~~~ الجزء 127 من واش طيبتي اليوم ~~~ التجديد ، التغيير

[فرح العمر]

صح غداكم لبنات كاااااامل انا غدايا كان شكشوكة مع السخانة هذي ما فهمناش واش نطيبو عادلغدا و لعشا كوشمار
البارح كي خرجت مع زوجي و الاولاد شريت حويجات حبيت تشوفوهم



وهذي اللي في الاخير اداة يدوية بصح هايلة ترحي البصلة الفلفل الطماطم رقيق و الدبشة و بزاف حوايج و كيما الدوزان تاع المحجوبة تخدمو روعة انا نخدم بيها و ما نجبدش الروبو

[قمر 77]

الهام يرحم بوك اخطيك الهدرة نتاع الناس غير تمرض اذا شفتي هدرة ما شي مليحة ارميها ورا ظهرك طلعي لا طونسيون لروحك بلا سبة شوفي انا تغيظني الكلمة غير من لغزيز و درك رجعت حتى لعزيز و نحاول ننسى كلامو كي يغلط في حقى و دايما الواحد يستغفر ربي

[عازفة الناي]

فروحة بصحتك المشتريات
قمر يسلم لسانك

[قمر 77]

الهامو راح الزعل يا جميل امسحيها فينا و ما تحرميناش منك و لا من مواضيعك عندنا ثقة كبيرة فيك
سيمفونيتي رانا نسناو فالرويجل و يعطيك الصحة على الفطور و على التحويسات كان عمبالي راكي خذامة
فرح العمر الله ايبارك على الماعن و ربي يعطيك وقفة ساهلة و شكرا على الفكرة

[فرح العمر]

الهام انا من متتبعاتك و.الظاهرة خفة االدم مع الشطارة .كملو عليك اقراي ادعية الصباح و المسا و اكثري الاستغفار و لباس عليك ان شاء. الله

[إلهام07]

مشكورة ليزا على الفكرة مواح راكي غير رايحة جاية تجري واشي هذا ؟


عازفة الناي حبيبتي بالي واسع ماتتصوريش
انا نقدر ندير كيما الغاشي ندخل للمنتدى نهز الوصفات نتعلم الجديد ومانحطش وصفات نتاعي نحكمهم ليا وواحد مايسالني بصح انا نحب كيما لقيت وصفة مليحة نحب الاخوات ثاني يفرحو بيهم
وقبل مانحط حاجة نجربها قداش من مرة ونكتب الموضوع ونراجعو قداش من مرة باش نعتمدو مثلا القريوش مهما حاولو الاخوات حطيلنا الوصفة ماحبيتش حتان عاودتو 3 مرات وتاكدت ..... الواحد الثقة اللي كسبها ماجاتش من فراغ راهي من اجتهاد مانحطش وصفة غير لاتأكدت 100/100
بصح يجيوك ردود تفشلي خلاص وليت نقول انا واش دارهالي تكسار الراس وحرقة الدم ندير كيما جماعة بزاف يدخلو يهزو وروحو حتى شكر للعضوة صاحبة الوصفة كي ينجحو في التطبيق نتاعها مايحطوش لقيت بزاف نساء معارف يدخلو وماشي مسجلين خلاص يهزو برك ويروحو مهنيين ريسانهم

[hibatou ellah]

شكر وتقدير لكي اختي عازفة هيا واش تقولي كون تولي تعيشي في العلمةالهامو حبيبتي ماكلاه تز عفي طياباتك روعة انا مين نلقاهم نطيب طول بدون تعليق وتعجبني طريقة تقديمك وهذاك قلبك الطيب وفعلك الخير هو لي يمنعك من الحوادث ربي يحفظك انشاالله اهلين ام رشدي واشراكي راني كي نلقاكم تنحيولي وحش نتاع بلادي العلمة على سلامتك روضة بوسة كبيرة لوؤولة حبيب قلبي

[قمر 77]

الحمد لله الهام كاين ربي و كل و احد و درجتو عندو بالعمل اكيد ربي يجازيك على قلبك

[إلهام07]

