السلام عليكم و رحمة الله تعالى و بركاته
نشكركم اخوتي اخواتي على الترحيب بيا
ترحب بيكم الجنة و نعيمها و ريحتها الطيبة امين
استاذتي عطوفة راني كل يوم ندعي لبنتك و نطلب الدعاء ليها حاسة بيك
حتى و انا نقرا في كلامك نحس بيك
تفائلي خيرا و ان شاء الله تتجاوز هاد المحنة و ترجع كيما بكري و احسن
كما قال اغيلاس الصدقة راهي احسن دوا
و من عندي و عن تجربة الصلاة على الحبيب راهي تفرج الكرب صدقيني شدي السبحة و ديري بالميات صلاة على الحبيب بنية الشفاء
و الرقية ثان ماعندك ماتقوولي فيها لكن ارجوك بعيدا على متاهة الرقاة ارقيها بنفسك او ترقي هي روحها
اما على البنات راهم بخير و الحمدلله اريج مع الصيام و مسكينة بنتي جات كيفي و مثل باباها ما تتسخفش على الاكل
الا انها زعفانة استاذها الجديد للقرآن طلب منها المراجعة راهي في اسبوعين لم تزد ولو اية على حفظها فقط مراجعة و راه يعلم فيها التفسير و كل يومين عندهم حديث اخر حديث عن الجهاد هيهيهيه قلتلها بنيتي استاذكم متشدد ؟؟؟ خفت يجندهم رانا في وقت يخوف و اذا بيها تقولي حدثهم على العربي بن مهيدي و انه كان يصوم ديما الاثنين و الخميس
افنان صامت يومين يتيمين في الحق عندنا السخانة بزاف على هك ما شجعتهاش مع هي ضعيفة اما سلسبيل فتصوم انصاف ايام كعادتنا بكري و انا اتكفل بخياطتهم
المهم انها تتعلم الصيام من ايام قلتلها الصوم مش غير على الاكل هيا صومي على "قحار" اخواتك لانها تشرشي المشاكل كي المرمضن
وافقت و لكنها صارت تعض على شواربها ماقدرتش تحبس من انها تنتقد و تطالب بابسط ابسط حقوقها
قاتلي مانقدرش نشوف لعوج و نسكت انا مالقيت مانقول؟؟؟؟ هيهيهيه
....................
لما قريت على مدير ام الولدين الله يرحمه و يوسع عليه حبيت نقلكم على عدم دخولي الايام السابقة
في يوم ظهور نتائج السانكيام الصباح بكري رن الهاتف و خبرونا بوفاة ولد اخت زوجي في عمره 25 سنة شاب مابيه والو
سبحان الله على الخمسة صباح ليلة الشك توفى
هزينا رواحنا و رحنا نجرو فاذا بالعمل يتصله و يخبرو والد لبنات انه عنده عمل و لازم يرجع رجعنا من طريقنا
كانت الصدمة صدمات في الحق
موت الفجأة شاب صغير و نتخيلو غير و هو كاشخ و يضحك صار تحت التراب
و فوقها ماقدرناش نحضرو للجنازة كانت صدمة كبيرة للجميع
و بقالي الشوك في قلبي
حبيت نبدل عليا الجو و قعدت نفرح معاكم لكن والله كانت فرحة بالفم اما القلب كان داهش و مشاعري مش فاهمتها
و في الغد رحنا سبحان الله نلقاو والدته و رغم انها تتصبر و تحاول جاهدة الا انها مثل الجبل الي يتحرك
تقولي فقط "حنوني راح" كان ولد مطيع جدا لامه و لابعد الحدود احيانا كان يقلقني بطاعته العمياء لوالدته و كنت ننتقده نقولو تقولك بنت شابة مش شاب يقوم و يسلم على والدته من رجليها و هو يبوس فيها لوججها
يا سعده راح و والدته راضية عليه
حبيت نقلكم فقط على موت الفجأة هو صح يشوكي و بلاك يغفل الانسان مع الخلعة تا الموت على اهم درس
و هو و احنا وقتاش نموتو
اسمحولي ماكنتش حابة نحكي و نكسرلكم راسكم و لكن في هاد الاسبوع سمعت بمدير الري تاع بسكرة في اواخر الاربعينات توفى و امس سمعت ايضا باطار من اطارات بسكررة راه في الكومة
فقلت سبحان الله
هاد الناس كلها راهي تموت و احنا وقتاش نتعض و نفوق
بكري كان الشيخ كشك ربي يرحمه يقول الشرك انواع كثيرة
و من بين ماكان يقول
الي يعبد اهله
و هو اضن ما صرنا عليه
نهتمو بعايلتنا و باولادنا اكثر ما نهتم بديننا
فصرنا نضيعهم معا
لا وصلو اولادنا لوين حابينهم و لا وصلنا احنا لعمل نتهنو بيه ااننا داخلين للجنة
و الله المستعان