الجزء 107 من واش طيبتي اليوم ; العين تاكل قبل الفم

[Omrihem]

المشاركة الأصلية كتبت بواسطة أم يوسف العربي

السلام عليكم
كي قريت مشااكاتكم البارح واليوم الدموع هبطولي و الله تقول عايشين في بيت واحد
ربي يجمعكم و يجمعنا معاكم في الدنيا و في الجنة بإذنه قدير على كل شيء
المهم ربي يسهللها ولادتها و يجي مولودها صحيح وكامل
اللهم اسمعنا اخبار الخير

ام يوسف العربي صباح النوار واهلا بيك معانا اختاه
دايمة الحمد العزيزة صباح فل وياسمين وقهوتك راهي تنفنف اممممممممم
سيماسيم صباح الورود والحمد لله علي سلامتك معافاة ان شاء الله
كوكا ام سهام وهيبة ام رجاء زينب 66 صباح الخير عليكم
ام رجاء بصحتكم الدوارة وتوصاي بالحار اممممممم
انا والله راني حايرة واش ندير للغداء راني حاطة الخبز نتاع النخالة يطيب ونخمم.

[مياسم75]

صباح الانوااااار
لحابة تعاود الحليب تتفضل
انا رايحة نشرب القهوة من عند داءمة الحمد

[omaymen]

المشاركة الأصلية كتبت بواسطة مياسم75

صباح الانوااااار
لحابة تعاود الحليب تتفضل
انا رايحة نشرب القهوة من عند داءمة الحمد

ممممك رايحة نعاودها درك هههههه ابعتيلي شوية
بصحتكم مياسيم

[عطرالذهب]

صباح الخير وجمعة مباركة
غدانا دوبارة حااااارة ومطلوعة راهو مازال عندنا الثلج لازم غير الماكلة الثقيلة والحااااااارة
وللعشا راح ندير كسكس ونبعث لعشا لدارنا ولدار شايبي

[مياسم75]

سيماسيم ربي يجيبلك ساعة ساهلة لازم لازم الراحة قالهالك الطبيب ونزيدو نعودوهالك ما تحيريناش عليك
اللهم احفظ جنين أختي سيماسيم من كل سوء انت خير الحافظين
وسهل ولادتها وقر عينها به يارب اميييييين

[مياسم75]

ام سهام بصحتكم انا نحب نتاع الشيكولا امممممم

[مياسم75]

صباح الخير ام ريهام ندي هذا ونرروح نخمم على الغداء

[Omrihem]

خبز النخالة بالزيت الزيتون راهو وجد وسخون الي يحبو يتفضل

[ام سهام 02]

دائمة الحمد الف لاباس على الميمة والحمد الله لجات خير وعلى خير


كوكا وام ريهام نهار موفق وسعيد

[زينب 83]

المشاركة الأصلية كتبت بواسطة simassim

صباح الخير راني رجعت لكن مازال ماولدتشالبارح لاطونسيون كانت تهبط وتطلع. تقلقت شوي. حكموني وقلتلهم نقعد فالدار نريح خير من السبيطار
حت ولدي وخليتو راقد فالدار وحدو كان البرد وماحيناش نخرجوه الحمد لله قالولي الررررراااااحة والراحة
ربي يخليكم ليا

سيما هذا وين سمعت حبيبتي ، ربي يعافيك و يلبسك ثوب الصحة و العافية و يحميك و يرجعك لدارك سالمة و يرزقك مولود معافى

[زينب 83]

صباح الخير لبنات ، انا غدايا ليوم مودر ، زوجي راهو راقد عيان ، وإمكان والو في الدار ، حتى ينوض و نشوف

ام رهام الله الله على هذاك الخبز يعطيك الصحة يا لفحلة

[الأمنيات]

السلام عليكم وجمعه مباركه اول جمعه من العام الجديده غفر الله لنا لكم
قاطو درته لولدي تاع الجامعه



عشايا تاعرالبارح

[chez biba]

السلام عليكم وجمعه مباركة للجميع

ام رهام يعطيك الصحة على الخبز خرجلك روعة تاكلوه بالصحة ولهنا

الامنيات يعطيك الصحة انا ندي هذا ليا نحب صابلي مع نواد كوكو امممممممم وبصحتو ولدك ربي يحفظهولك ويخليك بيه وينجحو يارب


عازفة الناي نهارك مبروك ويعطيك الصحة راكي قائمة بكوزينتك ما شاء الله

ام ياسو بصحتكم البسبوسة باينة تهبل، يعطيها الصحة بنتك ربي يحفظها

ام سهام اطباقك كلها روعة وأكلة دايما فيه لمسة مميزة ، يعطيك الصحة

ام طيري الجنة واش راكي حبيبتي ليك وحشة كبيييييييييرة

ليزا، ام محمد تاج، دائمة الحمد، كوكا، زينب، النرجوسة ، سيماسيم أحلى تحية ليكم حبيباتي ، ان شاء الله تكونو كامل بخير يارب

جيادا يعطيك الصحة على الخير اللي حطيتيه، والخبز تاعك دايما يشهي اممممممم

[kokoyak32]

صباح الخير و البركة أخواتي باركولي وأخيرا أصبحت عضوة معكم أتمنى قبولكم بي بينكم جمعة مباركة اخواتي

[الأمنيات]

المشاركة الأصلية كتبت بواسطة kokoyak32

صباح الخير و البركة أخواتي باركولي وأخيرا أصبحت عضوة معكم أتمنى قبولكم بي بينكم جمعة مباركة اخواتي

اهلا بيك اختي نتمنى تفيدينا وتستفيدي من الاخوات نورتيييييييييييي
واش راح ديري غداك