السلام عليكم و رحمة الله و بركاته
آسفة حبيباتي على الانقطاع لظروفي الخاصة
لكني متابعة لكن يوميا على الصامت ههه
لكن لفتني رد الأخت فراشات العمر و كل مرة أحاول الرد أنشغل بموضوع آخر
اقتباس:
المشاركة الأصلية كتبت بواسطة فراشات العمر
المشاركة الأصلية كتبت بواسطة أم الأمورتين
قراراتي لعام 2016 و التي سأعمل جاهدة على تجسيدها على أرض الواقع أكثر من أي وقت مضى
المحافظة على الصلوات في أوقاتها و بصفة خاصة صلاة الفجر لأني الصراحة لا أقوى على النهوض باكرا يعني راكي حازمة هذا العام ربي يوفق
أن أنسى كل ما تعرضت له من حقرة و كلام يسم البدن مبارك عليكي لقد فزت بحسناتهم علابالك بلب لي يعرض اعمالو على ربي ومن بعد راه سب هذا وشتم هذا ووو الله يبارك عندك ما لميتي حسنات وكلي عليهم ربي وديري في بالك بلي راكي تلمي في الحسنات و أعيش في بيتي سعيدة الحمد لله يعني عندك بيت مع زوجي و أطفالي،علاه ما قلتيش بناتي لازم تفتاخري بيهم وتحمدي ربي الجميع عايش حياته بالطول و بالعرض هذا حقهم و حتى واحد ماعلابالو بيا في الوقت الذي أذرف فيه الدموع و أفسد انتي لي قررتي افسادهاسعادة عائلتي و أنغص عليهم علا تبكي ياك الحل ماشي بايدك وهوما عندهم الحق ماعلابالهمش بيك ماهمش حابين يزيدوك هم عليهم عيشي حياتك
و أكثر حاجة مصممة عليها هذا العام هي أني نحط كل واحد عند حده،شوفي كي يبداو يجبدو الكلام اخرجي باه توليلهم غيبة او بهتان و ما نسمح حتى لواحد باش يؤثر في علاه تحكيلهم سرك و لا يخليلي غصة في قلبي شكون هما حتى ينغصولك قلبك راكي دايرتلهم الشان كثر من الازم انسايهم نحيهم من بالك ديري روحك عايشة مع امراض عقلية ديري في بالك بلي انك انتي لي سكتي نهار لول وحكيتيلهم سرك لأني بصراحة تعببببببببت الان عندك اقتراحين يا اما تكملي سكاتك وتحتاسبي اجرك عند ربي وتلمي الحسنات او تضربيهم في الناقص بكلمات يبردو القلب مانيش نهدر على عجوزتك استحمليها اما البقية واش دخلك او شه او كي تخلصي صفقي على روحك او نظرة استهزاء وتعجب واخرجي او ماترديش على كلاهمم جواب الاحمق سكوت او قوليلهم ربي يهديكم او جعلها الله في ميزانكم
و قررت ثانيث باش نحول بيتي الى جنة و نخليه يلمع بالنظافة و الترتيب، هذي راني كيفك أنشط يومان ثم تنتابني حالة البكاء البكاء لغير الله فانتي تتغابين و أنسى بيتي لأيام اللهم الا من الطبخ و التنظيف السطحي جدا هذا السلاح نتاعهم خليتيهم يقولو خالية وماهيش مهتمة بيبيتها راكي تمديلهم في اللاز
أيضا حابة نتقن السياقة عندي 3 سنوات ملي ديت الرخصة و لكن رجع لي الخوف لما طولت ما سقتش ايييييه الله اكبر انا عمري ما حلمت ندير حاجة كيما هكا الله يبارك سياقة والله غير راكي فحلة وعلاه تبكي حنونة
