبقة الولى حطيت فوقها سنيوة جاتني كامل مستوى واحد تهبل و التانية و الثالثة ماحطيتش راقبتها كي كانت تطيب لقيتها مستوية ايا ما درتلهاش و الكريمة الي من داخل كريم موسلين كون رايحة نزيدلها مغرف كراميل خفت نفسدهي خليتها بالفاني درتلها مغرف كبيرة فاني سائلة و مغرف صغيرة فاني بودرة
و الي من فوق عندي نص علبة فوندون ماكفاتنيش زدتلها شوية حليب و بديت نزيد في السكر و زدتلها مغرف ديكوجال كراميل امممممممم يعطي ذوق روعة حتى وصلت للقوام المطلوب و ذوبت الشوكولا و زدتلها مغرف من الفوندون و زينت الميلفاي
ام رجاء ازربي روحي تشري المرغرين مازالك هنا ؟؟ههههههه شوفي الله يبارك رطل فرينة و 250 مرغرين خرجلي 18 حبة متوسطة واقيلة نولي نبيع ههههه
نصائح ام برهوم ملكة الباتتيسري

[fadila34]

يطكم الصحة على كل المجهدات تعلمنا من المبدعات

[lehna]

بارك الله فيكم

[ام هاديل وياسين]

يعطيكم الصحة كل شيء هايل

[ام سراج وملاك]

تتبيلة الشاورما nihale89

شوفي التتبيلة نتاعي رووووعة تقول راكي تاكلي في شاورما نتاع سوريا بنة هبال وزيد ماجيش ناشفة
المقادير ندير عيني ميزاني نحاول نبسطلك
نحط الدجاج ولا سكالوب في صحن غامق
ندير ملح فلفل اسود فلفل احمر حار كمون
زعفران او العرق الاصفر باه يعطيك لون رائع
شوية ثوم
ملعقة خل وموتارد 2 ملاعق كبار كرام فراش اييييه كرام فراش هي الي تعطيك البنة
خاوتي عندهم بيتزيريا معروفة وبيعو الشاورما
هوما الي قالولي
جربيها ورديلي

وهنا تبلت الدجاج




وهنا راهو يطيب




وهنا قصيتو

[idron0]

تتبيلة الشاورما تاع شميشة oum radja
جيبي شرائح دجاج هي دارت دجاجة كاملة ديزوسي
وديري عليها ياوورت طبيعي حسب الكمية لي عندك يعني من زوج علب واكثر
دارت توابل الشاورما قالت يتباعو واجدين
انا درت شوية راس الحانوت وكمون وفلفل احمر حار و كركم
وسنينات ثوم مرابيين و ملح ومرات ندير مكعب جومبو دجاج يعطيها بنة هايلة
خلي الدجاج تاعك يبات في التتبيلة او يبقى فيها ساعة على الاقل
ومن بعد ديريه في ورق الطبخ لي نديرو بيه الكيكات ولفيه وزيريه في الجوانب كيما حبة الحلوة
وعاودي العملية باش تحكمي الاغلاق ومايتسربش السائل في الطهي
وحطي الحربوش تاعك في سنيوة ودخليه للفرن تقريب ساعة طلي عليه مرة على مرة
وخرجيه وجيبي سكين حاد وقطعي شرائح الشاورما تاعك

إضغط هنا لرؤية الصورة بحجمها الطبيعي.

[ام ساجد]

وصفتي تاع السيڤار ** الامنيات**
كاس شاي زيت وكاس شاي سكر وزوج بيض وزاست تاع برتقال ولا قارص ولا فاني وملعقه جلجلان مقلي هادي اضافه من عندي تجي بنينه وذوق
وحده خماره وتلمي بالفرينه وتشكلي صبيعات صغار وتقليدفي زيت يكون سخون ومن بعد تنقصي على النار وتقليه مليح

[ام سراج وملاك]

تارت التفاح

العجينة : 250غ فرينة+150غ مرغرين + 2 مك سكر ناعم + فانيليا +رشة ملح + اجمعي العجينة بصفار البيض + خليها ترتاح +ثم حليها في مول التارت وخليها بجيه بلا ما

طيبيها .

الكريمة : 2 كيسان حليب + 3 مك سكر + 2حبات بيض + 2 مك مايزينة + فاني +ديري كامل المكونات في الكاسرونة فوق نار هادئة مع الخلط المستمر حتى تثقال فرغيها

مباشرة

فوق العجينة وزينيها من الفوق بالشرائح التفاح و دخليها الى الفرن في الاول شعليلها من الاسفل و مبعد شعليلها من الفوق وكيتخرجيها ادهنيها من الفوق بالعسل .