~~~ الجزء 127 من واش طيبتي اليوم ~~~ التجديد ، التغيير

[rahma2014]

[زينب 66الحمد لله على سلامتك انت والعايلةوعظم الله اجركم وربي يرحمها برحمته الواسعة
زينوبة حبيبتي بصحتك التحويسة
ارزاق واش راكي حنونة وفحلة كيما انت ما شاء الله تقول كتلني التفنيين هذيك لا روتين لي قتلتنا
عازفة الناي يعطيك الصحة على الكيكة الله يبارك فيك
ام هديل الكيكة صورة طبق الاصل على كيكة الرائعة ام سهام يعطيك الصحة
لي نستها تسمحلي راني ف حالة ملي روحت البارح من العرس وانا حشاكم نتقيا ما نضتش خلاص من بلاصتي

[lyzzabel]

مسلخييير حبيبااتي و صحة قهوتكم
زييينب عظم الله أجركم و رحم الفقييدة و أسكنها فسييح الجناان ،، انا لله و إنا إليه راجعوون
حبيبتي لوكاان ترااجعي تلقييني سقسييت عليك و لاكان عجزتي سقسي الشيراات يقولولك ههههه الحمد لله 5لى سلاامتكم حبيبتي ،، حقا انا يقسييت اختي على امتحاناات السانكياام قالتلي بلي في 2 جواان و مصدر موثووووق ،، و الله أعلم
عااازفة الترتاااات هههه ممممم يعطيييك الصحة و سلمت الأنااامل و سعدها جاارتك ربي يدوم المحبة الله يباارك
ام نسرييين ديري الجااج محمر فالفرن و معااه اللوبياا في كيس الشواااء تجيي فيييييييلم و بصحتكم مسبقاااا مممممممم
ام هديييل كا خرجتلييش الصوورة وااااااع بصحتكم يا الحبييبة
على فكرة ام هدوول تااني رااهي غاايبة ان شااء الله الماانع خيير
ام رشدييي بصحتكم الترتة يا سلااااام تشهيييي و شكرااا على الثقة حبيبتي قصدي على فكرة الشانتييي هههه

كملت لحفييظ مراجعة تلرياضياات و باقي اللغة ال6ربية ورااني داايرة منصف غي حجريي نااض يبكيي غادي يقعد سااعة باش ترووح المعزة خخخخخ

ام الجووود هلمي بالكوااليييس
ام البناات بصحتكم المحااجب حبيبتي خليلي حقي دازماان ما كلييتهمش مممممم
زينوووبة بصحتكم التحوييسة و المشتريااات و الدووووش :d

انا عشايا بقااتلي الحرييرة و نزييد فيلي تاع البقريي و سلااطة و الحمد لله على نعمه


اللهم صل و سلم و باارك على سيدنا محمد

[heaven's road]

المشاركة الأصلية كتبت بواسطة إلهام07

ربي يخليك ام رشدي
تقصدي هكذا ؟ انا ثاني ندير بات بريزي ومن تحت كرام ديبلومات جي اخف وابن على الكرام باتيسيار ومن فوق فراز نطيبو مع سكر لوكان تحطي فراز مباشرة جيك التارت ناقصة حلاوة



انا ننصحك جربي لا كرام ديبلومات يزيدو يجيوك خير يعني نطيب كرام باتيسيار عادي ونخليها تبرد مليح بصح لازم تغطيها بكيس ملامس لسطح الكريمة باش ماديرش القشرة
ومن بعد نطلع حق 2 مغارف شانتيي بصح لازم تخليها ثقيلة وتخلطيها بالباتور مع الكرام باتيسيار وتعمري بيها تارت نتاعك جي كيما لاموس وبنينة تهبل

فور فور فور و الله راكي فور يا لهلوبة قالو ناس بكري لي مالحقش للعنب يقول حامض اما الشاب خالد كي غنى واش قال لي غارو منا يديرو كيفنا
و انتي يا عميدة من أعمدة قسم الطبخ حابة ما تزيديش تحطي وصفاتك ﻻﻻ ﻻﻻ ﻻﻻ ﻻ ﻻﻻ تحوسي تبهدلينا قدام الموسيو هههههه والف lux من بعد كيفاه نفكوها هههههههههه

[ام رشدى]

عازفة ليستومة كي العادة التارت تهوس امممم درك انكوبي عليك
ام هديل تبعدى في العين هههتارت تهبل امممم يعطيك الصحة
اختي زينب بصحتك التحويسة تستاهلي عزيزتي كون غير مريتي على صحاب الاقمشة كاينين ثم واحد الاقمشة روووووعة وبسومة معقولة