بالاضافة الى النهوض الباكر حتى أستطيع مزاولة الرياضة ساعة كل يوم لتخفيف وزني رغم أنه مش كبير، و الاهتمام أكثر بشعري و بشرتي اللي أهملتهم تمااااااما حتى ترطيب ما كاش شوفي اتعبي اسبوع وتتهناي تولي كي يلحق الوقت تنوضي وحدك
و عندي 2 أحلام دنيوية راني ندعي ربي كل يوم و ان شاء الله يتحققو لي هاد العام
الحلم الأول نشري داري هذا حلم اذا كان صعب المنال نحيه من بالك وعيشي حياتك في دارك هذي حتى يفرج ربي و لا مورصو تراب نبنيه اذا راكم مخبيين صوارد وتقدرو تشرو اشريو ضرك لانو راهي الاسعار ذالعة للسما و نتهنى اعرفي الهنا ضرك هذي اللحظة تقبلي بنتك سعادة يرجعلك زوجك للبيت سعادة تقومي بدارك سعادة تهتمي بروحك سعادة ومن بعد ساهل
و الحلم الثاني أنو يرزقني ربي بتوأم ذكور و نتهنى من كلام أهل زوجي يارب يرزقك ربي بيهم حاجة برك هل كلام اهل زوجك قرآن منزل اللي يكرهو كثيييير البنات و يقدسو الذكر هنا تعرفي بلي هوما جاهلين وناقصين فهامة انتي خير منهم و أمه قوليلها بلي ابنك ما يحبش الذكورة علابالك بلي الرجل هو المسؤول على الذكر او الانثى وهي على جات انثى
علابالي طولت عليكم بزاف و حبيت نقول أشياء كثيرة نحيها من قلبي، ربما في قسم الدردشة أحسن
سلام حبيباتي وعليكم السلام راسي وجعني وانا نكتب مع الصباح حطيت حياتك قدامي وتقلقت على لي ناقصين ولاعبينها فاهمين
|
حبيبتي أشكرك على الرد و الاهتمام و محاولتك مساعدتي و التخفيف عني ربي يجازيكي على قد نيتك
لكني حبيت نوضح أمور
أني أتمنى ربي يرزقني بالذكور مش معنتها أني ما نحبش بناتي و ما نفتخرش بيهم، بالعكس بنوتاتي أغلى عندي و عند باباهم من نور عينينا، و الحمد لله مدلعينهم في كل شي، و ما نبدلش قلامة ظفر إحداهما بكنوز الدنيا، و لما قلت "أطفالي" هذا لا يعني أني لا أفتخر ببناتي، الحمد لله بناتي الاثنتين مميزات جدا ربي يكملهم، و لكن كلمة" أطفال" و "أولاد" تطلق في اللغة العربية على الجنسين ذكور أو بنات
و لما قلتِ لي " علاه تحكي سرك" فأنا من النوع الكتووووم سري ما نعطيه حتى لوحدة غير ماما و خياتي بررررك
هذا السلاح نتاعهم خليتيهم يقولو خالية وماهيش مهتمة بيبيتها راكي تمديلهم في اللاز
حبيبتي بيتي الحمد لله ديما مرتب و منظم، و زيدي واحد ما دخل داري من أهل زوجي لأني من منطقة ساحلية لكني ساكنة مع زوجي بأقصى الجنوب بحكم عمله، يعني واحد ما جا عندي غير أختي و لكل واحد ظروفه في عدم المجيء منها المسافة الكبيرة و عدم وجود الطائرة في نفس ولايتنا و ظروف أخرى
و عجبتني كلمة قلتيها " ديري روحك عايشة مع أمراض عقلية" لأنو فعلا هذا واش راني نشوف اللي يقدرهم و يحترمهم و صوتو ما يسمعهوش يحسبوه جايح و يغلطو عليه كيما يحبو، أما اللي ما تقدرهمش و صوتها فوق صوتهم هاذيك يحلفو غير براسها، بصح الله غالب والديا ما رباونيش على ردان الكلام لكني رح نرد و نسكت كل وحدة بأدب
للأسف و الله ما نقدر ننسى الإهانة و الحقرة و الظلم
بارك الله فيكِ حبيبتي