فرح العمر وقمر77 ربي يحفظكم اخواتي والله غير الاخوات اللي مانيش حابتهم يروحو في الرجلين كاين بزاف اخوات ناس ملاح تقدري تقولي ذراعي ملوي منهم ( نقظة ضعف ) وإلا ياحسراه ملي هزيت قشي ومشيت :d:d
الواحد راهو يحط لوجه الله ماشي العباد
وماتخافوش مانيش من النوع اللي يهز شنافتو ثم ثم ويغضب عندكم الزهر :d:d

[ام رشدى]

اختي الهام كتبتلك قصيدة ودهبت في مهب الريح ههههه
شوفي اختي الهام الانسان الناجح اكيييييدحسادو بزاف واني والحمدللله منتدى الجلفة كااااامل يحبك من العضو القديم حتي الجديد خاصة الي جرب وصفاتك ادا بعدتي علينا وتوقفتي من وضع الوصفات شكون الي بينا وكيما يقولها عادل امام دنا غلبان هههه
خليك منهم اختي وربي يخليك ويعطيك ماتتمناي ويرزقك الزوج الصاح قولو امين كااااامل هههه
راني مانعرفش نكتب ماتضحكوش بصح الهام غاضها الحال لازم نهدر هههربي يعيشك

[ام حسناء05]

المشاركة الأصلية كتبت بواسطة زينب 83

صباح الخير حبيبات قلبي ، ربي يجعل هذا اليوم فرج و يسر على الجميع يا رب

لبنات تعيشو حابة استشارة بسرعة شكون راحت او تعرف حديقة التسلية تاع باتنة اذا مليحة و لا لالا و اذا محترمة ، تعيشوا جاوبوني بسرعة

اختي زينب هنا في باتنة توجد حديقة التسلية قادري والثانية انتاع مباركية انا ننصحك تروحيلهم وبالاخص انتاع مباركية عائلية مئة بالمئة

[إلهام07]

باش تعرفو باللي قلبي ابيض رايحة مروحة نودعكم بتارت TATIN تارت التفاح المقلوبة مممممممممممممممم
درتها في الويكاند معسلة ومقرمشة تهبل اتقاسمو وماتتهاوشوش :

[عازفة الناي]

المشاركة الأصلية كتبت بواسطة إلهام07

باش تعرفو باللي قلبي ابيض رايحة مروحة نودعكم بتارت tatin تارت التفاح المقلوبة مممممممممممممممم
درتها في الويكاند معسلة ومقرمشة تهبل اتقاسمو وماتتهاوشوش :d:

امممممممممممممم وامممممممممممممم وامممممممممممممم
روووعة نديها وحدي ههههههههههههههههههه

[إلهام07]

المشاركة الأصلية كتبت بواسطة روضة 88

الهاااااااااااام دخلن نجري قبل ما تخرجي حطيتي الوصفة انتاع قاطو خالتك انتاع نيسلي او لا واخيرا لقيت القاطو لي نحوس عليه بلييييييييز الهام
و متخافيش غير شيكولا منى نوار لي نشريها وايضا عند لمول انتاعه.

روضة على وجه ام رشدي الغلبانة صابريني نحطلك وصفة خير منها سرقتها غير منذ ايام تهبل تهبل روعة قاطو النيستلي بالشيكولا الناس كامل تعرفو
جاية قاطو بالنسكافي والكاراميل ممممممممممممممممم تحفة

على جالكم راني وليت سراقة تخيلو أخواتي عادو كي يكونو مناسبات كي يفرقو القاطو مايحبوش يعطيوهم حقهم كي سقسات اختي صاحبتها قالتلها وصاونا مانعطيوكش القاطو تعود اختك تسرقنا الافكار نتاعنا ................ انا تعرفي وليت نغلي
بصح صاحبة اختي ماخلاتلهاش قاتلها قاطوك المعفن هذاك إلهام دير خير منو بردتلي قلبي
زكارة فيهم جايبة وصفة مسروقة نتاع قاطو تهبل جبتها من العاصمة وساهل ماهل مانطولش ماتخافيش عندي النيستلي رايح يتبيريما

[ام حسناء05]

عزيزتي عازفة الناي كوزينتك خفيفة وعسل كيما اانت عيب ندخل بيديا فارغين صابلي خدماتو بنتي