اختي زينب 66 والله نحبوك ولاكن الدنيا وتلاهيها ماتزعفيش حنونة اموااااااح اصبرو تخلص هدولة الامتحان ونديرلكم كل صباح كنترول هههه
ام البنات وين عدتي بالمحاجب ليستومة راهي تعيط ههههههه وياحبيبتي مالا رانا جيران انموت على ثنية الحمراء ترعرعت ثما والله الصباح كي رحت للبوستا تمنيت مانجيش انروح هههه
اختي ارزاق التفنيين كي يحكمني نعود نكركر في روحي ربي يعينك عزيزتي

[lyzzabel]

قمووورة و ام سراااج و ارزاااق هلوووووو هههه
رححححمة الف لاباااس عليييك يا عمرييي اشربي bactrim و primperan ينفعوووك بالااك لاا قدر الله تسمم غداائي ربي يشفيييك و يعاافيك يا الحبييبة
ام يااسوو بصحتك الخرجة و المشتريااات هدااك ما نبغييي ههههه ،، يامس كي خرجنا من vivarea food دخلنا ل le palais d'or بغييت كااشما نشريي حرموهاالي لولااد يبغو غيير صواالحهم عاودناا خرجنا و شورنا للداار

[*وردة الشرق*]

ام رشدي حبيبتي والله ما نيزعفانة راني قلت في اخر الرد انو كل وحدة فينا مسؤولة وندخلو للمنتدى بالجري والله راكو في قلبي كامل
رحمة شكرا حبيبتي والله الطريق عادت صعيبة و اللي سوقو مجانين ربي يحمي كل واحد ويرجعو لدارو سالم با رب
ليزا عسلايتي الحلوة والله نا رال ما رجعتش وشكرا حلوتي انك استفقدتبني حقى تقرعبجة صغيرة صغيرة دوك نهار شفت مواضيعك ولقيت الرفيس هاديك اليد لمبطبطة يدك ولا لا برديلي قلبي عندي زمان وانا حشمانة اليوم درت الكوراج وسقسيتك
سلام حبوباتي نروح نعشي لوليدات ونرجع نراجع ما فاتني كاش وصفات وحلول وردود حلوة متلكن

[rahma2014]

ليزا الحبوبة مشكورة حبيبتي والله غير شربت ما حبسليش وكي زدت سخنت قالي زوجي ضرك نديك للمستشفى هو ثاني شك ف تسمم ربي يجيب الخير ان شاء الله
ارزاق ووهيبة الحنونة شكرا على السؤال حبيباتي

[ام رشدى]

اختي. رحمة ربي يشفيك حنونة سير كاشما كليتي حاجة ماولمتكش ولانقولك بيك عوينةعلى خاطركش جيتي تهبلي مع البنوار والقصة انتاع شعرك ياخي ههههه نضحك مع اختي

[عازفة الناي]

مساكم سعيد يا حباباتي
مازلت ماراجعتش مليح بالتدقيق ههههههههههههههه
شكرا كي عجبتكم الكيكة
زينب 83 بصحتك التحويسة ماديتينيش معاك وااااع عوضيهالي هههههههههههههههههههه
ام رشدي كوبي براحتك هههههههههههههههه راهي نفس الكيكة بصح الديكور تغير ههههههه now look
ام طيري ربي يخليك عزيزتي
الله عليكم مع المراجعة ربي معاكم و ينجح اولادكم
كنت ندير في تشيز كيك بطريقة جديدة ان شاء الله يصلح
نحطهولكم واذا ماصلحش راحت عليكم

[قمر 77]

المشاركة الأصلية كتبت بواسطة أم ياسين الزهراء

زينب عظم الله اجركم وغفر لميتكم اختي

ام طيري راح نشنشف شعري حتى انا سمعت حتى لجوان الامتحانات الدولة هدي كلش فيها معوج

لبنات خرجت نزنق وشريت لبنات حوايج وشريت لي مول البيضة لقيت تاع 4 ب 35 الف ولقيت ب 18 الف طبعا شريت الثاني

وللقهوة درتلهم الزرير فال ل قمر بولد خوها ربي يصلحو ولعقوبة لكل اخت حامل تسلك على خير ولكل محرومة

ام ياسو المسرارة ربي يفرحك بياسو و نخدملو الطمينة في وليداتو امييييين فرحتيني قد السما و الارض عينيا راهم يرقصو هههههههههههههههههههههههههه

المشاركة الأصلية كتبت بواسطة omhadil

[url=https://www.qqq4.com/][/url[url=https://www.qqq4.com/][/url

ام سهام الترت امممممممممم عجبتنى يعطيك الصحة
بصح ماتضحكوش عليا راهى مخصوصة فى الديكور وين تبان تاع ام سهام راهى اول تجربة

ام هديل بصحتك بقيت غير انا راها الله ايبارك ما عندها ما خصها حنونة و بصحتكم تحواسة البحر و الدجاجة اممممممممممممممممممممممم الله ايبارك

المشاركة الأصلية كتبت بواسطة زينب 83

و عجبني ثاني كاين مصلى للنساء في البارك، يعني حاجة مليحة تحوسي و في نفس الوقت ماتأخريش الصلاة

زينوبة بصحتكم و الله تستاهلي نحيتي على خاطرك و الحمد لله على كلش و ربي يحفظ بلادنا من كيد الكائدين امييييين

[أم هبوبة]

Lكي عشيتو ان شاء الله لاباس
خرجت مع وليدي قلت نشريله شوية قش للصيف لكن يا لهوي كل شيئ غالي و الموديلات ما تستاهلش السومة الي حطينها فيها شريتله غير شوية قلت حتى نمشي لوهران و نكمله و نشري لبنات ثاني فيها شوية الرخى
زينب66 عظم الله اجركم في الفيدة و الله يبدل محلتها بالصبر
روضة واس راك مع التربية
رحمة الف لاباس عليك
ام طيري الجنة بصحتك واش حطيتي يعطكيك الصحة
ليزا الله يعاونك مع الحفاظة انا ولدي كمل التقويمات الاسبوع الي فات و بقاله المحفوظات غدوة ان شاء الله بصح والله شوكونا بامتحانات يوم 21 جوان هدا هبال و انا الي قلت لولدي الفصل الثالت اقصر فصل راه غير يحسب مينتا يجي 31 ماي باش يدي العطلة
الهام ما ديريش علىيهم وا علني اننا استفادنا من وصفاتك كثيرا دايما نطلبك ربي بالصحة على المجهود الي تبدليه مين تحط الوصفات و الله خرجت اليوم خصوصا باش نشري مشتريات كانت لازمتني باش نطبقلك طبق البطاطا بالكريم فراش ما ديريش على الغيارين و الحسادين ما تخليش كلمة منهم تحبطاك المورال

عازفة و ام هديل ما شاء الله على التارتات خرجولكم روعة
ام رشدي تارت الفريز باينة تهبل
ام ياسين مياء الانوار و بصحتك المشتريات
زينب 83 بصحتك التحويسة

[قمر 77]

رحمة ربي يشافيك خيتي روحي للطبيب اذا كش ما شكيتي احسن مرات الواد يخرج خرجة تخرج فيه الله يجيب الستر نروح نحط العشا سلام البنات

[فرح العمر]

المشاركة الأصلية كتبت بواسطة زينب 83

سلاااااااااام حبوبات كيف الأخبار راني رحت لباتنة و جيت و الحمد لله ، عجبني الحال بزاف خاصة المعاملة عجبتني تاع الصح ،و عجبتني الطريق كامل خضراء ربي يحمي بلادي يا رب ، صح عندنا مشاكل اجتماعية و اقتصادية ، لكن نحمد ربي على الأمن لي رانا عايشينو و الله نعمة كبييييييرة ربي يحفظ الجزاير و شعبها
راني شريت الطواجن و الثوم نموووووت عليه كي يكون جديد ، كي جي راجلي نحطلكم الصور صورت بالهاتف نتاعو ، على فكرة نشكر كل وحدة جاوبت على سؤالي صباحا ، راني مازال ماراجعت دخلت من الباب ديراكت للمنتدى ، نروح نحي قشي ندوش و نرجع ان شاء الله

بصحتكم التحويسة حبيبتي زينب هاكا تكومي نحيتي على خاطرك و شارجيتي المورال شوية

[فرح العمر]

المشاركة الأصلية كتبت بواسطة عازفة الناي

جبت الكيكة يارب تعجبكم

من يدك كلشي top يعطيك الصحة

[أم ماجد]

المشاركة الأصلية كتبت بواسطة ام طيري الجنة

ارواحي هنايا ام ماجد ما حبيتيش تقوليلي على بنتك راهم فضحوك خفت ايلا تعرضيني انا جاية جاية و نجيبلك معايا الشدّة نتاع تلمسان و نشدّلها و تكون اجمل العرايس ان شاء الله ربي يسقملها السعد و يفرحها اااااامين يا رب

بناس تلمسان
والله ملي كنت صغيرة سخفانة على الشدة هاتيها نلبسها انا خخخخخخخخخخخخخخخخخ